Agenda a Chofnodion

Croesawodd y Cadeirydd bawb i’r cyfarfod.

Cafwyd ymddiheuriadau gan Luke Fletcher AS a Buffy Williams AS.

Bydd y Cadeirydd yn cyhoeddi Deiseb y Flwyddyn

Cyhoeddodd y Cadeirydd mai deiseb y flwyddyn y pleidleisiodd pobl Cymru drosti oedd P-06-1212, sef Cyfraith Mark Allen - rydym ni am weld gorsafoedd cortyn taflu o amgylch pob safle dŵr agored yng Nghymru.

Llongyfarchodd yr Aelodau y prif ddeisebydd Leeanne Bartley a phawb a gyfrannodd at y ddeiseb.

Datganodd Jack Sargeant AS y buddiant perthnasol a ganlyn o dan Reol Sefydlog 17.24A:

Mae'n aelod o Undeb Unite ac mae wedi cael llawer o negeseuon e-bost a llythyrau gan bobl sy’n cefnogi eu hymgyrch.

Trafododd y Pwyllgor y ddeiseb a chytunodd i ysgrifennu’n ôl at y Dirprwy Weinidog Newid Hinsawdd i:

• ofyn a sicrhawyd datrysiad ariannol ar gyfer gweddill y flwyddyn fel y nodwyd yn natganiad mis Mai, ac
• ateb y cwestiynau penodol a godwyd gan y deisebydd.

Trafododd y Pwyllgor y ddeiseb a nododd fod y Gweinidog yn glir iawn ynghylch ei dull gweithredu a pham. 

Yng ngoleuni ymateb y Gweinidog cytunodd yr Aelodau nad ydynt yn gallu mynd â'r mater ymhellach a chytunwyd i ddiolch i'r deisebydd a chau'r ddeiseb.

Trafododd y Pwyllgor y ddeiseb a chytunodd i:

• ysgrifennu at Gadeirydd y Pwyllgor Plant, Pobl Ifanc ac Addysg i godi ymwybyddiaeth o'r ddeiseb yng ngoleuni eu hymchwiliad presennol;
• aros am yr adroddiad yn sgil adolygiad thematig Estyn ym mis Medi; a
•  rhoi cyfle pellach i'r deisebydd wneud sylwadau ar yr ohebiaeth a ddaeth i law gan Lywodraeth Cymru.

Trafododd y Pwyllgor y ddeiseb a nododd fod Senedd Ieuenctid Cymru wedi cynnal arolwg o bwys ar drafnidiaeth, sy'n cau dros yr haf. Yn sgil hyn, cytunodd yr Aelodau i wahodd rhai o aelodau Senedd Ieuenctid Cymru i gyflwyno eu canfyddiadau i'r Pwyllgor Deisebau mewn cyfarfod tua diwedd mis Tachwedd.

Hefyd, cytunodd yr Aelodau i ofyn am ddiweddariad gan y Gweinidog ar yr adolygiad o'r Mesur Teithio gan Ddysgwyr.

Datganodd Joel James AS y buddiant perthnasol a ganlyn o dan Reol Sefydlog 17.24A:

Mae ganddo aelodau o'r teulu sy'n dioddef o'r cyflwr.

Trafododd y Pwyllgor y ddeiseb a chytunodd i ysgrifennu yn ôl at y Gweinidog Iechyd a Gwasanaethau Cymdeithasol i rannu pryderon a phrofiadau cleifion a gofyn iddi ateb y cwestiynau a godwyd gan y deisebydd.

Trafododd y Pwyllgor y ddeiseb a nododd y bydd dadl ar y cyd yn cael ei chynnal yn y Cyfarfod Llawn ar 12 Gorffennaf ar yr adroddiad gan y Pwyllgor Deisebau a'r Pwyllgor Plant, Pobl Ifanc ac Addysg.

Diolchodd y Cadeirydd i bawb a gymerodd ran a nododd fod amrywiaeth eang o randdeiliaid a roddodd dystiolaeth ar gyfer y ddau ymchwiliad wedi’u gwahodd i’r Senedd i wylio’r ddadl.

Trafododd y Pwyllgor y ddeiseb a chytunodd i:

• anfon cwestiynau'r deisebydd ymlaen at y Gweinidog i ofyn am ragor o fanylder, yn enwedig o ran amseru; ac i

aros am ddiweddariad gan y Gweinidog ar y penderfyniad ynghylch galw’i mewn geisiadau cynllunio ar gyfer unedau dofednod.

