P-06-1265 Dylid newid enw ward etholiadol newydd Saltney, Sir y Fflint i "Saltney a Saltney Fferi."

Cyflwynwyd y ddeiseb hon gan Arthur Barrie Gregory, ar ôl casglu 117 o lofnodion ar-lein a 152 o lofnodion ar bapur, am gyfanswm o 269 o lofnodion.

Geiriad y ddeiseb:       

Mae'r Gweinidog Llywodraeth Leol a Chyllid wedi penderfynu mai'r enw ar gyfer ward unigol newydd tref Saltney yn Sir y Fflint fydd "Saltney Fferi". Credwn fod hwn yn benderfyniad sy’n seiliedig ar gamgymeriad yn adroddiad Comisiwn Ffiniau a Democratiaeth Leol Cymru a gall arwain at ddryswch ymhlith trigolion lleol mewn etholiadau.

Mae gan dref Saltney boblogaeth o tua 5,500 a dim ond tua 800 o’r bobl hynny sy'n byw yn y gymuned fechan a elwir yn Saltney Fferi, sy'n rhan fach o'r dref.

Gwybodaeth Ychwanegol:

Tudalen 65 a 66 o adroddiad y Comisiwn Ffiniau yw’r rhan honno sy’n cyfeirio’n benodol at yr ymgynghoriadau cefndir a’r argymhellion a ddilynodd adroddiad y Comisiwn Ffiniau ac a arweiniodd at benderfyniad y Gweinidog i alw’r ward newydd yn Saltney Fferi.

Mae mwyafrif helaeth trigolion Saltney yn credu bod hwn yn benderfyniad chwerthinllyd sy’n seiliedig ar gamgymeriad a wnaed pan ysgrifennwyd yr adroddiad, a bod yn rhaid ei newid ar fyrder.

Statws

Yn ei gyfarfod ar 25/04/2022 penderfynodd y Pwyllgor Deisebau fod y ddeiseb hon wedi'i chwblhau.

Trafododd y Pwyllgor y ddeiseb a nododd y bydd yr etholiadau lleol sydd ar ddod yn debygol o godi ymwybyddiaeth o'r enw ac, o unrhyw gynigion i'w newid o bosibl. Cytunodd y Pwyllgor na ellid cymryd unrhyw gamau eraill a chytunodd i gau’r ddeiseb.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei thrafod gyntaf gan y Pwyllgor Deisebau ar 25/04/2022.

Etholaeth a Rhanbarth y Senedd

• Alyn a Deeside
• Gogledd Cymru

Rhagor o wybodaeth

• Hafan y Pwyllgor Deisebau
• Gweld pob deiseb sydd ar agor
• Gweld pob deiseb mae’r pwyllgor bellach yn ystyried
• Sut mae proses Ddeisebu yn gweithio
• Briffiau ymchwil deisebau