Cydsyniad Deddfwriaethol: Y Bil Masnach (Cytundeb Cynhwysfawr a Blaengar ar gyfer Partneriaeth y Môr Tawel)

Cafodd y Bil Masnach (Cytundeb Cynhwysfawr a Blaengar ar gyfer Partneriaeth Traws-Môr Tawel) (y Bil) ei gyflwyno yn Nhŷ'r Arglwyddi ar 8 Tachwedd 2023.

Mae'r teitl hir i'r Bil yn nodi mai ei ddiben yw "Galluogi gweithredu, a gwneud darpariaeth arall mewn cysylltiad â’r Cytundeb Cynhwysfawr a Blaengar ar gyfer Partneriaeth y Môr Tawel."

Mae’r Bil yn ddarostyngedig i’r broses cydsyniad deddfwriaethol o dan Reol Sefydlog 29. Dyma pan fo Llywodraeth y DU yn ceisio cydsyniad Senedd Cymru i ddeddfu ar fater sy’n dod o fewn cymhwysedd y Senedd.

Cynhaliwyd pleidlais yn y Cyfarfod Llawn ar 12 Mawrth 2024 ar gynnig mewn perthynas â chymal 2, ac fe’i derbyniwyd.

Cynhaliwyd pleidlais yn y Cyfarfod Llawn ar 12 Mawrth 2024 ar gynnig mewn perthynas â chymalau 3 a 4, ac fe’i gwrthodwyd.

Cynhaliwyd pleidlais yn y Cyfarfod Llawn ar 19 Mawrth 2024 ar gynnig mewn perthynas â chymalau 3 a 4, ac fe’i derbyniwyd.

Cynhaliwyd pleidlais yn y Cyfarfod Llawn ar 19 Mawrth 2024 ar gynnig mewn perthynas â chymal 2, ac fe’i gwrthodwyd.

Memorandwm Cydsyniad Deddfwriaethol Atodol – Ionawr 2024

Gosododd Llywodraeth Cymru Femorandwm Cydsyniad Deddfwriaethol Atodol (PDF 201KB) ar y Bil gerbron y Senedd ar 24 Ionawr 2024.

Mae'r Pwyllgor Busnes wedi cyfeirio'r Memorandwm Cydsyniad Deddfwriaethol Atodol at y Pwyllgor Economi, Masnach a Materion Gwledig a’r Pwyllgor Deddfwriaeth, Cyfiawnder a’r Cyfansoddiad a bydd angen cyflwyno adroddiad arno erbyn 15 Mawrth 2024 (PDF 39KB).

Ar 20 Chwefror 2024, cytunodd y Pwyllgor Busnes ar ddyddiad cau newydd i’r pwyllgorau gyflwyno adroddiad ar y memoranda sy'n ymwneud â'r Bil sef 8 Mawrth 2024 (PDF 30KB).

Cyhoeddodd y Pwyllgor Deddfwriaeth, Cyfiawnder a’r Cyfansoddiad ei adroddiad (PDF 256KB) ar 22 Chwefror 2024. Ymatebodd (PDF 183KB) Llywodraeth Cymru i’r adroddiad ar 4 Mawrth 2024.

Cyhoeddodd y Pwyllgor Economi, Masnach a Materion Gwledig ei adroddiad (PDF 268KB) ar 6 Mawrth 2024.

Memorandwm Cydsyniad Deddfwriaethol – Rhagfyr 2023

Gosododd Llywodraeth Cymru Femorandwm Cydsyniad Deddfwriaethol (PDF 312KB) ar y Bil gerbron y Senedd ar 8 Rhagfyr 2023.

Mae'r Pwyllgor Busnes wedi cyfeirio'r Memorandwm at y Pwyllgor Economi, Masnach a Materion Gwledig a’r Pwyllgor Deddfwriaeth, Cyfiawnder a’r Cyfansoddiad a bydd angen cyflwyno adroddiad arno erbyn 15 Mawrth 2024 (PDF 39KB).

Ar 20 Chwefror 2024, cytunodd y Pwyllgor Busnes ar ddyddiad cau newydd i’r pwyllgorau gyflwyno adroddiad ar y memoranda sy'n ymwneud â'r Bil sef 8 Mawrth 2024 (PDF 30KB).

Cyhoeddodd y Pwyllgor Deddfwriaeth, Cyfiawnder a’r Cyfansoddiad ei adroddiad (PDF 256KB) ar 22 Chwefror 2024. Ymatebodd (PDF 183KB) Llywodraeth Cymru i’r adroddiad ar 4 Mawrth 2024.

Cyhoeddodd y Pwyllgor Economi, Masnach a Materion Gwledig ei adroddiad (PDF 268KB) ar 6 Mawrth 2024.