Agenda a Chofnodion

Cafwyd ymddiheuriadau gan Luke Fletcher AS. Roedd Heledd Fychan AS yn bresennol fel dirprwy ar ei ran.

Cafwyd datganiad o fuddiant perthnasol gan y Cadeirydd yn unol â Rheol Sefydlog 17.42A mewn perthynas ag Eitem 3.7, P-06-1521 Rhoi’r hawl i breswylwyr cartrefi mewn parciau yng Nghymru gael mesurydd dŵr, gan nodi bod y deisebydd yn cael ei gyflogi’n rhan-amser yn ei swyddfa.

Cafwyd datganiad o fuddiant perthnasol gan Heledd Fychan AS yn unol â Rheol Sefydlog 17.42A mewn perthynas ag Eitem 2.3, P-06-1555 Adolygu’r holl ganllawiau ar gludiant rhwng y cartref a’r ysgol ar gyfer Cymru gyfan. Mynediad am ddim at addysg, ac Eitem 3.3, P-06-1476 Clustogfa orfodol 1000 metr ar gyfer yr holl chwareli newydd a phresennol – Nododd ei bod wedi bod yn gysylltiedig â'r deisebau hyn ac wedi cyfarfod â'r deisebwyr.

Trafododd y Pwyllgor y ddeiseb a chytunodd i ysgrifennu at Gymdeithas Bêl-droed Cymru (CBC) i ofyn am ragor o eglurder ynghylch y ddeiseb a'r materion y mae'n eu codi.

Cafwyd datganiad o fuddiant perthnasol gan Heledd Fychan AS yn unol â Rheol Sefydlog 17.42A – Mae hi wedi bod yn gysylltiedig â’r ddeiseb hon ac wedi cyfarfod â’r deisebwyr.

Trafodwyd y ddeiseb hon ochr yn ochr ag eitem 2.3, P-06-1555 Adolygu’r holl ganllawiau ar gludiant rhwng y cartref a’r ysgol ar gyfer Cymru gyfan. Mynediad am ddim at addysg.

Wrth drafod y ddwy ddeiseb, cydnabu’r Aelodau’r teimladau cryf y mae’r materion perthnasol yn eu codi, yn enwedig yr effaith ar ysgolion ffydd, ysgolion cyfrwng Cymraeg a disgyblion o deuluoedd incwm isel. Er bod y materion hyn wedi’u trafod o'r blaen yn y Senedd gan y Pwyllgor Plant, Pobl Ifanc ac Addysg, a'u codi yn ystod dadl fer o dan arweiniad Heledd Fychan AS, roedd yr Aelodau’n cydnabod bod pryderon yn parhau. Gan gydnabod hefyd arwyddocâd y mater hwn i deuluoedd, cytunodd y Pwyllgor i ysgrifennu at y Pwyllgor Busnes i ofyn am ddadl ar y ddeiseb.

Trafodwyd y ddeiseb hon ochr yn ochr ag eitem 2.2, P-06-1533 Adolygu a diweddaru Darpariaethau 2-10 o Fesur Teithio gan Ddysgwyr (Cymru) 2008,

Wrth drafod y ddwy ddeiseb, cydnabu’r Aelodau’r teimladau cryf y mae’r materion perthnasol yn eu codi, yn enwedig yr effaith ar ysgolion ffydd, ysgolion cyfrwng Cymraeg a disgyblion o deuluoedd incwm isel. Er bod y materion hyn wedi’u trafod o'r blaen yn y Senedd gan y Pwyllgor Plant, Pobl Ifanc ac Addysg, a'u codi yn ystod dadl fer o dan arweiniad Heledd Fychan AS, roedd yr Aelodau’n cydnabod bod pryderon yn parhau. Gan gydnabod hefyd arwyddocâd y mater hwn i deuluoedd, cytunodd y Pwyllgor i ysgrifennu at y Pwyllgor Busnes i ofyn am ddadl ar y ddeiseb.

