Agenda a Chofnodion

Croesawodd y Cadeirydd bawb i’r cyfarfod.

Cafwyd ymddiheuriadau gan Luke Fletcher AS, a oedd yn dirprwyo ar ran y Pwyllgor Deddfwriaeth, Cyfiawnder a’r Cyfansoddiad.

Datganodd yr Aelodau y buddiannau perthnasol a ganlyn o dan Reol Sefydlog 17.24A ar gyfer deisebau sy’n cael eu hystyried:

Eitem 2.1 – Datganodd Peter Fox AS ei fod yn ffermwr.

Eitem 2.2 – Nododd yr Aelodau fod holl Aelodau'r Senedd yn cael treuliau o dan y Penderfyniad ar Gyflogau a Lwfansau’r Aelodau.

Eitem 3.1 – Mae Vaughan Gething AS yn gydymaith er anrhydedd i Gymdeithas Milfeddygon Prydain.

Eitem 3.1 Mae gan Carolyn Thomas AS chwaer-yng-nghyfraith sy'n gweithio i bractis milfeddygol, sydd wedi'i gymryd drosodd gan gorfforaeth.

Trafododd y Pwyllgor y ddeiseb a thynnodd sylw at y ddadl yn y Cyfarfod Llawn a oedd i'w chynnal ar adroddiadau gan y Pwyllgor Newid Hinsawdd, Amgylchedd a Seilwaith a Phwyllgor yr Economi, Masnach a Materion Gwledig, ar y Cynllun Ffermio Cynaliadwy. 

Nododd yr Aelodau y bydd cyfle i godi pryderon y deisebwyr ar lawr y Senedd yn ddiweddarach y mis hwn.

Yn sgil y ddadl sydd i ddod, cytunodd y Pwyllgor i gau’r ddeiseb a diolch i’r deisebydd am godi’r mater pwysig.

Trafododd y Pwyllgor y ddeiseb a chytunodd i'w hanfon at y Bwrdd Taliadau Annibynnol, sy'n gyfrifol am faterion o'r fath. Wrth wneud hynny cytunodd yr Aelodau i gau'r ddeiseb a diolch i'r deisebwyr.

Trafododd y Pwyllgor y ddeiseb, a nododd yr ohebiaeth ddiweddar a ddaeth i law oddi wrth y deisebydd, academyddion a Cats Matter.

At hynny, tynnodd y Cadeirydd sylw'r Aelodau at wybodaeth a gafwyd gan Unite ynghylch y sefyllfa gyda Valley Vets.

Diolchodd yr Aelodau i'r deisebydd am y gwaith a wnaed ar y mater hwn, a chytunwyd i gadw golwg ar y ddeiseb hyd nes y daw ymchwiliad yr Awdurdod Cystadleuaeth a Marchnadoedd i ben. Disgwylir i’r ymchwiliad ddod i ben ym mis Mai.

At hynny, nododd y Pwyllgor gais y deisebydd i Bwyllgor yr Economi, Masnach a Materion Gwledig ystyried ymchwiliad i’r mater o fewn ei flaenraglen waith, a chytunodd i ysgrifennu at Gadeirydd y Pwyllgor i drosglwyddo’r cais.

Trafododd y Pwyllgor y ddeiseb, a nododd fod Bil Senedd Cymru (Rhestr o Ymgeiswyr Etholiadol) wedi’i dynnu’n ôl ers ystyried y ddeiseb ddiwethaf, ac mae’n annhebygol y bydd unrhyw ddeddfwriaeth bellach yn dod i law cyn etholiad nesaf y Senedd.

Cytunodd yr Aelodau y byddai cynyddu cynrychioldeb y Senedd, bellach yn fater i bleidiau gwleidyddol wrth iddynt ddewis ymgeiswyr, a’r etholwyr ar y cyfnod pleidleisio. Yn sgil hyn, cytunodd yr Aelodau i gau’r ddeiseb a diolch i’r deisebydd.  

Datganodd Peter Fox MS y buddiant perthnasol a ganlyn o dan Reol Sefydlog 17.24A:

Mae'n garafánwr ac yn aelod o glybiau carafanau.

Trafododd y Pwyllgor y ddeiseb a nododd yr ymgynghoriad sydd ar ddod gan Lywodraeth Cymru, a chytunodd i ysgrifennu at y deisebydd er mwyn annog y deisebydd i ymateb iddi pan fydd yn cael ei lansio.

Wrth wneud hynny cytunodd yr Aelodau i gau'r ddeiseb a diolch i'r deisebydd.

Trafododd y Pwyllgor y ddeiseb a diolchodd i'r Llywydd am ymateb cynhwysfawr i'r ddeiseb.

Nododd yr Aelodau fod gan Gomisiwn y Senedd, bellach, bolisi tryloyw sydd ar gael i’r cyhoedd, sy’n ymdrin â pha sianeli sydd wedi’u cynnwys ar y system deledu fewnol. Yn sgil hyn, cytunodd yr Aelodau i gau’r ddeiseb a diolch i’r deisebydd.

Trafododd y Pwyllgor y ddeiseb, llongyfarchodd y myfyrwyr am eu hymgyrch #nohungrylearners a diolchodd iddynt am roi o'u hamser i gyflwyno tystiolaeth i'r Pwyllgor.

