Agenda a Chofnodion
Lleoliad: Ystafell Bwyllgora 1 - Y Senedd. Cyfarwyddiadau
Cyswllt: Graeme Francis
Cyfryngau
Senedd.TV: Gweld y gweddarllediad
Transcript: Trawsgrifiad ar gyfer 15/10/2019 - Y Pwyllgor Deisebau - Y Bumed Senedd
Rhif | Eitem |
---|---|
Cyflwyniad, ymddiheuriadau, dirprwyon a datgan buddiannau Dogfennau ategol: |
|
Deisebau newydd |
|
P-05-895 Etifeddiaeth Rosa - Dylid cyflwyno cynllun i helpu pobl i gael hawl i ofal milfeddygol ar gyfer eu hanifeiliaid anwes Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i ysgrifennu i ofyn am ragor o
dystiolaeth gan Grŵp Lles Anifeiliaid Anwes Cymru a Chymdeithas
Filfeddygol Prydain ynghylch y mater dan sylw yn y ddeiseb. |
|
P-05-900 Ymchwilio i’r ffordd y mae rhieni’n cael eu trin gan y gwasanaethau cyhoeddus Dogfennau ategol:
Cofnodion: Trafododd y Pwyllgor ohebiaeth
ychwanegol a chytunodd i ysgrifennu at y deisebydd i ddweud bod yr aelodau’n
gofidio am ei phrofiadau gyda’r gwasanaethau cyhoeddus, a: ·
gofyn a yw wedi gofyn i'r Ombwdsmon Gwasanaethau
Cyhoeddus ymchwilio i'w phryderon ynghylch diffygion yn y gweithdrefnau cwyno; ·
dweud wrthi nad oes rhyw lawer y gall ei wneud i fwrw
ymlaen â deisebau sy'n ymwneud ag achosion ac amgylchiadau unigol a bod y Pwyllgor,
felly, wedi cytuno i gau'r ddeiseb; ac ·
awgrymu y dylai’r deisebydd, os yw am weld newidiadau
penodol i drefn gwyno’r sector cyhoeddus, ystyried trafod y rhain â’i
chynrychiolwyr lleol neu gyflwyno deiseb arall. |
|
Diweddariadau i ddeisebau blaenorol |
|
P-05-738 Deiseb gyhoeddus ar gyfer Ffordd Osgoi i Ddinas Powys Dogfennau ategol:
Cofnodion: Trafodoodd
y Pwyllgor ohebiaeth ychwanegol a chytunodd i gau’r ddeiseb yn awr gan mai
cyfrifoldeb yr awdurdod lleol yw penderfynu a ddylid bwrw ymlaen â chynigion yn
ymwneud â ffyrdd osogi ai peidio, |
|
P-05-851 Dileu’r cyfyngiadau amser ar y gilfan i’r dwyrain o Grucywel Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i gau’r ddeiseb o ystyried y
wybodaeth a oedd wedi dod i law a phryderon am ddiogelwch yn ymwneud â
defnyddio’r gilfan i barcio ynddi. |
|
P-05-885 Cludiant Cyhoeddus Hygyrch a Chynhwysol i Ddinasyddion ag Anableddau Dysgu yng Nghymru Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd
nad oes fawr ddim y gallai'r Pwyllgor ei gyflawni mwyach yn y cyswllt
hwn ar hyn o bryd, a hynny o ystyried y wybodaeth a gafwyd gan y Gweinidog a
bwriad Llywodraeth Cymru i ddiwygio trefniadau rheoleiddio gwasanaethau bysiau
drwy'r Bil Trafnidiaeth Gyhoeddus arfaethedig. Caeodd y Pwyllgor y ddeiseb a
chytunodd i awgrymu bod y deisebwyr yn ymgysylltu â’r broses o graffu ar y Bil
ac yn lobïo Aelodau'r Cynulliad i osod unrhyw welliannau perthnasol bryd hynny. |
|
P-05-743 Rhowch Derfyn ar Fasnachu Anifeiliaid Anwes Egsotig yng Nghymru Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i: ·