Trafodwyd y ddeiseb hon ochr yn ochr ag eitem 3.2, P-06-1380 Bathodyn glas gydol oes i unigolion sydd â diagnosis gydol oes.

Trafododd y Pwyllgor y ddwy ddeiseb a nododd y lefel uchel o ddiddordeb mewn Bathodynnau Glas fel pwnc. Hefyd, tynnodd y Cadeirydd sylw at y cais am ddadl ar y mater hwn a'r nifer sylweddol o ymatebion i'r arolwg a gynhaliwyd gan STAND Gogledd Cymru.

Roedd yr Aelodau’n cydnabod y cynnydd sylweddol a wnaed eisoes ar y mater hwn, gan nodi bod y deisebau wedi bod ar agor ers cryn amser bellach. Gan nad oedd y deisebau wedi cyrraedd y trothwy ar gyfer dadl, cytunodd yr Aelodau y byddai'n anodd cyfiawnhau gofyn am ddadl arnynt ar hyn o bryd.

Daeth y Pwyllgor i’r casgliad mai’r ffordd fwyaf priodol ymlaen fyddai cynnwys y materion perthnasol yn adroddiad etifeddiaeth y Pwyllgor er mwyn iddynt gael eu monitro’n barhaus. Cytunodd yr Aelodau ei bod hi bellach yn briodol diolch i'r deisebwyr am eu hymdrechion sylweddol a'r cynnydd a wnaed eisoes, gan nodi bod y mater yn debygol o barhau i gael sylw yn y dyfodol. Cytunodd y Pwyllgor, felly, i gau'r ddeiseb.

Trafodwyd y ddeiseb hon ochr yn ochr ag eitem 3.1, P-06-1258 Gwneud unigolion yng Nghymru ag anableddau cudd yn gymwys ar gyfer y Bathodyn Glas.

Trafododd y Pwyllgor y ddwy ddeiseb a nododd y lefel uchel o ddiddordeb mewn Bathodynnau Glas fel pwnc. Hefyd, tynnodd y Cadeirydd sylw at y cais am ddadl ar y mater hwn a'r nifer sylweddol o ymatebion i'r arolwg a gynhaliwyd gan STAND Gogledd Cymru.

Roedd yr Aelodau’n cydnabod y cynnydd sylweddol a wnaed eisoes ar y mater hwn, gan nodi bod y deisebau wedi bod ar agor ers cryn amser bellach. Gan nad oedd y deisebau wedi cyrraedd y trothwy ar gyfer dadl, cytunodd yr Aelodau y byddai'n anodd cyfiawnhau gofyn am ddadl arnynt ar hyn o bryd.

Daeth y Pwyllgor i’r casgliad mai’r ffordd fwyaf priodol ymlaen fyddai cynnwys y materion perthnasol yn adroddiad etifeddiaeth y Pwyllgor er mwyn iddynt gael eu monitro’n barhaus. Cytunodd yr Aelodau ei bod hi bellach yn briodol diolch i'r deisebwyr am eu hymdrechion sylweddol a'r cynnydd a wnaed eisoes, gan nodi bod y mater yn debygol o barhau i gael sylw yn y dyfodol. Cytunodd y Pwyllgor, felly, i gau'r ddeiseb.

Cafwyd datganiad o fuddiant perthnasol gan Heledd Fychan AS yn unol â Rheol Sefydlog 17.42A – Mae hi wedi bod yn gysylltiedig â’r ddeiseb hon ac wedi cyfarfod â’r deisebwyr.

Trafododd yr Aelodau a ddylai'r Pwyllgor gymryd camau gweithredu ychwanegol, o ystyried bod y mater hwn eisoes wedi'i drafod yn y Siambr, a bod cwestiynau ychwanegol wedi'u codi hefyd.