Cytunodd yr Aelodau i gau'r ddeiseb, ond wrth wneud hynny byddent yn ysgrifennu at Ysgrifennydd y Cabinet dros Addysg i rannu tystiolaeth y deisebydd.

Trafododd y Pwyllgor y ddeiseb eto, yn dilyn dadl yn y Cyfarfod Llawn ar 18 Medi.

Cytunodd yr Aelodau, gan y byddai’r materion yn cael eu datblygu gan Bwyllgorau eraill y Senedd, y dylid cau’r ddeiseb yn awr.

Wrth wneud hynny, diolchodd yr Aelodau i'r deisebydd a chytunwyd i rannu eu gohebiaeth ddiweddaraf â'r Gweinidog dros Ddiwylliant, Sgiliau a Phartneriaeth Gymdeithasol.

Trafododd y Pwyllgor y ddeiseb ochr yn ochr â phedair deiseb arall yn ymwneud â diwygio ADY, a chymorth a chyllid ar gyfer darpariaeth ADY. Nododd yr Aelodau fod y Gweinidog eisoes yn gweithio gydag ymgyrchwyr i fynd i’r afael â phryderon, a’r gwaith parhaus yn y maes hwn gan y Pwyllgor Plant, Pobl Ifanc ac Addysg, y disgwylir iddo adrodd eto erbyn diwedd y Senedd. At hynny, mae yna ddadleuon ar ddod yn y Senedd, a fydd yn mynd i’r afael â’r mater. Cytunwyd, felly, i gau'r ddeiseb a diolch i'r deisebydd.

Trafododd y Pwyllgor y ddeiseb ochr yn ochr â phedair deiseb arall yn ymwneud â diwygio ADY, a chymorth a chyllid ar gyfer darpariaeth ADY. Nododd yr Aelodau fod y Gweinidog eisoes yn gweithio gydag ymgyrchwyr i fynd i’r afael â phryderon, a’r gwaith parhaus yn y maes hwn gan y Pwyllgor Plant, Pobl Ifanc ac Addysg, y disgwylir iddo adrodd eto erbyn diwedd y Senedd. At hynny, mae yna ddadleuon ar ddod yn y Senedd, a fydd yn mynd i’r afael â’r mater. Cytunwyd, felly, i gau'r ddeiseb a diolch i'r deisebydd.

Trafododd y Pwyllgor y ddeiseb ochr yn ochr â phedair deiseb arall yn ymwneud â diwygio ADY, a chymorth a chyllid ar gyfer darpariaeth ADY. Nododd yr Aelodau fod y Gweinidog eisoes yn gweithio gydag ymgyrchwyr i fynd i’r afael â phryderon, a’r gwaith parhaus yn y maes hwn gan y Pwyllgor Plant, Pobl Ifanc ac Addysg, y disgwylir iddo adrodd eto erbyn diwedd y Senedd. At hynny, mae yna ddadleuon ar ddod yn y Senedd, a fydd yn mynd i’r afael â’r mater. Cytunwyd, felly, i gau'r ddeiseb a diolch i'r deisebydd.

Trafododd y Pwyllgor y ddeiseb ochr yn ochr â phedair deiseb arall yn ymwneud â diwygio ADY, a chymorth a chyllid ar gyfer darpariaeth ADY. Nododd yr Aelodau fod y Gweinidog eisoes yn gweithio i fynd i’r afael â phryderon, a’r gwaith parhaus ar ADY gan y Pwyllgor Plant, Pobl Ifanc ac Addysg, y disgwylir iddo adrodd eto erbyn diwedd y Senedd. At hynny, mae yna ddadleuon ar ddod yn y Senedd, a fydd yn mynd i’r afael â’r mater. Cytunwyd, felly, i gau'r ddeiseb a diolch i'r deisebydd.

Trafododd y Pwyllgor y ddeiseb ochr yn ochr â phedair deiseb arall yn ymwneud â diwygio ADY, a chymorth a chyllid ar gyfer darpariaeth ADY. Nododd yr Aelodau fod y Gweinidog wedi derbyn bod anghysondebau rhwng awdurdodau lleol, ond nad yw dirwyon yn cael eu hystyried. Nododd yr Aelodau'r gwaith parhaus ar ADY gan y Pwyllgor Plant, Pobl Ifanc ac Addysg, y disgwylir iddo adrodd eto erbyn diwedd y Senedd. At hynny, mae yna ddadleuon ar ddod yn y Senedd, a fydd yn mynd i’r afael â materion yn ymwneud ag ADY. Cytunwyd, felly, i gau'r ddeiseb a diolch i'r deisebydd.

Nododd yr aelodau'r ohebiaeth oddi wrth Cyfoeth Naturiol Cymru.

Nododd yr aelodau'r ohebiaeth oddi wrth Cyfoeth Naturiol Cymru.

Derbyniwyd y cynnig.

Bu'r Pwyllgor yn ystyried papur cwmpasu ar gyfer casglu tystiolaeth ar y ddeiseb: Gwahardd ffonau clyfar ym mhob ysgol yng Nghymru (gydag esemptiadau ar gyfer amgylchiadau eithriadol).