Agenda a Chofnodion

Cynhaliwyd y cyfarfod hwn ar ffurf hybrid, gyda rhai Aelodau yn Siambr y Senedd ac eraill yn ymuno drwy gyswllt fideo.

Bydd y Llywydd yn galw ar lefarwyr y pleidiau i ofyn cwestiynau heb rybudd i’r Ysgrifennydd Cabinet ar ôl Cwestiwn 2.

Gweld y Cwestiynau

Dechreuodd yr eitem am 13.30

Gofynnwyd yr 8 cwestiwn cyntaf. Atebwyd cwestiynau 7 ac 8 gan y Gweinidog Diwylliant, Sgiliau a Phartneriaeth Gymdeithasol. Gwahoddodd y Llywydd lefarwyr y pleidiau i ofyn cwestiynau i’r Ysgrifennydd Cabinet a’r Gweinidog Diwylliant, Sgiliau a Phartneriaeth Gymdeithasol ar ôl cwestiwn 2.

Bydd y Llywydd yn galw ar lefarwyr y pleidiau i ofyn cwestiynau heb rybudd i’r Ysgrifennydd Cabinet ar ôl Cwestiwn 2.

Gweld y Cwestiynau

Dechreuodd yr eitem am 14.19

Gofynnwyd yr 8 cwestiwn cyntaf. Gwahoddodd y Llywydd lefarwyr y pleidiau i ofyn cwestiynau i’r Ysgrifennydd Cabinet ar ôl cwestiwn 2.

Ni dderbyniwyd unrhyw gwestiynau amserol

Ni dderbyniwyd unrhyw gwestiynau amserol

Dechreuodd yr eitem am 15.17

Gwnaeth Carolyn Thomas ddatganiad am - Diwrnod Cenedlaethol Tyllau yn y Ffordd, yn codi ymwybyddiaeth o beryglon tyllau yn y ffordd i feicwyr (15 Ionawr).

NDM8784 John Griffiths (Dwyrain Casnewydd)

Cynnig bod y Senedd:

Yn nodi adroddiad y Pwyllgor Llywodraeth Leol a Thai, ‘Y sector rhentu preifat’, a osodwyd yn y Swyddfa Gyflwyno ar 22 Hydref 2024.

Noder: Gosodwyd ymateb Llywodraeth Cymru i'r adroddiad yn y Swyddfa Gyflwyno ar 8 Ionawr 2025.

Dechreuodd yr eitem am 15.19

NDM8784 John Griffiths (Dwyrain Casnewydd)

Cynnig bod y Senedd:

Yn nodi adroddiad y Pwyllgor Llywodraeth Leol a Thai, ‘Y sector rhentu preifat’, a osodwyd yn y Swyddfa Gyflwyno ar 22 Hydref 2024.

Noder: Gosodwyd ymateb Llywodraeth Cymru i'r adroddiad yn y Swyddfa Gyflwyno ar 8 Ionawr 2025.

Derbyniwyd y cynnig yn unol â Rheol Sefydlog 12.36.

NDM8783 Paul Davies (Preseli Sir Benfro)

Cynnig bod y Senedd:

1. Yn nodi bod Llywodraeth Lafur y DU wedi bod mewn grym am chwe mis yn Ionawr 2025.

2. Yn gresynu bod Llywodraeth Lafur y DU wedi:

a) taro ffermwyr Cymru gyda threth etifeddiaeth newydd;

b) tynnu'r lwfans tanwydd gaeaf i ffwrdd o hanner miliwn o bensiynwyr yng Nghymru; 

c) cynyddu costau yswiriant gwladol cyflogwyr yng Nghymru.

3. Yn gresynu ymhellach fod Llywodraeth Cymru wedi methu ag amddiffyn Cymru yn ystod y cyfnod hwn.

4. Yn galw ar Lywodraeth Cymru i wneud y canlynol:

a) gwneud sylwadau brys i Lywodraeth y DU i'w hannog i wrthdroi eu polisïau i gyflwyno treth etifeddiaeth, cael gwared ar y lwfans tanwydd gaeaf, a chynyddu costau yswiriant gwladol cyflogwyr;

b) cyflwyno lwfans tanwydd gaeaf Cymreig os yw'r toriad i'r lwfans tanwydd gaeaf yn parhau i fod ar waith.

