Agenda a Chofnodion

Croesawodd y Cadeirydd bawb i’r cyfarfod.

Ni chyflwynwyd ymddiheuriadau.

Roedd yr holl Aelodau’n bresenol.

Trafododd y Pwyllgor y ddeiseb a nododd fod Llywodraeth Cymru yn adolygu ac yn diweddaru sut y dylid cymhwyso ei chanllawiau i awdurdodau priffyrdd ar bennu eithriadau i’r terfyn cyflymder 20mya newydd. Nododd y Pwyllgor y byddai’r canllawiau diwygiedig yn cael eu cyhoeddi’n fuan, ac y byddai awdurdodau priffyrdd yn rhoi newidiadau ar waith o fis Medi. Yn sgil hyn, cytunodd yr Aelodau nad oedd unrhyw gamau pellach y gallai’r Pwyllgor eu cymryd a chau’r ddeiseb, gan ddiolch i’r deisebydd.

Trafododd y Pwyllgor y ddeiseb a chroesawu penderfyniad Llywodraeth Cymru i ymrwymo i roi £765,000 i'r awdurdod rheoli risg lleol, Cyngor Bwrdeistref Sirol Castell-nedd Port Talbot, i ddatblygu cynllun atal llifogydd ar gyfer Cae Nant Terrace. Roedd y Pwyllgor yn bryderus ynghylch y penderfyniad i ohirio’r broses ymgeisio ar gyfer dylunio a chyllid tan ddechrau 2025 a chytunodd i ysgrifennu at y cyngor i bwysleisio’r angen i’r gwaith fynd rhagddo cyn gynted â phosibl. Cytunodd y Pwyllgor i gadw'r ddeiseb yn agored hyd nes y bydd ymateb yn dod i law.

Trafododd y Pwyllgor y ddeiseb a nododd benderfyniad Llywodraeth Cymru i beidio â gwneud newidiadau i'r flwyddyn ysgol yn ystod tymor y Senedd hon. Cytunodd y Pwyllgor i gau'r ddeiseb a llongyfarch y deisebydd ar ganlyniad llwyddiannus.

Datganodd Jack Sargeant AS y buddiant perthnasol a ganlyn o dan Reol Sefydlog 17.24A:

Aelodaeth o Uno’r Undeb, a greodd ddeiseb P-06-1442.

Trafododd y Pwyllgor y ddeiseb a nododd ymgyrch debyg gan Ysgol Sant Joseff yn Wrecsam, sy'n gweithio gyda thîm Addysg y Senedd. Cytunodd y Pwyllgor yr hoffai ddychwelyd at y mater a chlywed yn uniongyrchol gan ddisgyblion Ysgol Sant Joseff (drwy'r Tîm Addysg).

Trafododd y Pwyllgor y ddeiseb a chytunodd i'w gadael ar agor, gan nad oedd wedi cael ymateb gan Trac Cymru eto. Nododd y Pwyllgor mai hon oedd y drydedd ddeiseb yn ymwneud â chyllid diwylliannol sydd wedi cael ei hystyried yn ystod y misoedd diwethaf. Cytunodd i ddychwelyd at y ddeiseb unwaith y byddai ymateb wedi dod i law.

Trafododd y Pwyllgor y ddeiseb a chytunodd i ysgrifennu at Ysgrifennydd y Cabinet dros Gyllid, y Cyfansoddiad a Swyddfa'r Cabinet i egluro'r pwyntiau a wnaed gan y deisebydd. 

Trafododd y Pwyllgor y ddeiseb a chytunodd i ysgrifennu at Cyfoeth Naturiol Cymru i ofyn am eglurhad ynghylch a oedd penderfyniad wedi'i wneud i gau Ynyslas, a phryd y gallai hynny fod wedi digwydd. Cytunodd y Pwyllgor i anfon copi at Gadeirydd Pwyllgor Newid Hinsawdd, yr Amgylchedd a Seilwaith y Senedd i roi gwybod iddo, gan ei fod wedi gwneud argymhellion i Cyfoeth Naturiol Cymru yn flaenorol ar fater canolfannau ymwelwyr.

Trafododd y Pwyllgor y ddeiseb a chytunwyd i'w chadw ar agor hyd nes y bydd Cyfoeth Naturiol Cymru yn cyhoeddi ystadegau llygredd dŵr newydd ym mis Rhagfyr 2024. Cytunodd y Pwyllgor i ddychwelyd at y ddeiseb ym mis Rhagfyr a nododd fod Ysgrifennydd y Cabinet wedi tynnu sylw at waith i ymchwilio i ffactorau sy’n achosi’r lefelau llygredd dŵr yn yr ardaloedd yr effeithir arnynt.

Trafododd y Pwyllgor y ddeiseb a nododd fod y deisebydd wedi cau'r ddeiseb ar ôl iddi gyrraedd 10,000 o lofnodion, sef y trothwy i ddeisebau gael eu hystyried ar gyfer dadl yn y Siambr. Cytunodd y Pwyllgor i ysgrifennu at Bwyllgor Busnes y Senedd i wneud cais am ddadl.

Cytunodd y Pwyllgor i ysgrifennu at yr Awdurdod Cystadleuaeth a Marchnadoedd i roi amlinelliad o’r ddeiseb, tynnu sylw at y dystiolaeth yr oedd wedi’i chasglu ac i ofyn am gadarnhad y bydd yn ystyried y dystiolaeth yn ei drafodaethau.

Cytunodd y Pwyllgor i ysgrifennu at Ysgrifennydd y Cabinet dros Newid Hinsawdd i annog datrysiad erbyn Pasg 2025. Cytunodd y Pwyllgor hefyd i gadw'r ddeiseb yn agored hyd nes y bydd Llywodraeth Cymru yn cynnal ymgynghoriad pellach.

Nododd y Pwyllgor fod Cyfoeth Naturiol Cymru yn cael ei ariannu gan Lywodraeth Cymru. Cytunodd y Pwyllgor y dylai’r deisebwyr drefnu trafodaethau unigol ag Aelodau o’r Senedd cyn Cyllideb Llywodraeth Cymru er mwyn i’r Aelodau allu gyfleu eu barn yn ystod dadleuon ar y Gyllideb. Nododd y Pwyllgor ddadl a arweiniwyd gan y Pwyllgor Cyllid ar flaenoriaethau ariannu ar gyfer y Gyllideb nesaf a chytunwyd y byddai'r Cadeirydd yn ceisio cyfrannu ar ran y Pwyllgor. Cytunodd y Pwyllgor i gau’r ddeiseb.

Cytunodd y Pwyllgor i gadw'r ddeiseb ar agor tra'n aros am ymateb Llywodraeth Cymru a'r ddadl sydd i ddod yn y Siambr. Cytunodd y Pwyllgor i ddychwelyd at y ddeiseb yn yr hydref.

Gwnaeth y Cadeirydd ddiolch i Rhiannon Passmore AS, a arweiniodd y ddadl ar y ddeiseb hon yn y Siambr ar 26 Mehefin. Nododd y Pwyllgor fod y ddeiseb wedi’i rhannu â’r Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol a’r Pwyllgor Cyllid. Gwnaeth y Pwyllgor ddiolch i'r deisebydd a chau’r ddeiseb.

Nodwyd y papur hwn gan y Pwyllgor.

Nodwyd y papur hwn gan y Pwyllgor.

Derbyniwyd y cynnig.

Trafododd y Pwyllgor ei gynlluniau ar gyfer toriad yr haf, gan gynnwys cyhoeddi ei Adroddiad Blynyddol a chael presenoldeb amlwg yn yr Eisteddfod Genedlaethol.