Agenda a Chofnodion

Croesawodd y Cadeirydd bawb i’r cyfarfod. Ni chafwyd ymddiheuriadau.

Sally Jenkins, Cyngor Dinas Casnewydd

Annabel Lloyd, Cyngor Bwrdeistref Sirol Rhondda Cynon Taf

Julie Davies, Dinas a Sir Abertawe

Clywodd y Pwyllgor dystiolaeth gan Sally Jenkins, Cyfarwyddwr Gwasanaethau Cymdeithasol Cyngor Dinas Casnewydd, Annabel Lloyd, Cyfarwyddwr Gwasanaethau Plant Cyngor Rhondda Cynon Taf a Julie Davies, Pennaeth Gwasanaeth Plant a Theuluoedd Cyngor Abertawe.

Deborah Jones, Voices from Care Cymru

Francesca Pritchard, Voices from Care Cymru      

Clywodd y Pwyllgor dystiolaeth gan Deborah Jones, Prif Weithredwr Voices from Care Cymru a Francesca Pritchard, Rheolwr Llesiant ar gyfer Voices from Care Cymru.

Trafododd y Pwyllgor y ddeiseb a chytunodd i ysgrifennu at Bwyllgor Busnes y Senedd i ofyn am ddadl yn y Cyfarfod Llawn.

Trafododd y Pwyllgor y ddeiseb a chytunodd i gadw llygad ar y sefyllfa nes cyhoeddir casgliadau’r ymchwil y mae Llywodraeth wedi’i gomisiynu i’r mater hwn.

Trafododd y Pwyllgor yr ohebiaeth a ddaeth i law a chytunodd i ysgrifennu at y Gweinidog eto yn gofyn am ddata manylach i weld a oes ysgolion neu awdurdodau lleol penodol lle mae'r cyflymder cyfartalog yn arafach nag y dylai fod.

Trafododd y Pwyllgor y ddeiseb a chytunodd i gadw llygad ar y sefyllfa tra bo Llywodraeth Cymru yn cynnal adolygiad o’r mater hwn.

Trafododd y Pwyllgor y ddeiseb a nododd y bydd yr etholiadau lleol sydd ar ddod yn debygol o godi ymwybyddiaeth o'r enw ac, o unrhyw gynigion i'w newid o bosibl. Cytunodd y Pwyllgor na ellid cymryd unrhyw gamau eraill a chytunodd i gau’r ddeiseb.

Trafododd y Pwyllgor y ddeiseb a nododd bod Llywodraeth Cymru yn cymryd camau i sicrhau y bydd profion llai annymunol ar gael yn ddiweddarach yn y flwyddyn. Cytunodd y Pwyllgor i gau’r ddeiseb a diolch i’r deisebydd. Wrth wneud hynny, cytunodd y Pwyllgor i roi gwybod i’r deisebydd fod Llywodraeth Cymru yn bwriadu cyflwyno profion llai annymunol.

Trafododd y Pwyllgor y ddeiseb a chytunodd i anfon y ddeiseb at y Pwyllgor Diben Arbennig ar Ddiwygio’r Senedd er mwyn i aelodau’r Pwyllgor hwnnw ei hystyried fel rhan o’u trafodaethau presennol ynghylch ethol Aelodau o’r Senedd yn y dyfodol. Wrth wneud hynny, cytunodd y Pwyllgor i gau’r ddeiseb a diolch i’r deisebydd.

Trafododd y Pwyllgor y ddeiseb a chytunodd i ysgrifennu at y Gweinidog eto i ofyn am ymateb i’r cynigion a gyflwynwyd gan y deisebwyr yn eu hymateb i’r Pwyllgor. 

Trafododd y Pwyllgor y ddeiseb a chytunodd i ysgrifennu at y Gweinidog eto i ofyn am esboniad manylach o’r cyllid sydd ar gael i gymunedau ac a fydd unrhyw ganllawiau neu gymorth ar gael i’r rhai sydd am redeg a chynnal a chadw adeiladau cymunedol.

Trafododd y Pwyllgor y ddeiseb a nododd fod Adran yr Amgylchedd, Bwyd a Materion Gwledig wrthi’n ymgynghori ynghylch y mater. Cytunodd i gadw llygad ar y sefyllfa ac ailystyried y ddeiseb pan fydd Llywodraeth Cymru wedi ymateb i’r casgliadau.

Trafododd y Pwyllgor y ddeiseb a nododd fod pedair deiseb arall yn ymwneud â hyn wedi’u cyflwyno i’r Pwyllgor.  Nododd y Pwyllgor fod Llywodraeth Cymru wedi egluro’r broses eithrio sydd ar gael i awdurdodau lleol ei dilyn os ystyrir bod 20mya yn amhriodol ar gyfer ffordd benodol. O ystyried bod y broses eithrio’n cynnig fforodd i’r deisebwyr dynnu sylw eu hawdurdod lleol ar eu pryderon, ac y gall yr awdurdodau hyn adolygu’r penderfyniad, cytunodd y Pwyllgor i gau’r ddeiseb a diolch i’r deisebydd.

Trafododd y Pwyllgor y ddeiseb a chytunodd i gadw llygad ar y sefyllfa nes bydd Pwyllgor Iechyd a Gofal Cymdeithasol y Senedd wedi gorffen trafod y mater.

Trafododd y Pwyllgor y ddeiseb a nododd fod y ddeiseb wedi llwyddo i sicrhau y bydd rhagor o gyllid ar gael ar gyfer carfannau o fyfyrwyr gwaith cymdeithasol ôl-raddedig yn y dyfodol, ac y bydd hyn yn gwella’r sefyllfa. Mae opsiynau eraill yn cael eu datblygu a disgwylir i gynllun gweithlu gwaith cymdeithasol gael ei gyhoeddi. Cytunodd y Pwyllgor i longyfarch y deisebwyr ar eu llwyddiant a chau’r ddeiseb. 

Trafododd y Pwyllgor y ddeiseb a nododd fod y cynlluniau i ddatblygu gwasanaeth yn mynd rhagddynt, ac y bydd y Gweinidog yn rhoi'r wybodaeth ddiweddaraf am y mater hwn i'r Pwyllgor Plant, Pobl Ifanc ac Addysg yn y dyfodol. Gan hynny, cytunodd y Pwyllgor nad oedd unrhyw gamau eraill y gallai eu cymryd yn awr a chytunodd i gau’r ddeiseb a diolch i’r deisebydd am dynnu sylw at fater pwysig iawn drwy gyfrwng y ddeiseb.

Derbyniwyd y cynnig.

Trafododd y Pwyllgor y dystiolaeth a glywyd a chytunodd y byddai’n gwahodd y Dirprwy Weinidog Gwasanaethau Cymdeithasol i’r Pwyllgor er mwyn cael rhagor o dystiolaeth.