Cyflwynwyd y gwelliant a ganlyn:

Gwelliant 1 Jane Hutt (Bro Morgannwg)

Dileu popeth ar ôl pwynt 1 a rhoi yn ei le:

Yn nodi y bu’n rhaid i Lywodraeth y DU wneud penderfyniadau anodd er mwyn dechrau adfer twf yn ein heconomi, sicrhau bod cyllid cyhoeddus yn fwy sefydlog ac ail-fuddsoddi yn ein gwasanaethau cyhoeddus.

Yn croesawu’r cyllid ychwanegol i Gymru gan Lywodraeth y DU yng Nghyllideb yr Hydref Llywodraeth y DU.

Yn nodi’r ffaith bod y penderfyniadau a wnaed gan Lywodraeth Lafur y DU yn ei chwe mis cyntaf yn golygu bod Cyllideb Ddrafft Llywodraeth Cymru yn cynnwys gwerth £1.5 biliwn o gyllid refeniw ychwanegol a gwerth £3 biliwn o gyllid cyfalaf, gan alluogi Cymru i anelu at dwf.

Yn credu y dylai cyllideb Cymru ganolbwyntio i ddechrau ar gyfrifoldebau datganoledig.

Dechreuodd yr eitem am 16.04

Gohiriwyd y bleidlais ar y cynnig a’r gwelliannau o dan yr eitem hon tan y Cyfnod Pleidleisio.

Cynhaliwyd pleidlais ar y cynnig heb ei ddiwygio:

NDM8783 Paul Davies (Preseli Sir Benfro)

Cynnig bod y Senedd:

1. Yn nodi bod Llywodraeth Lafur y DU wedi bod mewn grym am chwe mis yn Ionawr 2025.

2. Yn gresynu bod Llywodraeth Lafur y DU wedi:

a) taro ffermwyr Cymru gyda threth etifeddiaeth newydd;

b) tynnu'r lwfans tanwydd gaeaf i ffwrdd o hanner miliwn o bensiynwyr yng Nghymru; 

c) cynyddu costau yswiriant gwladol cyflogwyr yng Nghymru.

3. Yn gresynu ymhellach fod Llywodraeth Cymru wedi methu ag amddiffyn Cymru yn ystod y cyfnod hwn.

4. Yn galw ar Lywodraeth Cymru i wneud y canlynol:

a) gwneud sylwadau brys i Lywodraeth y DU i'w hannog i wrthdroi eu polisïau i gyflwyno treth etifeddiaeth, cael gwared ar y lwfans tanwydd gaeaf, a chynyddu costau yswiriant gwladol cyflogwyr;

b) cyflwyno lwfans tanwydd gaeaf Cymreig os yw'r toriad i'r lwfans tanwydd gaeaf yn parhau i fod ar waith.

O blaid	Ymatal	Yn erbyn	Cyfanswm
24	0	26	50

Gwrthodwyd y cynnig heb ei ddiwygio.

Cyflwynwyd y gwelliant a ganlyn:

Gwelliant 1 Jane Hutt (Bro Morgannwg)

Dileu popeth ar ôl pwynt 1 a rhoi yn ei le:

Yn nodi y bu’n rhaid i Lywodraeth y DU wneud penderfyniadau anodd er mwyn dechrau adfer twf yn ein heconomi, sicrhau bod cyllid cyhoeddus yn fwy sefydlog ac ail-fuddsoddi yn ein gwasanaethau cyhoeddus.

Yn croesawu’r cyllid ychwanegol i Gymru gan Lywodraeth y DU yng Nghyllideb yr Hydref Llywodraeth y DU.

Yn nodi’r ffaith bod y penderfyniadau a wnaed gan Lywodraeth Lafur y DU yn ei chwe mis cyntaf yn golygu bod Cyllideb Ddrafft Llywodraeth Cymru yn cynnwys gwerth £1.5 biliwn o gyllid refeniw ychwanegol a gwerth £3 biliwn o gyllid cyfalaf, gan alluogi Cymru i anelu at dwf.

Yn credu y dylai cyllideb Cymru ganolbwyntio i ddechrau ar gyfrifoldebau datganoledig.

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
26	0	24	50

Derbyniwyd gwelliant 1.

Cynhaliwyd pleidlais ar y cynnig fel y’i diwygiwyd:

Cynnig bod y Senedd:

1. Yn nodi bod Llywodraeth Lafur y DU wedi bod mewn grym am chwe mis yn Ionawr 2025.

2. Yn nodi y bu’n rhaid i Lywodraeth y DU wneud penderfyniadau anodd er mwyn dechrau adfer twf yn ein heconomi, sicrhau bod cyllid cyhoeddus yn fwy sefydlog ac ail-fuddsoddi yn ein gwasanaethau cyhoeddus.

