Agenda a Chofnodion
Lleoliad: Ystafell Bwyllgora 3 - y Senedd
Cyswllt: Michael Kay
Cyfryngau
Senedd.TV: Gweld y gweddarllediad
Amseriad disgwyliedig | Rhif | Eitem |
---|---|---|
Trawsgrifiad Gweld trawsgrifiad
o’r cyfarfod. |
||
(09:00) |
Cyflwyniadau, ymddiheuriadau a dirprwyon Cofnodion: 1.1 Croesawodd y
Cadeirydd yr Aelodau i'r Pwyllgor. |
|
(09:00-09:20) |
Papurau i’w nodi Dogfennau ategol: Cofnodion: 2.1 Nodwyd y papurau yn amodol
ar y camau gweithredu canlynol: · Cofnodion y cyfarfod blaenorol (15 Gorffennaf 2014):
Gofynnodd Sandy Mewies i'w datganiad fel cymrawd o Brifysgol Glyndŵr gael
ei nodi. · Gofal heb ei drefnu: Llythyr gan y Gweinidog Iechyd a
Gwasanaethau Cymdeithasol (24 Gorffennaf 2014): Cytunodd y Pwyllgor i
ailystyried agweddau ar y mater hwn yn gynnar yn 2015. · Ymdrin â’r Heriau Ariannol sy’n wynebu Llywodraeth Leol
mewn Llywodraeth Leol: Llythyr gan June
Milligan (22 Gorffennaf 2014): Cytunwyd y byddai'r Cadeirydd yn ysgrifennu at y
Gweinidog dros Wasanaethau Cyhoeddus yn gofyn am ei safbwynt ar bartneriaethau
cydweithredol, ad-drefnu awdurdodau lleol a chostau cysylltiedig. · Trefniadau Llywodraethu Bwrdd Iechyd Prifysgol Betsi
Cadwaladr: Llythyr gan Dr Peter Higson (29 Gorffennaf 2014): Cytunwyd y
byddai'r Cadeirydd yn ysgrifennu at yr Is-gadeirydd yn BIPBC yn gofyn am ragor
o wybodaeth ynghylch gwelliannau sy'n ymwneud â heintiau sy'n gysylltiedig â
gofal iechyd. Byddai trefniadau llywodraethu'n cael eu hystyried yn
ddiweddarach yn y tymor a BIPBC yn cael ei ailystyried yn 2015. · Rheoli Grantiau yng Nghymru: Llythyr gan Syr Derek Jones
(11 Awst 2014): Cytunwyd y byddai'r Cadeirydd yn ysgrifennu at yr Ysgrifennydd
Parhaol yn gofyn a oes modd rhannu gyda'r Pwyllgor unrhyw ystyriaeth bellach
o'r materion sy'n codi o achos AWEMA gan fod yr achosion troseddol bellach wedi
dod i ben. |
|
Gofal heb ei drefnu: Llythyr gan y Gweinidog Iechyd a Gwasanaethau Cymdeithasol (24 Gorffennaf 2014) Dogfennau ategol: |
||
Ymdrin â’r Heriau Ariannol sy’n wynebu Llywodraeth Leol mewn Llywodraeth Leol: Llythyr gan June Milligan (22 Gorffennaf 2014) Dogfennau ategol: |
||
Trefniadau Llywodraethu Bwrdd Iechyd Prifysgol Betsi Cadwaladr: Llythyr gan Dr Peter Higson (29 Gorffennaf 2014) Dogfennau ategol: |
||
Memorandwm ar gyfer Swyddog Cyfrifyddu Swyddfa Ombwdsmon Gwasanaethau Cyhoeddus Cymru: Llythyr gan Ombwdsmon Gwasanaethau Cyhoeddus Cymru (4 Awst 2014) Dogfennau ategol: |
||
Rheoli Grantiau yng Nghymru: Llythyr gan Syr Derek Jones (11 Awst 2014) Dogfennau ategol: |
||
Cyllid addysg uwch: Llythyr gan Swyddfa Archwilio Cymru at Mike Hedges AC (15 Awst 2014) Dogfennau ategol: |
||
Trefniadau cyflenwi ar gyfer absenoldeb athrawon: Llythyr gan y Gweinidog Addysg a Sgiliau (20 Awst 2014) Dogfennau ategol: |
||
(09:20-09:40) |
Pobl ifanc nad ydynt mewn addysg, cyflogaeth na hyfforddiant PAC(4)-22-14
(papur 1) PAC(4)-22-14
(papur 2) Dogfennau ategol:
Cofnodion: 3.1 Cytunodd y Pwyllgor y dylai'r Cadeirydd ysgrifennu at William Graham fel Cadeirydd y Pwyllgor Menter a Busnes i
rannu ymateb Llywodraeth Cymru a nodyn yr Archwilydd Cyffredinol er mwyn
cynorthwyo eu hymchwiliad. Bydd y llythyr yn pwysleisio pryderon y Pwyllgor
ynglŷn â chyfran y bobl ifanc a
ystyrir i fod yn NEET yn y grŵp oedran 19-24 oed ynghyd â phryderon ynghylch casglu a rhannu data.
