Agenda a Chofnodion
Lleoliad: Ystafell Bwyllgora 1 - Y Senedd. Cyfarwyddiadau
Cyswllt: Graeme Francis
Cyfryngau
Senedd.TV: Gweld y gweddarllediad
Transcript: Trawsgrifiad ar gyfer 09/06/2020 - Y Pwyllgor Deisebau - Y Bumed Senedd
Rhif | Eitem |
---|---|
Cyflwyniad, ymddiheuriadau, dirprwyon a datganiadau o fuddiant Dogfennau ategol: Cofnodion: Cafwyd
ymddiheuriadau gan Michelle Brown AS |
|
Deisebau Covid-19 |
|
P-05-962 Diwygiad brys i ymestyn yr oedran y ceir hawl i gymorth addysgol ychwanegol o 25 i 26 ac i ddiffinio pandemig Covid-19 yng nghanllawiau'r Llywodraeth fel amgylchiad eithriadol Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i gymryd y camau a ganlyn: ·
ysgrifennu
yn ôl at y Gweinidog Addysg i rannu’r dadleuon manwl a gyflwynwyd gan y
deisebydd ynghylch digonolrwydd canllawiau Llywodraeth Cymru, gan ofyn ei barn
ar y materion penodol a ganlyn: ·
yn ei
barn hi, a fyddai ceisiadau i ymestyn cyfleoedd astudio i bobl ifanc sydd ag
anawsterau dysgu yn sgil pandemig y coronafeirws yn debygol o fodloni’r prawf
‘amgylchiadau eithriadol’; ·
a
yw’r Llywodraeth yn bwriadu cyfathrebu â lleoliadau addysg arbenigol ar gyfer
pobl ifanc ag anawsterau dysgu i’w hannog i drafod a ddylid gwneud ceisiadau
o’r fath ar gyfer eu myfyrwyr nhw; a ·
chyhoeddi
neges ar y cyfryngau cymdeithasol ynghylch y camau y mae’r Pwyllgor yn eu
cymryd mewn perthynas â’r ddeiseb hon. |
|
Deisebau newydd |
|
P-05-947 Dylai llythyrau meddygon teulu fod am ddim i fyfyrwyr Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i aros i glywed barn y deisebydd
ar ymateb y Gweinidog Iechyd a Gwasanaethau Cymdeithasol cyn cytuno a ddylid
cymryd camau eraill ynghylch y ddeiseb. |
|
P-05-950 Dysgu Amaethyddiaeth ac Addysg Cefn Gwlad o oed 4 i 16 yn ein Hysgolion Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i gymryd y camau a ganlyn: ·
ysgrifennu
yn ôl at y Gweinidog Addysg i ofyn pa waith sy’n cael ei wneud i ddatblygu
adnoddau dysgu ar y pynciau a amlygwyd i’r Pwyllgor a phryd y bydd yr adnoddau
hyn ar gael i athrawon; ac i ·
aros
am ymateb y deisebydd i’r wybodaeth y mae’r Gweinidog yn ei darparu. |
|
P-05-951 Gosodwch derfyn ar uchafswm y geist bridio mewn sefydliadau bridio cŵn trwyddedig yng Nghymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i ysgrifennu at Weinidog yr
Amgylchedd i ofyn am y materion a ganlyn: ·
a yw
Llywodraeth Cymru yn bwriadu dwyn yn ei flaen argymhelliad 9 yn yr Adolygiad o
Reoliadau Lles Anifeiliaid (Bridio Cŵn) (Cymru) 2014 (sy’n trafod gwneud rhagor o waith ymchwil i benderfynu ar y buddion o
ran lles anifeiliaid) ar hyn o bryd ac yn ôl pa amserlen; ac ·
a
fyddai modd cael y wybodaeth ddiweddaraf am y ddeddfwriaeth arfaethedig ac a
ellir cynnwys y mater hwn yn y ddeddfwriaeth honno. |
|
P-05-953 Gwahardd poteli llaeth plastig defnydd untro mewn ysgolion Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i ysgrifennu yn ôl at y Dirprwy
Weinidog Tai a Llywodraeth Leol i rannu’r adborth a ddaeth i law gan