aros am y
wybodaeth ddiweddaraf gan Weinidog yr Amgylchedd, Ynni a Materion Gwledig am yr
amserlenni ar gyfer datblygu Cod Ymarfer ar gyfer Primatiaid cyn ystyried
cymryd unrhyw gamau eraill; a ·
gofyn am
bapur briffio cyfreithiol ynghylch y pŵer deddfwriaethol sydd gan Gymru yn
y maes hwn. |
|
P-05-862 Mynd i'r afael â bwlio mewn ysgolion Dogfennau ategol:
Cofnodion: Trafododd y
Pwyllgor ohebiaeth ychwanegol ac, o ystyried cryfder y dystiolaeth a oedd wedi
dod i law mewn perthynas â gwella’r modd roedd ysgolion yn ymateb i achosion o
fwlio, cytunodd i ofyn i’r Gweinidog Addysg ymddangos gerbron sesiwn
dystiolaeth ar y mater hwn mewn cyfarfod yn y dyfodol. |
|
P-05-757 Cael gwared ar y rhwymedigaeth ar ysgolion i gynnal gweithredoedd addoli crefyddol Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i ysgrifennu’n ôl at y Gweinidog
Addysg i ofyn am ragor o fanylion am yr union waith y mae Llywodraeth Cymru
wedi’i wneud hyd yma yn y cyswllt hwn. Cytunodd hefyd i godi’r mater hwn yn
ystod unrhyw sesiwn dystiolaeth a gaiff ei chynnal gyda’r Gweinidog Addysg yn y
dyfodol. |
|
P-05-765 Cadw canllawiau presennol ar gyfer Gwasanaethau Crefyddol Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i ysgrifennu’n ôl at y Gweinidog
Addysg i ofyn am ragor o fanylion am yr union waith y mae Llywodraeth Cymru
wedi’i wneud hyd yma yn y cyswllt hwn. Cytunodd hefyd i godi’r mater hwn yn
ystod unrhyw sesiwn dystiolaeth a gaiff ei chynnal gyda’r Gweinidog Addysg yn y
dyfodol. |
|
P-05-865 Dylid gwarantu bod dewisiadau sy’n seiliedig yn llwyr ar blanhigion ar bob bwydlen y sector cyhoeddus, i ddiogelu hawliau figaniaid ac er budd ein hiechyd, yr amgylchedd ac anifeiliaid Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i: ·
ysgrifennu’n
ôl at y Gweinidog Cyllid i ofyn sut mae cytundebau fframwaith bwyd a diod
presennol y Gwasanaeth Caffael Cenedlaethol yn galluogi ac yn annog y sector
cyhoeddus i gynnwys dewisiadau ar eu bwydlenni dyddiol, sy’n addas i figaniaid,
ac ·
ysgrifennu
at y Gweinidog Addysg i ofyn a oes gan y Llywodraeth unrhyw gynlluniau i adolygu
canllawiau statudol ar gyfer bwyta'n iach mewn ysgolion a gynhelir, o ran y
gofynion i gynnwys dewisiadau ar eu bwydlenni sy’n addas i'r rhai sy'n dilyn
diet figan. |
|
P-05-873 Gwersi Cymraeg am ddim i bobl Cymru Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i aros i’r deisebydd roi sylwadau ar
ymateb Gweinidog y Gymraeg cyn ystyried a yw am fwrw ymlaen â’r ddeiseb. |
|
P-05-863 Darparu cynhyrchion hylendid am ddim i bob menyw mewn cartrefi incwm isel Dogfennau ategol: Cofnodion: Trafododd y
Pwyllgor ohebiaeth ychwanegol a chytunodd i: ·
ysgrifennu
at y Dirprwy Weinidog a'r Prif Chwip i ofyn am fwy o fanylion am y modd y mae'r
cyllid o £1 miliwn a ddyrannwyd hyd at 2020 yn cael ei wario a sut y mae'n