3. Yn croesawu’r cyllid ychwanegol i Gymru gan Lywodraeth y DU yng Nghyllideb yr Hydref Llywodraeth y DU.

4. Yn nodi’r ffaith bod y penderfyniadau a wnaed gan Lywodraeth Lafur y DU yn ei chwe mis cyntaf yn golygu bod Cyllideb Ddrafft Llywodraeth Cymru yn cynnwys gwerth £1.5 biliwn o gyllid refeniw ychwanegol a gwerth £3 biliwn o gyllid cyfalaf, gan alluogi Cymru i anelu at dwf.

5. Yn credu y dylai cyllideb Cymru ganolbwyntio i ddechrau ar gyfrifoldebau datganoledig.

O blaid	Ymatal	Yn erbyn	Cyfanswm
26	0	24	50

Derbyniwyd y cynnig fel y’i diwygiwyd.

NDM8785 Heledd Fychan (Canol De Cymru)

Yn cynnig bod y Senedd:

1. Yn nodi uchelgais y Prif Weinidog i leihau’r amseroedd aros hiraf a chyflymu mynediad at driniaeth GIG.

2. Yn gresynu:

a) bod rhestrau aros y GIG wedi cyrraedd y lefelau uchaf erioed ym mhob mis o gyfnod y Prif Weinidog hyd yma;  a

b) methiant Llywodraeth Cymru i gyflawni’r targedau a osodwyd gan y Cynllun Adfer Gofal wedi’i Gynllunio ym mis Ebrill 2022 i ddileu amseroedd aros hir yn gyfan gwbl a chyflymu profion diagnostig ac ymyriadau therapi.

3. Yn galw ar Lywodraeth Cymru i:

a) sefydlu Gwasanaeth Brysbennu Gofal Dewisol i symleiddio'r broses atgyfeirio rhwng gofal sylfaenol ac eilaidd;

b) cyflwyno hybiau rhanbarthol arbenigol ar gyfer gofal dewisol ledled Cymru; ac

c) cyflwyno deddfwriaeth i roi Byrddau Partneriaeth Rhanbarthol ar sylfaen statudol gyda chylch gwaith clir i hwyluso cydweithio ar draws byrddau iechyd.

Cyflwynwyd y gwelliannau a ganlyn:

Gwelliant 1 Jane Hutt (Bro Morgannwg)

Dileu popeth ar ôl pwynt 1 a rhoi yn ei le:

Yn nodi bod arosiadau o fwy na 104 wythnos wedi gostwng ddau draean ers iddynt fod ar eu hanterth yn ystod y pandemig.

Yn cydnabod bod Llywodraeth Cymru wedi buddsoddi £50 miliwn yn ychwanegol yng nghynlluniau'r byrddau iechyd i leihau'r amseroedd aros hiraf ymhellach yn 2024-25.

Yn cydnabod camau gweithredu Llywodraeth Cymru i fynd i'r afael â rhestrau aros drwy ddatblygu:

a) y ganolfan llawfeddygaeth orthopedig ranbarthol yn Ysbyty Castell-nedd Port Talbot;

b) Ysbyty Llandudno yn ganolfan lawfeddygol orthopedig ar gyfer y Gogledd; ac

c) y ganolfan ddiagnostig a llawfeddygol yn Llantrisant.

Os derbynnir gwelliant 1, caiff gwelliant 2 ei ddad-ddethol.

Gwelliant 2 Paul Davies (Preseli Sir Benfro)

Dileu pwynt 3 a rhoi yn ei le:

Yn galw ar Lywodraeth Cymru i:

a) ehangu nifer y canolfannau llawfeddygol a chanolfannau diagnostig;

b) cynyddu nifer y gwelyau sydd ar gael yn GIG Cymru;

c) cyflwyno cynllun recriwtio a chadw sylweddol ar gyfer y gweithlu;

d) sicrhau bod y swm canlyniadol Barnett llawn sy'n deillio o wariant Llywodraeth y DU ar y GIG ar gael ar gyfer GIG Cymru; a

e) rhoi'r cymorth ariannol sydd ei angen ar Fwrdd Iechyd Addysgu Powys er mwyn osgoi eu cynnydd arfaethedig mewn amseroedd aros am driniaethau trawsffiniol.