Trafododd y Pwyllgor y ddeiseb a chytunodd nad oes unrhyw beth arall y gall y Pwyllgor ei wneud i fwrw ymlaen â'r ddeiseb o ystyried nad yw'r Gweinidog yn gallu ymyrryd mewn penderfyniadau sy'n parhau i fod yn gyfrifoldeb y bwrdd iechyd lleol. Yng ngoleuni hyn, cytunodd y Pwyllgor i gau’r ddeiseb a diolch i’r deisebydd.

Rhoddodd y Cadeirydd drosolwg o'r digwyddiad diweddar a gynhaliwyd gan y deisebydd yn y Senedd  ar 21 Mehefin.

Trafododd yr Aelodau y ddeiseb gan nodi, er bod cefnogaeth gan Bwyllgor yr Economi, Masnach a Materion Gwledig i gynnal ymchwiliad i wasanaethau milfeddygol yng Nghymru, nid yw hyn yn rhan o’u blaenraglen waith ar hyn o bryd, felly mae’n annhebygol y caiff y gwaith ei gynnal yn y ddau dymor nesaf.

Yng ngoleuni hyn, cytunodd y Pwyllgor i gynnal ymchwiliad undydd yn nhymor yr hydref a gwahodd Coleg Brenhinol y Milfeddygon, a chynrychiolwyr o’r maes i roi tystiolaeth. Nododd yr Aelodau y byddai ymchwiliad byr ar y ddeiseb yn parhau i olygu bod gwaith manylach gan Bwyllgor yr Economi, Masnach a Materion Gwledig yn parhau’n bosibl yn ddiweddarach, a phan fydd ganddo’r gallu i wneud hynny.

Ystyriodd y Pwyllgor y ddeiseb a nododd fod y Bil Amaethyddiaeth (Cymru) bellach wedi pasio cyfnod 4. Yn sgil hyn, cytunodd yr Aelodau i ddiolch i’r deisebydd ac i gau’r ddeiseb.

Trafododd y Pwyllgor y ddeiseb a chytunodd, gan fod Rheoliadau’r Dreth Gyngor (Eithriadau rhag Symiau Uwch) (Cymru) (Diwygio) 2023 bellach wedi'u rhoi ar waith nad oes unrhyw gamau pellach y gall y Pwyllgor eu cymryd. Caewyd y ddeiseb a diolchwyd i’r deisebydd.

Trafododd y Pwyllgor y ddeiseb a nododd y gwaith parhaus a’r trafodaethau o ran safoni a gwella amodau gwaith ar gyfer Cynorthwywyr Addysgu. 

Yng ngoleuni'r gwaith sydd eisoes ar y gweill i fynd i'r afael â’r materion, cytunodd yr Aelodau i gadw'r ddeiseb ar agor ac i ofyn am ddiweddariad gan Weinidog y Gymraeg ac Addysg ym mis Ionawr 2024.

Trafododd y Pwyllgor y ddeiseb a nododd fod:

·       gwaith ar y groesffordd wedi dechrau;

·       mae’r Gweinidog wedi darparu ymateb cynhwysfawr i’r materion a godwyd gan y deisebydd; a

·       bydd canllawiau newydd ynghylch terfynau cyflymder yn cael eu cyhoeddi yn ddiweddarach eleni.

Yng ngoleuni hyn, llongyfarchodd y Pwyllgor y deisebydd ar ei ymgyrch i wneud y groesffordd yn ddiogel a chytunodd i gau’r ddeiseb.

Trafododd y Pwyllgor y ddeiseb a nododd ei gamau blaenorol i aros am y gyllideb derfynol a'r setliad Llywodraeth Leol. O ystyried bod hyn bellach wedi mynd heibio cytunodd yr Aelodau i ddiolch i'r deisebydd a chau'r ddeiseb. 

Trafododd y Pwyllgor y ddeiseb a llongyfarchodd y deisebydd ar ei ymgyrchu llwyddiannus dros nifer o flynyddoedd. Roedd yr Aelodau’n croesawu’r canlyniad cadarnhaol, ac ymrwymiad Llywodraeth Cymru i gyflwyno deddfwriaeth i gyflwyno taliadau uniongyrchol ar gyfer gofal iechyd parhaus. O ystyried hyn, cytunodd yr Aelodau felly i gau'r ddeiseb.

Cafodd y papurau eu nodi.

Cytunodd y Pwyllgor i gau'r ddeiseb.

Cytunodd y Pwyllgor i gau'r ddeiseb.

Derbyniwyd y cynnig.

Trafododd y Pwyllgor ei flaenraglen waith ar gyfer tymor yr hydref.