Agenda a Chofnodion

Croesawodd y Cadeirydd bawb i’r cyfarfod.

Trafododd y Pwyllgor y ddeiseb a diolchodd i ddisgyblion Ysgol Gynradd Libanus am gymryd rhan yn y broses ddeisebu. Gwnaeth yr Aelodau gydnabod bod y Llywodraeth wedi sefydlu Tasglu Hawliau Anabledd, y disgwylir iddo gyhoeddi ei gynllun gweithredu erbyn mis Mawrth 2024, gan nodi bod gwaith yn mynd rhagddo i ymdrin â phryderon.

Cytunodd yr Aelodau i rannu barn y disgyblion â’r Gweinidog Cyfiawnder Cymdeithasol a gofyn i’r safbwyntiau hyn gael eu rhannu â’r Tasglu hefyd. Wrth wneud hynny, cytunodd yr Aelodau nad oes llawer mwy y gall y Pwyllgor ei wneud wrth aros am adroddiad y Tasglu y flwyddyn nesaf, felly bydd y ddeiseb yn cael ei chau. Llongyfarchwyd disgyblion Ysgol Gynradd Libanus am dynnu sylw at y mater pwysig hwn.

Trafododd y Pwyllgor y ddeiseb a chytunodd i ysgrifennu'n ôl at y Gweinidog i rannu sylwadau manwl a chwestiynau'r deisebydd.

Hefyd, cytunodd y Pwyllgor i ysgrifennu at Gyfoeth Naturiol Cymru yn gofyn am ymateb i'r sylwadau a wnaed gan y deisebydd.

Trafododd y Pwyllgor y ddeiseb a chytunodd i gynnal ymchwiliad i’r mater dan sylw yn nhymor yr hydref.

Trafododd y Pwyllgor y ddeiseb a chytunodd i ysgrifennu at Brif Weithredwr y Ganolfan Dysgu Cymraeg Genedlaethol i ofyn am eglurder ynghylch sut y gall unigolion gael cymorth ariannol a’r wybodaeth sydd ar gael i ddarpar ddysgwyr.

Trafododd y Pwyllgor y ddeiseb a chytunodd i ysgrifennu at y Pwyllgor Busnes i ofyn am ddadl yn y Cyfarfod Llawn ar 13 Medi, cyn diwrnod Owain Glyndŵr ar 16 Medi.

Nodwyd y bydd Aelodau unigol o bosibl yn dymuno cyfeirio at ddeisebau eraill yn ystod y ddadl, fel y ddeiseb sy’n galw am gynlluniau rheoli a chadwraeth gorfodol ar gyfer henebion cofrestredig.

Hefyd, cytunodd yr Aelodau i ymweld â'r safle cyn i'r ddadl gael ei chynnal yn nhymor yr hydref.

Trafododd y Pwyllgor y ddeiseb a chytunodd i ysgrifennu at y Pwyllgor Busnes yn gofyn am ddadl yn y Cyfarfod Llawn cyn diwedd toriad yr haf.

Trafododd y Pwyllgor y ddeiseb. O ystyried y gwaith manwl a wnaed gan y Pwyllgor Llywodraeth Leol a Thai yn y maes hwn, cytunodd yr Aelodau nad oedd llawer mwy y gellid ei gyflawni drwy'r Pwyllgor Deisebau. Roedd yr Aelodau’n awyddus i longyfarch y deisebydd am yr ymgyrch lwyddiannus a arweiniodd at ddeddfwriaeth yn cael ei hystyried. Bydd y Pwyllgor yn rhannu adroddiad y Pwyllgor Llywodraeth Leol a Thai ac ymateb Llywodraeth Cymru â’r deisebydd ac yn cau’r ddeiseb.

Trafododd y Pwyllgor y ddeiseb a chytunodd i drafod pa gamau pellach, os o gwbl, y gall eu cymryd, gan gynnwys a fyddai'n briodol ysgrifennu yn ôl at y Gweinidog.

Trafododd y Pwyllgor y ddeiseb a diolchodd i'r deisebwyr am eu hymgysylltiad parhaus â'r broses hon, gan gytuno i ysgrifennu at y Gweinidog i rannu gohebiaeth ddiweddaraf y deisebydd a gofyn am ymateb i'r tri phwynt a godwyd.

Trafododd y Pwyllgor y ddeiseb. Yng ngoleuni'r ymchwiliad manwl a gynhaliwyd gan y Pwyllgor Llywodraeth Leol a Thai yn y maes hwn, yr argymhellion a wnaed ganddynt ac ymateb Llywodraeth Cymru o ran sicrhau bod mwy o gamau ataliol yn cael eu cymryd, a bod cymorth a llety priodol ar gael hefyd, cytunodd yr Aelodau i gau'r ddeiseb a diolch i'r deisebydd.

Nododd y Pwyllgor, fel y cytunwyd yn flaenorol, y byddai’n ymweld ag ystâd Cwm Calon yn Ystrad Mynach gyda Hefin David AS ar 26 Mehefin.

Derbyniwyd y cynnig.

Trafododd y Pwyllgor yr Adroddiad Blynyddol drafft a chytunwyd y dylid anelu at gyhoeddi'r adroddiad terfynol cyn toriad yr haf.

Trafododd y Pwyllgor yr ohebiaeth ddrafft a chytunodd i anfon copi o’r  ohebiaeth hon at Scottish Power, Centrica ac Energy UK cyn gynted â phosibl.