Penderfynodd yr Aelodau y dylid ysgrifennu at Ysgrifennydd y Cabinet i ofyn am gyfarfod – gan wahodd Aelodau eraill o’r Senedd sydd â diddordeb yn y mater hwn – i nodi’n union pa wybodaeth sydd ei hangen ar gyfer cynnal adolygiad o MTAN 1, a luniwyd cyn i Ddeddf Llesiant Cenedlaethau’r Dyfodol ddod i rym.

Cytunodd yr Aelodau i nodi'r materion a godwyd gan y ddeiseb yn yr adroddiad etifeddiaeth. 

Trafododd yr Aelodau y ddeiseb, gan nodi bod y mater hwn eisoes yn cael ei ddwyn ymlaen gan Bwyllgor Plant, Pobl Ifanc ac Addysg y Senedd. Gwnaeth yr Aelodau gydnabod bod y mater yn parhau i fod yn destun trafodaethau byw i'r pwyllgor pwnc, gyda chynnydd parhaus yn cael ei wneud o ran adolygu’r diffiniad o ‘ddarpariaeth gyffredinol’ ym maes anghenion dysgu ychwanegol. Hefyd, nodwyd yr adroddiad cynhwysfawr gan Lywydd y Tribiwnlys Addysg, y disgwylir iddo helpu i lywio adroddiad etifeddiaeth y Pwyllgor Plant, Pobl Ifanc ac Addysg.

Yng ngoleuni hyn, cytunodd y Pwyllgor i ddiolch i’r deisebydd cyn cau’r ddeiseb.

Trafododd y Pwyllgor y ddeiseb a diolchodd i'r deisebydd am dynnu sylw at bryderon ynghylch y cynigion deddfwriaethol. Gan fod y cynigion hyn bellach wedi dod yn gyfraith gwlad, nododd yr Aelodau ei bod hi’n briodol cau’r ddeiseb.

Trafododd y Pwyllgor y ddeiseb, gan longyfarch y deisebydd ar ei ymdrechion a chydnabod y cynnydd sydd wedi’i wneud. Cytunodd yr Aelodau y byddai’n fuddiol ymgysylltu ymhellach â Llywodraeth Cymru, gan nodi eu bod yn cefnogi’r syniad o wneud cais am gyfathrebu parhaus rhwng y deisebydd a Llywodraeth Cymru. Yng ngoleuni hyn, cytunodd y Pwyllgor i ddiolch i’r deisebydd cyn cau’r ddeiseb.

Cafwyd datganiad o fuddiant perthnasol gan y Cadeirydd yn unol â Rheol Sefydlog 17.42A mewn perthynas ag Eitem 3.7, P-06-1521 Rhoi’r hawl i breswylwyr cartrefi mewn parciau yng Nghymru gael mesurydd dŵr, gan nodi bod y deisebydd yn cael ei gyflogi’n rhan-amser yn ei swyddfa.

Trafododd y Pwyllgor y ddeiseb a nododd yr ymatebion gan Ofwat a Dŵr Cymru, a oedd yn mynegi cydymdeimlad tra hefyd yn amlinellu’r cyfyngiadau. Cytunodd yr Aelodau i ysgrifennu at Ddŵr Cymru ynghylch y pryderon ychwanegol a godwyd gan y deisebydd ac i dynnu sylw Ysgrifennydd y Cabinet at y pryderon hyn. Hefyd, cytunwyd y dylid tynnu sylw Cadeirydd y Pwyllgor Newid Hinsawdd, yr Amgylchedd a Seilwaith at y ddeiseb. Roedd yr Aelodau hefyd yn awyddus i annog y deisebydd i gymryd rhan yn uniongyrchol yn yr ymgynghoriad ar Bapur Gwyn Llywodraeth Cymru a Llywodraeth y DU ar ddiwygiadau ym maes dŵr.

Nododd yr Aelodau y papur.

Nododd yr Aelodau y papur.

Nododd yr Aelodau y papur.

Cytunwyd ar y cynnig gweithdrefnol.