ddisgyblion ac i ofyn am ymateb i’w cais y dylai Llywodraeth Cymru brynu uned pergal
i bob ysgol ledled Cymru. Cafodd disgyblion St Aidan’s Church in Wales VA
School gryn glod gan aelodau’r Pwyllgor am eu deiseb. |
|
P-05-957 Gorsaf yn Sanclêr. Cefnogwch y cais am orsaf drenau yn Sanclêr Dogfennau ategol:
Cofnodion: Oherwydd y ffaith mai Llywodraeth y Deyrnas Unedig fydd yn gwneud y
penderfyniad terfynol ar y mater hwn fel rhan o’i Chronfa Gorsafoedd Newydd,
cytunodd y Pwyllgor i ysgrifennu at Lywodraeth y DU i gefnogi’r cais am orsaf
newydd yn Sanclêr, gan gytuno hefyd i gau’r ddeiseb. Hefyd, cytunodd aelodau’r
Pwyllgor i ddiolch i’r deisebydd am godi’r mater hwn ac i fynegi eu siom na
fydd y penderfyniad terfynol yn cael ei wneud yng Nghymru. |
|
Y wybodaeth ddiweddaraf am ddeisebau blaenorol |
|
P-05-798 Gwasanaethau cymorth i ddynion sy'n ddioddefwyr trais yn y cartref i gael eu rhedeg a'u cyllido'n annibynnol Dogfennau ategol:
Cofnodion: Cafwyd y
datganiad o fuddiant a ganlyn gan Neil McEvoy yn unol â Rheol Sefydlog 17.24A: Roedd yn arfer
cyflogi’r deisebydd ac roedd ar un adeg yn rhan o achos cyfreithiol gyda Cymru
Ddiogelach. Trafododd y Pwyllgor yr ohebiaeth ychwanegol sydd wedi dod i law a
chytunodd i ysgrifennu at y Dirprwy Weinidog a’r Prif Chwip i rannu’r pryderon
a fynegwyd gan y deisebydd, ac i ofyn y canlynol: ·
pryd fydd y broses o gomisiynu gwasanaethau cymorth
i ddynion sy’n ddioddefwyr trais yn y cartref yn cael ei hadolygu nesaf; ac ·
a ellir gwneud ymrwymiad i gynnig cyfle i ddarparwyr
eraill gyflwyno tendrau i ddarparu gwasanaethau penodol. Gofynnodd Leanne
Wood i gael ei gadael allan o gamau gweithredu pellach sy’n gysylltiedig â’r
ddeiseb hon ac i hyn gael ei nodi’n glir yn y llythyr at y Gweinidog. |
|
P-05-882 Trawsnewid yr ymateb i bobl hyn sy'n dioddef camdriniaeth ddomestig - galw am weithredu Dogfennau ategol:
Cofnodion: Trafododd y Pwyllgor yr ohebiaeth ychwanegol sydd wedi dod i law a
chytunodd i ysgrifennu at Gomisiynydd Pobl Hŷn Cymru i ofyn beth arall ellir ei wneud gan Lywodraeth Cymru, yn ei barn
hi, i gynyddu’r gefnogaeth sydd ar gael i bobl hŷn sy’n dioddef trais yn y
cartref. |
|
P-05-826 Mae sir Benfro yn dweud NA!! i gau adran damweiniau ac achosion brys Llwynhelyg! Dogfennau ategol:
Cofnodion: Trafododd y Pwyllgor yr ohebiaeth ychwanegol sydd wedi dod i law a
chytunodd i gymryd y camau a ganlyn: ·
aros
am ymateb gan y deisebydd; a ·
pharhau
i gadw golwg ar y mater hwn a thrafod unrhyw wybodaeth newydd sy’n dod i law yn
ystod gweddill tymor y Senedd hon. |
|
P-05-893 Achub Ein Parciau yng Nghymru Dogfennau ategol:
Cofnodion: Yn sgil yr ymatebion sydd wedi dod i law gan Lywodraeth Cymru a
Chymdeithas Llywodraeth Leol Cymru, sy’n trafod materion fel y diogelwch a
gynigir gan bolisïau cynllunio a gwrthod cyllid wedi’i neilltuo, cytunodd y
Pwyllgor i beidio â chymryd unrhyw gamau pellach ac i gau’r ddeiseb. |
|
