P-06-1266 Profion COVID i blant sy'n addas i'r oedran
P-06-1266 Profion COVID i blant sy'n addas i'r oedran
Cyflwynwyd y ddeiseb hon gan Michelle Hurd, ar ôl casglu cyfanswm o 376
lofnodion.
Geiriad y ddeiseb:
Hoffwn i'r Llywodraeth ystyried mabwysiadu dull gwahanol o brofi plant, sef
prawf PCR sy'n addas i’r oedran a elwir yn brawf lolipop. Y cyfan sydd angen i
blentyn ei wneud yw sugno ar swab cotwm am oddeutu 30 eiliad, sy'n brofiad
llawer llai annymunol.
Gwybodaeth Ychwanegol:
Rwyf wedi gweld bod profion COVID-19 i blant ifanc yn gallu bod yn
drawmatig i'r plentyn a'r rhiant, yn enwedig wrth brofi plant iau. Mae hyn yn
debygol o waethygu gyda thymor y ffliw ac anwydau ar ddod. Mae plant sy'n
dueddol o ddioddef peswch yn gorfod cael y prawf swab PCR yn rheolaidd cyn
iddynt allu dychwelyd i'r ysgol. Mae'r profion hyn yn peri straen a gofid yn
aml, a’r cyfyng-gyngor i rieni yw a ddylid ynysu plentyn, er mai annwyd yn unig
sydd ganddo, i osgoi gorfod gwneud prawf. Mae yna opsiwn gwell i blant sydd
eisoes yn cael ei ddefnyddio yn yr Almaen. Mae'n brawf PCR sy'n briodol i'r
oedran a elwir yn brawf 'lolipop', ac mae'n ddibynadwy iawn. Tybed pam nad ydym
yn cynnig y prawf hwn yn y DU. Hoffwn ofyn i'r Llywodraeth fabwysiadu’r dull
hwn fel ffordd fwy caredig o brofi plant ifanc. Mae’n hen bryd i ni leddfu’r
gofidion sy’n gysylltiedig â phrofion!
Statws
Yn ei gyfarfod ar 25/04/2022 penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor y ddeiseb a nododd bod Llywodraeth
Cymru yn cymryd camau i sicrhau y bydd profion llai annymunol ar gael yn
ddiweddarach yn y flwyddyn. Cytunodd y Pwyllgor i gau’r ddeiseb a diolch i’r
deisebydd. Wrth wneud hynny, cytunodd y Pwyllgor i roi gwybod i’r deisebydd fod
Llywodraeth Cymru yn bwriadu cyflwyno profion llai annymunol.
Gellir gweld manylion llawn ynghylch trafodaeth y
Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.
Cafodd ei thrafod gyntaf gan y Pwyllgor Deisebau ar
25/04/2022.
Etholaeth a Rhanbarth y Senedd
- Gorllewin Caerfyrddin a De Sir Benfro
- Canolbarth a Gorllewin Cymru
Rhagor o wybodaeth
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 19/04/2022