P-06-1502 Cael gwared ar y cynigion ar gyfer Treth Twristiaeth

Petitions3

Cyflwynwyd y ddeiseb hon gan Daniel McCarthy, ar ôl casglu cyfanswm o 813 lofnodion. 

Geiriad y ddeiseb:

Mae'r cynigion diweddar ar gyfer treth twristiaeth yng Nghymru yn gynllun gwael ar gyfer cynhyrchu refeniw i Lywodraeth Cymru, yn enwedig yn ystod argyfwng costau byw.

Mae hyn yn ddrwg i fusnesau ac yn groes i fwriad y cynigion gan y bydd unrhyw ardoll twristiaeth yn arwain at lai o dwristiaid yn dod i Gymru ar wyliau a llai o dreth yn cael ei chynhyrchu i'r llywodraeth.

Llofnodwch y ddeiseb hon er mwyn dangos i'r Ysgrifennydd Cyllid anfodlonrwydd y cyhoedd â’r cynlluniau hyn a luniwyd yn fras.

Gwybodaeth Ychwanegol:

Fel y mae’r cynnig ar hyn o bryd, byddai tâl o £1.25 fesul person (gan gynnwys plant) sy’n aros dros nos mewn gwesty mewn cyngor sy’n cymhwyso’r tâl hwn yn dod i gyfanswm o £25 ar gyfer teulu o 4 sy’n aros am 5 noson.

Gan ychwanegu hyn at y gost ar gyfer llety, ffioedd parcio, bwyta allan a chostau teithio, byddai hyn yn gwneud Cymru yn gyrchfan gwyliau hyd yn oed yn llai deniadol na chyrchfannau cystal dros y ffin yn Lloegr lle nad oes polisi o’r fath yn cael ei weithredu.

Mae’n anochel y bydd hyn yn arwain at lai o ymwelwyr, llai o arian i fusnesau sy’n dibynnu ar dwristiaeth ac enw drwg cyffredinol a fydd yn dod i ran Cymru gan unrhyw un a oedd yn dymuno ymweld cyn hynny.

Mae'r ffaith bod Mr. Drakeford, yr Ysgrifennydd Cyllid, yn fwriadol anwybyddu pryderon yr adroddiad a luniwyd gan Bwyllgor Materion Cymreig Tŷ'r Cyffredin y gallai cyflwyno treth o'r fath atal ymwelwyr yn dweud cyfrolau am ei ddallineb truenus ynghylch sut y gallai polisi o'r fath effeithio ar bobl sy’n gweithio.

Etholaeth a Rhanbarth y Senedd

·     Aberafan

·     Gorllewin De Cymru

[PetitionFooter]