Agenda a Chofnodion

View the meeting transcript.

Croesawodd y Cadeirydd bawb i gyfarfod y Pwyllgor. Ni chafwyd ymddiheuriadau.

Trafododd y Pwyllgor yr ohebiaeth ynghylch y ddeiseb a chytunodd i:

·         ofyn i'r deisebydd am ei ymateb i lythyr y Llywydd a, thrwy hynny, dynnu sylw at gynnig y Llywydd i drefnu cyfarfod i drafod y materion gyda'r staff perthnasol yn y Cynulliad; ac

·         ysgrifennu at y Llywydd yn gofyn am eglurhad o'r gwaith a gafodd ei wneud mewn cysylltiad â'r cynllun peilot ac am wybodaeth bellach am y rhesymau dros y penderfyniad i'w ddal yn ôl.

Trafododd y Pwyllgor yr ohebiaeth ynghylch y ddeiseb a chytunodd i ysgrifennu at y Gweinidog:

·         i gael ei barn am awgrym y deisebydd ynghylch yr arwyddion rhybuddio o ran cyfyngiadau cyflymder ac, yn benodol:

o   ei barn ynghylch awgrym y deisebydd y byddai arwyddion sy'n dangos gwir gyflymder cerbydau yn llawer llai costus ac yn fwy effeithiol;

o   gwybodaeth bellach am gostau'r gwahanol arwyddion rhybuddio; a

• gwybodaeth ddiweddaraf am y cynnydd o ran penodi Asiant Cyflogwyr

Trafododd y Pwyllgor yr ohebiaeth ynghylch y ddeiseb a chytunodd i ysgrifennu at y deisebydd i ofyn am unrhyw sylwadau ar lythyr y Gweinidog, gan nodi y bydd y Cynulliad yn symud i gau'r ddeiseb o ystyried datganiad clir y Gweinidog nad oes ganddi unrhyw gynlluniau ar hyn o bryd i ymestyn cymhwysedd ar gyfer pasys bws rhatach.

Trafododd y Pwyllgor yr ohebiaeth ynghylch y ddeiseb a chytunodd i ysgrifennu ar frys at y Gweinidog i:

·         gyfleu sylwadau'r deisebydd a gofyn pa gamau a gymerwyd i gynnwys y deisebydd yn y Grwpiau Gorchwyl a Gorffen a'r ymgynghoriad, fel y nodwyd yn llythyr 3 Awst; a

·         gofyn a yw'n bosibl o hyd i ystyried barn y deisebydd.

Trafododd y Pwyllgor yr ohebiaeth ynghylch y ddeiseb a chytunodd i ysgrifennu at:

·         y Gweinidog i ofyn:

o   a yw ei swyddogion mewn sefyllfa i roi rhagor o fanylion ynghylch sut y penderfynwyd ar amcangyfrif o £15 miliwn a pha gyfran o hyn y gellir ei briodoli i arbedion ar feddyginiaethau HIV gwrth-retrofeirysol; ac

o   am wybodaeth benodol ynghylch y rhesymau dros hyd y cyfnodau presgripsiwn presennol am feddyginiaethau gwrth-retrofeirysol; ac

·         at y deisebydd yn gofyn am sylwadau ar lythyr y Gweinidog a gwybodaeth gysylltiedig.

Trafododd y Pwyllgor yr ohebiaeth ar y ddeiseb a chytunodd i:

·         ysgrifennu at y Gweinidog i groesawu ei hymateb a gofyn iddi hysbysu'r Pwyllgor o ddatblygiadau yn y meysydd a nodir yn y paragraff olaf ond un yn llythyr y deisebydd;

·         mynegi pryder i'r Gweinidog ynghylch y diffyg ymateb gan ddau o'r Byrddau Iechyd a gofyn pa gamau y mae wedi'u cymryd i sicrhau y bydd y wybodaeth honno ar gael; ac 

·         yn unol â chais y deisebydd, rhannu'r grynodeb lawn o ymatebion â changen Sir Benfro o Gymdeithas Genedlaethol Awtistiaeth Cymru.

Trafododd y Pwyllgor yr ohebiaeth gan NDCS a chytunodd i edrych yn fwy manwl ar y mater o acwsteg mewn ysgolion, yn arbennig sut y gall y Rhaglen Ysgolion ar gyfer yr 21^ain ganrif a rheoliadau adeiladu helpu i gynnal y gwelliannau.

Trafododd y Pwyllgor yr ohebiaeth ar y ddeiseb a chytunodd i:

·         ofyn am farn y deisebydd ar ymateb y Gweinidog; a 

·         gofyn am ragor o wybodaeth gan y grŵp llywio a sefydlwyd i oruchwylio'r diwygiadau i Fagloriaeth Cymru ynghylch unrhyw ystyriaethau sydd ganddynt i gynnwys gwyddor gwleidyddiaeth yn y cwricwlwm;

·         aros am ganlyniadau'r holiadur sy'n cael ei ddosbarthu gan dîm addysg y Cynulliad; a

·         gofyn i Glerc y Pwyllgor gadw mewn cysylltiad â'r Gwasanaeth Ymchwil ynghylch y gwaith o geisio â chael gwybodaeth mwy cynhwysfawr gan ysgolion ynghylch a ddylid cynnwys gwyddor gwleidyddiaeth yn eu cwricwlwm ABCh, a sut i wneud hynny.

Trafododd y Pwyllgor yr ohebiaeth ar y ddeiseb a chytunodd i:

·         ysgrifennu at yr Awdurdod Gweithredol Iechyd a Diogelwch i ofyn eu barn am y gwaith sy'n cael ei wneud mewn ysgolion yn Lloegr ac i ofyn pam nad oes gofyniad statudol i hysbysu myfyrwyr a rhieni o drefniadau rheoli asbestos mewn ysgolion; a

·         gofyn am farn y deisebydd ynghylch y cyngor cyfreithiol a roddwyd yn y cyfarfod.

Nododd yr Aelodau yr ohebiaeth gan Gadeirydd y Pwyllgor Cymunedau, Cydraddoldeb a Llywodraeth Leol ynghych cyfrifoldeb dros y Gymraeg

Bu’r tystion yn ateb cwestiynau gan aelodau’r Pwyllgor.