Agenda a Chofnodion

Croesawodd y Cadeirydd bawb i’r cyfarfod. Ni chafwyd ymddiheuriadau.

Bethan Sayed, Climate Cymru

Ben Saltmarsh, National Energy Action Cymru

Luke Young, Gyngor ar Bopeth Cymru

Clywodd y Pwyllgor dystiolaeth gan Bethan Sayed, y deisebydd a chydlynydd ymgyrch Cadwch yn Gynnes y Gaeaf Hwn, Climate Cymru, Ben Saltmarsh, Pennaeth Gweithredu Ynni Cenedlaethol Cymru a Luke Young, Cyfarwyddwr Cynorthwyol Cyngor ar Bopeth Cymru.

Trafododd y Pwyllgor y ddeiseb a chytunodd i ysgrifennu at y Dirprwy Weinidog Newid Hinsawdd i:

• ofyn iddo ddweud rhagor am sylwadau’r deisebydd a’r pryder mai hwn yw’r unig bentref ar yr A5 sydd â chyfyngiad cyflymder o 60mya; a
• gofyn iddo sicrhau y bydd y darn hwn o’r ffordd yn cael blaenoriaeth ar gyfer cynnal adolygiad arall pan gaiff y canllawiau newydd eu cyhoeddi.

Trafododd y Pwyllgor y ddeiseb a chytunodd i ysgrifennu at y Gweinidog i ofyn am eglurhad pellach ynghylch yr amserlen ar gyfer sefydlu Comisiwn i fwrw ymlaen â’r rhan fwyaf o’r argymhellion.

Trafododd y Pwyllgor y ddeiseb ac, o ystyried y ffaith bod Llywodraethau’r DU a Chymru wedi ymrwymo i wahardd gwerthu compost mawn, cytunodd y Pwyllgor i gau’r ddeiseb a llongyfarch y deisebydd ar ymgyrch a chanlyniad llwyddiannus.

Trafododd y Pwyllgor y ddeiseb a chytunodd i ysgrifennu at y Gweinidog Newid Hinsawdd i ofyn am ymateb i gwestiynau ychwanegol y deisebydd.

Trafododd y Pwyllgor y ddeiseb a nododd rwystredigaeth y gymuned leol. Fodd bynnag, o ystyried bod adroddiad yr Adolygiad Ffyrdd yn dweud yn glir na fydd cynllun ffordd osgoi Llanbedr yn mynd rhagddo a bod Llywodraeth Cymru wedi nodi ei pharodrwydd i weithio gyda Chyngor Gwynedd a bod cyfarfodydd wedi’u trefnu gyda’r gymuned leol i ystyried dulliau eraill o ymdrin â’r anawsterau, cytunodd y Pwyllgor nad oedd llawer mwy y gallent ei wneud a chytunodd i gau’r ddeiseb a diolch i’r deisebydd am dynnu sylw at y mater hwn.

Trafododd y Pwyllgor y ddeiseb a chytunodd i ysgrifennu at Gyngor Bwrdeistref Sirol Rhondda Cynon Taf i dynnu eu sylw at y ddeiseb ac i ofyn a ydynt wedi cymryd camau i ymdrin â’r broblem y mae’r ddeiseb yn sôn amdani ac, os felly, beth yw’r camau hynny.

Trafododd y Pwyllgor y ddeiseb ac, o ystyried bod y Cynllun Gwella Canser wedi’i gyhoeddi, a bod hwn yn cydnabod yr heriau sy’n ein hwynebu ac yn rhoi pwyslais ar wella, cytunodd yr aelodau i gau’r ddeiseb.

Trafododd y Pwyllgor y ddeiseb ac o ystyried ymateb yr RSPB a'r deisebydd, cytunodd y Pwyllgor i ysgrifennu at y Gweinidog Newid Hinsawdd i ofyn a oes unrhyw gynlluniau i adolygu'r cod statudol a'r rheoliadau ynghylch llosgi dan reolaeth, gan sicrhau eu bod yn gydnaws ag amcanion Rheoli Adnoddau Naturiol yn Gynaliadwy a Thir Cynaliadwy.

Dean Kirby, Newyddiadurwr- i Newspaper

Clywodd y Pwyllgor dystiolaeth gan Dean Kirby, newyddiadurwr gyda phapur newydd yr ‘i’.

Derbyniwyd y cynnig.

Trafododd y Pwyllgor y dystiolaeth a chytunwyd y byddai'n gwahodd Ofgem, Nwy Prydain, Scottish Power ac Energy UK i roi tystiolaeth yn ei gyfarfod nesaf ar 24 Ebrill.