P-06-1499 Rhoi terfyn ar y defnydd o’r term 'Darpariaeth Gyffredinol' fel rheswm dros wrthod ADY.

Petitions4

Cyflwynwyd y ddeiseb hon gan Victoria Lightbown, ar ôl casglu 1,454 o lofnodion.

Geiriad y ddeiseb:

Dros y misoedd diwethaf, bu llawer o drafod ynghylch y term Darpariaeth Gyffredinol. Mae Deddf Anghenion Dysgu Ychwanegol a’r Tribiwnlys Addysg (Cymru) 2018 a Llywodraeth Cymru wedi rhoi canllawiau clir o ran ystyr y term hwn. Eto, er gwaethaf yr eglurhad hwn, mae Awdurdodau Lleol ac aelodau o Lywodraeth Cymru yn parhau i ganiatáu i’r term hwn gael ei ddefnyddio i wrthod statws ADY i ddysgwr a darparu darpariaeth ddysgu ychwanegol.  Gall fod un ateb yn unig a hynny yw i’r defnydd o’r term hwn gael ei wahardd.

Gwybodaeth Ychwanegol:

Tra bo aelodau o Lywodraeth Cymru yn parhau i ddefnyddio’r term hwn wrth drafod ADY, gan gynnwys yn ystod cyfweliadau i’r cyfryngau, mae’n rhoi cyfle i Awdurdodau Lleol wneud yr un peth, a pharhau i wrthod ADY i ddysgwyr.

Mae gwaith parhaus drwy’r ymchwiliad i ddiwygiadau addysg a’r Pwyllgor PPIA, ond mae materion parhaus gyda theuluoedd sy’n codi sy’n dangos anghysondebau ymysg awdurdodau yng Nghymru a Llywodraeth Cymru.

Statws 

Yn ei gyfarfod ar 24/11/2025 penderfynodd y Pwyllgor Deisebau fod y ddeiseb hon wedi'i chwblhau.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod. 

Cafodd ei thrafod gyntaf gan y Pwyllgor Deisebau ar 16/06/2025. 

Etholaeth a Rhanbarth y Senedd

·     Gorllewin Clwyd

·     Gogledd Cymru

[PetitionFooter]