Agenda a Chofnodion

Croesawodd y Cadeirydd bawb i’r cyfarfod.

Trafododd y Pwyllgor y Ddeiseb a chytunodd i'w hanfon at Bwyllgor Biliau Diwygio’r Senedd a'i chadw ar agor tan y cyflwynir y Bil i'r Senedd.

Trafododd y Pwyllgor y ddeiseb a nododd ymateb Llywodraeth Cymru i'r ddeiseb, a chynnig y Gweinidog i rannu'r adolygiad o’r dystiolaeth gyda'r Pwyllgor. Yng ngoleuni hyn, cytunodd yr Aelodau i gadw'r ddeiseb ar agor tan y cynhelir yr adolygiad o'r dystiolaeth.

Trafododd y Pwyllgor y ddeiseb a chytunodd i ysgrifennu at y Pwyllgor Busnes i wneud cais am ddadl ar y ddeiseb.

Trafododd y Pwyllgor y ddeiseb a chytunodd i'w chadw ar agor nes bod Senedd Ieuenctid Cymru yn rhannu ei chanfyddiadau ar yr arolwg y mae’n yn ei gynnal ar hyn o bryd ar drafnidiaeth gyhoeddus, a ddisgwylir yn ddiweddarach yn nhymor yr hydref.

Trafododd y Pwyllgor y ddeiseb a chytunodd i'w hanfon at y Pwyllgor Plant, Pobl Ifanc ac Addysg, ynghyd â'r ohebiaeth a ddaeth i law. Bydd yn gwneud cais i'r ddeiseb gael ei hystyried fel rhan o'i ymchwiliad presennol i fynediad cyfartal at addysg a gofal plant. Cytunodd yr Aelodau hefyd i ddychwelyd at y mater i'w ystyried ar ôl i'r ymchwiliad ddod i ben.

Trafododd y Pwyllgor y ddeiseb a chytunodd i'w chau o gofio bod y Gweinidog wedi datgan yn glir iawn nad oes cynlluniau o'r fath i gyflwyno 'dinasoedd 15 munud' yng Nghymru.

Trafododd y Pwyllgor y ddeiseb a chytunodd i gadw'r ddeiseb ar agor tan y ceir diweddariad o gyfarfod cyhoeddus Llais sydd wedi’i drefnu yn ddiweddarach ym mis Medi.

Yn ogystal â hyn, cytunodd y Pwyllgor i anfon y ddeiseb at i Fwrdd Iechyd Prifysgol Betsi Cadwaladr a gofyn beth sy'n cael ei wneud am y mater.  

Trafododd y Pwyllgor y ddeiseb a nododd bwyslais cryf y Gweinidog ar bwysigrwydd arweiniad Pwyllgor Sgrinio Cenedlaethol y DU a’r canllawiau a'r dystiolaeth a gafwyd gan Sefydliad Prydeinig y Galon. Yng ngoleuni hyn, cytunodd y Pwyllgor nad oes lle i fynd â'r ddeiseb ymhellach a chytunodd i'w chau. Wrth wneud hynny, diolchodd yr Aelodau i’r deisebydd am dynnu sylw’r Pwyllgor at y mater pwysig hwn.

Trafododd y Pwyllgor y ddeiseb a chytunodd i'w chadw ar agor tan y ceir ymateb y Gweinidog i gynigion Comisiwn Trafnidiaeth Gogledd Cymru ar gyfer Menai.

Trafododd y Pwyllgor y ddeiseb a chytunodd i'w chadw ar agor tan ymgynghoriad Llywodraeth Cymru a ddisgwylir yn ddiweddarach eleni. Cafodd y deisebydd a'r deisebydd sy’n galw am Wahardd Rasio Milgwn eu hannog gan y Cadeirydd i ymgysylltu ag ymgynghoriad Llywodraeth Cymru.

Trafododd y Pwyllgor y ddeiseb a nododd fod disgwyl deddfwriaeth ar y mater hwn yn fuan, a bydd Pwyllgor yn cael ei sefydlu yn y Senedd i graffu arni. Yng ngoleuni hyn, cytunodd yr Aelodau i gau’r ddeiseb a diolch i’r deisebydd.

Trafododd y Pwyllgor y ddeiseb a chytunodd i gysylltu â Samuel Kurtz AS i drefnu ymweliad â chyffordd 'Mynegpost' yr A477.

Cytunodd yr Aelodau hefyd i ysgrifennu at y Pwyllgor Busnes i wneud cais am ddadl ar y ddeiseb yn dilyn yr ymweliad â’r safle.

Trafododd y Pwyllgor y ddeiseb a nododd fod y deisebwyr yn croesawu ymateb y Gweinidog ac yn falch bod ffrydiau gwaith a grwpiau arbenigol wedi'u sefydlu. Er bod gan y deisebwyr gwestiynau pellach ar y mater, maent yn cydnabod eu bod yn mynd y tu hwnt i gwmpas y ddeiseb. Yng ngoleuni hyn, cytunodd yr Aelodau i gau’r ddeiseb a diolch i’r deisebydd am ei ymgysylltiad parhaus.

Trafododd y Pwyllgor y ddeiseb a nododd bod y Gweinidog yn parhau i fod yn sicr bod Rheoliadau a Chod 2008 yn addas i'r diben, er bod y Pwyllgor wedi tynnu sylw Llywodraeth Cymru at bryderon y deisebydd.  Yng ngoleuni hyn, cytunodd y Pwyllgor i gau'r ddeiseb a diolch i'r deisebydd am dynnu sylw at bryderon ynghylch effaith llosgi dan reolaeth.

Trafododd y Pwyllgor y ddeiseb a nododd ymateb Cymdeithas Llywodraeth Leol Cymru sy'n tynnu sylw at yr heriau sy’n gysylltiedig â diffinio beth fyddai am ddim, a sut y byddai'r gost o'i chyflawni yn cael ei thalu, yn y tymor byr a'r tymor hir. Yng ngoleuni hyn, caeodd y Pwyllgor y ddeiseb a diolchodd i blant Ysgol Mynydd Bychan am ymgysylltu â'r Pwyllgor Deisebau. 

Trafododd y Pwyllgor y ddeiseb a nododd yr ymateb blaenorol gan y Gweinidog a oedd yn glir nad oes cynlluniau i ddarparu darpariaeth Dysgu Cymraeg am ddim i bawb, a'r ymateb manwl diweddar gan y Ganolfan Dysgu Cymraeg yn amlinellu'r ystod o opsiynau, cefnogaeth benodol am ddim a'r ystod o gymorth ariannol sydd ar gael.  Yng ngoleuni hyn, cytunodd yr Aelodau i gau’r ddeiseb a diolch i’r deisebydd. 

Trafododd y Pwyllgor y ddeiseb a chytunodd i ysgrifennu at y Comisiynydd Pobl Hŷn ac Age Cymru i ofyn am eu barn ar y ddeiseb.

Yn ogystal, cytunodd yr Aelodau i ysgrifennu at Carolyn Thomas AS i ofyn am ei barn ar y ddeiseb ac a fyddai'n gallu cynorthwyo'r Pwyllgor gyda'i gwybodaeth am y mater.

Nododd y Pwyllgor y ddadl a gynhaliwyd yn y Cyfarfod Llawn ar 28 Mehefin. O ystyried y bydd proses weithredu'r terfyn cyflymder o 20mya yn dod i rym ar 17 Medi cytunodd yr Aelodau i gau'r ddeiseb a diolch i'r deisebydd.

Derbyniwyd y cynnig.

Nodwyd y papur.

Trafododd y Pwyllgor ei flaenraglen waith