Agenda a Chofnodion

1.1        Croesawodd y Cadeirydd bawb i'r cyfarfod.

1.2        Cafwyd ymddiheuriadau gan Luke Fletcher AS ar gyfer eitem 3. Dirprwyodd Llyr Gruffydd ar ei ran.

1.3        Gwnaeth Luke Fletcher AS a Llyr Gruffydd AS ddatgan eu bod yn aelodau o Gymdeithas Filfeddygol Prydain. Gwnaeth Luke Fletcher AS ddatgan ei fod yn aelod o is-grwpiau o Fwrdd Pontio Tata Steel UK.

2.1     Nododd y Pwyllgor y papurau.

Lesley Griffiths AS, y Gweinidog Materion Gwledig a Gogledd Cymru, a'r Trefnydd, Llywodraeth Cymru

Gian Marco Currado, Cyfarwyddwr, Materion Gwledig, Llywodraeth Cymru

Richard Irvine, Prif Swyddog Milfeddygol, Llywodraeth Cymru

3.1     Clywodd y Pwyllgor dystiolaeth gan y Gweinidog Materion Gwledig a Gogledd Cymru, a’r Trefnydd.

3.2     Cytunodd y Gweinidog i ysgrifennu at y Pwyllgor, gan ddarparu nodyn ar adroddiad Colin Birch – adroddiad a adolygwyd gan gymheiriaid – ar effaith y broses o gael gwared ar fywyd gwyllt heintiedig ar achosion o TB mewn gwartheg yn Lloegr.

Vaughan Gething AS, Gweinidog yr Economi, Llywodraeth Cymru

Jo Salway, Cyfarwyddwr, Partneriaeth Gymdeithasol, Cyflogadwyedd a Gwaith Teg, Llywodraeth Cymru

Helen John, Dirprwy Gyfarwyddwr y Rhaglen Rheolaethau'r Ffin, Llywodraeth Cymru

Tom Smithson, Dirprwy Gyfarwyddwr, Strategaeth Economaidd a Rheoleiddio, Llywodraeth Cymru

4.1     Clywodd y Pwyllgor dystiolaeth gan Weinidog yr Economi.

4.2     Cytunodd y Gweinidog i ysgrifennu at y Pwyllgor i ddarparu ffigurau ynghylch nifer y bobl sy’n manteisio ar gyfleodd i ddilyn prentisiaethau, a hynny yng nghyd-destun rhaglenni mis Ionawr.

5.1     Derbyniwyd y cynnig i benderfynu gwahardd y cyhoedd o weddill y cyfarfod.

6.1     Trafododd y Pwyllgor y dystiolaeth a gafwyd. Cytunwyd y byddai'r Cadeirydd yn ysgrifennu at yr Ysgrifennydd Gwladol dros yr Amgylchedd, Bwyd a Materion Gwledig ynghylch yr ymgysylltu gweinidogol sy’n digwydd â Gweinidogion Cymru mewn perthynas â materion datganoledig.