P-05-865 Gwarantu bod dewisiadau sy’n seiliedig yn llwyr ar blanhigion ar bob bwydlen y sector cyhoeddus Dogfennau ategol:
Cofnodion: Trafododd y Pwyllgor yr ohebiaeth ychwanegol sydd wedi dod i law a
chytunodd i ysgrifennu at y Pwyllgor Newid Hinsawdd, yr Amgylchedd a Materion
Gwledig i ofyn iddo drafod opsiynau fegan fel rhan o’i adolygiad o’r adroddiad
ar Ailfeddwl am Fwyd yng Nghymru: Caffael Cyhoeddus mewn cysylltiad â Bwyd. Cytunodd aelodau’r Pwyllgor i ddiolch i’r
deisebwyr am godi’r mater, a hynny gan gytuno hefyd i gau’r ddeiseb. |
|
P-05-929 Annog y defnydd o 'Cymru' a 'Cymry' wrth gyfeirio atom ein hunain yn y Gymraeg a'r Saesneg Dogfennau ategol:
Cofnodion: Trafododd y
Pwyllgor yr ohebiaeth ychwanegol sydd wedi dod i law a chytunodd i gau’r
ddeiseb, o gofio bod Gweinidog y Gymraeg a Chysylltiadau Rhyngwladol wedi
datgan nad yw hi’n cefnogi camau i fabwysiadu polisi cyffredinol ynghylch
defnyddio’r termau hyn, er y byddai’n cefnogi camau i’w defnyddio fel y bo’n
briodol. Cytunodd aelodau’r Pwyllgor i ddiolch i’r deisebwyr am ddwyn sylw at y
mater hwn. |
|
P-05-778 Amddiffyn Cyllyll Môr ar Draeth Llanfairfechan Dogfennau ategol:
Cofnodion: Yng ngoleuni’r
ffaith bod y gwelyau cyllyll môr yn Llanfairfechan yn parhau i fod ar gau, yn
ogystal â’r gwaith ymchwil sy’n cael ei wneud ar ran Llywodraeth Cymru a’r
ymrwymiad gan Weinidog yr Amgylchedd, Ynni a Materion Gwledig y byddai’n
ystyried cwotâu dyddiol,
y ddalfa fwyaf a ganiateir a chyfnodau cau, cytunodd y Pwyllgor nad oes llawer
mwy y gellir ei gyflawni ar hyn o bryd, felly dylid cau’r ddeiseb. |
|
P-05-803 Mae ein byd naturiol yn cael ei wenwyno gan blastigau untro....mae'n bryd cyflwyno treth! Dogfennau ategol:
Cofnodion: Trafododd y Pwyllgor yr ohebiaeth ychwanegol sydd wedi dod i law a
chytunodd i ysgrifennu yn ôl at Lywodraeth Cymru i ofyn am y canlynol: ·
trosolwg
o’r holl gamau gweithredu sydd wedi’u cymryd gan y Llywodraeth i fynd i’r afael
â llygredd plastig fel cwpanau a chynhwysyddion bwyd polystyren; a ·
bod y
gwaharddiad yn cael ei ymestyn i gynnwys polystyren untro. |
|
P-05-868 Diogelwch Dwr, Atal Boddi ac effeithiau Sioc Dwr Oer i'w haddysgu ym mhob Ysgol yng Nghymru Dogfennau ategol:
Cofnodion: Trafododd y Pwyllgor yr ohebiaeth ychwanegol sydd wedi dod i law a
chytunodd i ysgrifennu yn ôl at Lywodraeth Cymru i ofyn am rhagor o wybodaeth
am y camau i ddatblygu Strategaeth Diogelwch Dŵr i Gymru Gyfan ac am amserlen Grŵp Diogelwch Dŵr Cymru Gyfan, ac i annog Llywodraeth Cymru i
weithredu ar fyrder oherwydd bod hwn yn fater sy’n effeithio ar ddiogelwch y
cyhoedd. |
|
P-05-911 Dylid Diogelu Coed Yw Hynafol Cymru Dogfennau ategol:
Cofnodion: Yng ngoleuni’r wybodaeth a ddarparwyd gan Lywodraeth Cymru am yr amryw
ffyrdd y gellir diogelu coed hynafol o dan y gyfundrefn gynllunio a gorchmynion
gwarchod presennol, a’r ffaith bod Cadw wedi penderfynu nad yw’n briodol
rhestru coed fel henebion, cytunodd aelodau’r Pwyllgor nad oes llawer mwy y
gellir ei gyflawni ar hyn o bryd, felly dylid cau’r ddeiseb. |