Gofynnodd y Pwyllgor am y wybodaeth ddiweddaraf gan y Pwyllgor Menter a Busnes
pan fydd wedi cwblhau'i waith a bydd y Pwyllgor wedyn yn ystyried ymhellach a
yw'n dymuno ymgymryd ag unrhyw waith ei hun ar y mater hwn. |
|
Y Bil Llesiant Cenedlaethau’r Dyfodol (Cymru) PAC(4)-22-14 (papur 3) Dogfennau ategol: Cofnodion: 4.1
Ystyriodd y Pwyllgor y llythyr gan Archwilydd Cyffredinol Cymru a chytunwyd y
dylai'r Cadeirydd ysgrifennu at Alun Ffred Jones fel Cadeirydd y Pwyllgor
Amgylchedd a Chynaliadwyedd, gyda chopi'n cael ei anfon at y Gweinidog Cyfoeth
Naturiol, gan ofyn bod y pwyntiau a godwyd gan yr Archwilydd Cyffredinol sy'n
ymwneud â'i bwerau a chyfrifoldebau yn cael eu hystyried wrth i'r Pwyllgor
graffu ar y Bil. |
||
(10:00-10:20) |
Gwasanaeth Awyr oddi mewn i Gymru - Caerdydd i Ynys Môn: Trafod yr ymateb gan Lywodraeth Cymru PAC(4)-22-14
(papur 4) PAC(4)-22-14
(papur 5) Dogfennau ategol:
Cofnodion: 5.1
Ystyriodd y Pwyllgor ymateb Llywodraeth Cymru a chytunwyd y dylid ceisio cael diweddariad yng ngwanwyn 2015. Erbyn hynny, dylai'r
cytundeb newydd fod wedi cael ei ddyfarnu. Cytunodd y Pwyllgor hefyd y dylai'r
Cadeirydd, yn y cyfamser, ysgrifennu at Lywodraeth Cymru yn gofyn iddi rannu'r
wybodaeth y mae'n gallu gyda'r Pwyllgor ynglŷn â chwmpas, cynnwys,
methodoleg ac amserlen adolygiad ARUP yn ogystal â'r ddogfen dendro ar gyfer y
gwasanaeth awyr. |
|
(10:20) |
Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes canlynol: Eitem 7 ac
Eitemau 1 a 2 y cyfarfod ar 22 Medi 2014 Cofnodion: 6.1
Derbyniwyd y cynnig. |
|
(10:20-11:00) |
Glastir: Sesiwn friffio gan Swyddfa Archwilio Cymru Cofnodion: 7.1
Cyflwynodd staff Archwilydd Cyffredinol Cymru sesiwn friffio ar yr adroddiad ar
Glastir. Cytunodd y Pwyllgor i ofyn am ymateb gan Lywodraeth Cymru a fydd yn
cael ei rannu gyda'r Pwyllgor Amgylchedd a Chynaliadwyedd. Bydd y Cadeirydd yn
ysgrifennu at Gadeirydd y Pwyllgor Amgylchedd a Chynaliadwyedd gan gynnwys
ymateb Llywodraeth Cymru, pan ddaw i law. |