helpi i leihau tlodi mislif; ac ·
ysgrifennu
at Lywodraeth yr Alban i ofyn am wybodaeth am y modd y mae’n gweithredu ei
hymrwymiadau i ddarparu cynhyrchion hylendid am ddim mewn lleoliadau addysg, ac
i ddarparu cymorth penodol i ferched o gartrefi incwm isel, ynghyd ag unrhyw
wybodaeth y gallant ei darparu am effaith y mesurau hyn. |
|
P-05-871 Trefnu bod cyfleusterau newid cewynnau ar gael mewn toiledau i ddynion a thoiledau i fenywod Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i ysgrifennu’n ôl at y Dirprwy
Weinidog a'r Prif Chwip i ofyn sut mae'r llywodraeth yn bwriadu sicrhau bod
awdurdodau lleol yn cydymffurfio â'r canllawiau statudol ar ddarparu
cyfleusterau newid babanod os nad yw'n bwriadu craffu ar strategaethau toiledau
lleol. |
|
P-05-724 Hawliau i Ofal Iechyd Sylfaenol yn Gymraeg Dogfennau ategol:
Cofnodion: Trafododd y Pwyllgor y wybodaeth ddiweddaraf a’r
ohebiaeth ychwanegol a chytunodd i ysgrifennu at y Gweinidog Iechyd a
Gwasanaethau Cymdeithasol i ofyn a all sicrhau na fydd darpariaethau
Rheoliadau’r Gwasanaeth Iechyd Gwladol (Y Gymraeg mewn Gwasanaethau Gofal
Sylfaenol) (Diwygiadau Amrywiol) (Cymru) 2019 yn cael eu gwanhau yn dilyn yr
adolygiad arfaethedig yn 2019/20, ac a all sicrhau mai un o ddibenion yr
adolygiad fydd nodi meysydd lle gellir cryfhau'r Rheoliadau. |
|
P-05-732 Amseroedd Aros Annerbyniol ar gyfer Cleifion y GIG yn Adran Damweiniau ac Achosion Brys Wrecsam/Ysbyty Wrecsam Maelor. Dogfennau ategol:
Cofnodion: Trafododd y
Pwyllgor y wybodaeth ddiweddaraf am y ddeiseb a chytunodd i'w chau’n awr o
ystyried y mesurau sy'n cael eu rhoi ar
waith yn Ysbyty Wrecsam Maelor a'r ffaith bod y Bwrdd Iechyd yn darparu
adroddiadau’n rheolaidd ar ei berfformiad i'r Cyngor Iechyd Cymunedol. |
|
P-05-751 Cydnabod achosion o Ddieithrio Plentyn oddi wrth Riant Dogfennau ategol:
Cofnodion: Trafododd y
Pwyllgor ganllawiau ar arfer newydd a gyhoeddwyd gan Cafcass Cymru a chytunwyd
i ysgrifennu’n ôl atynt i ofyn sut y maent yn bwriadu monitro dylanwad ac
effaith y canllawiau a gofyn a fyddant yn darparu hyfforddiant i helpu
ymarferwyr. |
|
Gadewch i ni Sicrhau y Caiff Calon Pob Person Ifanc (10-35 oed) ei Sgrinio Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i aros am ganlyniad adolygiad
Pwyllgor Sgrinio Cenedlaethol y DU o’i argymhelliad yn ymwneud â datblygu
rhaglen sgrinio ar gyfer syndrom Marwolaeth Sydyn y Galon (SCD). Disgwylir
canlyniad yr adolygiad ym mis Rhagfyr 2019. |
|
P-05-892 Penodi Comisiynydd Anabledd Dysgu i Gymru Dogfennau ategol:
Cofnodion: Trafododd y
Pwyllgor ohebiaeth ychwanegol a chytunodd i ysgrifennu at y Gweinidog Iechyd a
Gwasanaethau Cymdeithasol i ofyn nifer o gwestiynau gan y deisebwyr am fonitro dyletswyddau o dan y Ddeddf
Gwasanaethau Cymdeithasol a Llesiant. |