Dechreuodd yr eitem am 17.15

Gohiriwyd y bleidlais ar y cynnig a’r gwelliannau o dan yr eitem hon tan y Cyfnod Pleidleisio.

Cynhaliwyd pleidlais ar y cynnig heb ei ddiwygio:

NDM8785 Heledd Fychan (Canol De Cymru)

Yn cynnig bod y Senedd:

1. Yn nodi uchelgais y Prif Weinidog i leihau’r amseroedd aros hiraf a chyflymu mynediad at driniaeth GIG.

2. Yn gresynu:

a) bod rhestrau aros y GIG wedi cyrraedd y lefelau uchaf erioed ym mhob mis o gyfnod y Prif Weinidog hyd yma;  a

b) methiant Llywodraeth Cymru i gyflawni’r targedau a osodwyd gan y Cynllun Adfer Gofal wedi’i Gynllunio ym mis Ebrill 2022 i ddileu amseroedd aros hir yn gyfan gwbl a chyflymu profion diagnostig ac ymyriadau therapi.

3. Yn galw ar Lywodraeth Cymru i:

a) sefydlu Gwasanaeth Brysbennu Gofal Dewisol i symleiddio'r broses atgyfeirio rhwng gofal sylfaenol ac eilaidd;

b) cyflwyno hybiau rhanbarthol arbenigol ar gyfer gofal dewisol ledled Cymru; ac

c) cyflwyno deddfwriaeth i roi Byrddau Partneriaeth Rhanbarthol ar sylfaen statudol gyda chylch gwaith clir i hwyluso cydweithio ar draws byrddau iechyd.

O blaid	Ymatal	Yn erbyn	Cyfanswm
11	0	39	50

Gwrthodwyd y cynnig heb ei ddiwygio.

Cyflwynwyd y gwelliannau a ganlyn:

Gwelliant 1 Jane Hutt (Bro Morgannwg)

Dileu popeth ar ôl pwynt 1 a rhoi yn ei le:

Yn nodi bod arosiadau o fwy na 104 wythnos wedi gostwng ddau draean ers iddynt fod ar eu hanterth yn ystod y pandemig.

Yn cydnabod bod Llywodraeth Cymru wedi buddsoddi £50 miliwn yn ychwanegol yng nghynlluniau'r byrddau iechyd i leihau'r amseroedd aros hiraf ymhellach yn 2024-25.

Yn cydnabod camau gweithredu Llywodraeth Cymru i fynd i'r afael â rhestrau aros drwy ddatblygu:

a) y ganolfan llawfeddygaeth orthopedig ranbarthol yn Ysbyty Castell-nedd Port Talbot;

b) Ysbyty Llandudno yn ganolfan lawfeddygol orthopedig ar gyfer y Gogledd; ac

c) y ganolfan ddiagnostig a llawfeddygol yn Llantrisant.

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
26	0	24	50

Derbyniwyd gwelliant 1.

Gan fod gwelliant 1 wedi ei dderbyn, cafodd gwelliant 2 ei ddad-ddethol.

Cynhaliwyd pleidlais ar y cynnig fel y’i diwygiwyd:

Yn cynnig bod y Senedd:

1. Yn nodi uchelgais y Prif Weinidog i leihau’r amseroedd aros hiraf a chyflymu mynediad at driniaeth GIG.

2. Yn nodi bod arosiadau o fwy na 104 wythnos wedi gostwng ddau draean ers iddynt fod ar eu hanterth yn ystod y pandemig.

3. Yn cydnabod bod Llywodraeth Cymru wedi buddsoddi £50 miliwn yn ychwanegol yng nghynlluniau'r byrddau iechyd i leihau'r amseroedd aros hiraf ymhellach yn 2024-25.

4. Yn cydnabod camau gweithredu Llywodraeth Cymru i fynd i'r afael â rhestrau aros drwy ddatblygu:

a) y ganolfan llawfeddygaeth orthopedig ranbarthol yn Ysbyty Castell-nedd Port Talbot;

b) Ysbyty Llandudno yn ganolfan lawfeddygol orthopedig ar gyfer y Gogledd; ac

c) y ganolfan ddiagnostig a llawfeddygol yn Llantrisant.

O blaid	Ymatal	Yn erbyn	Cyfanswm
26	11	13	50

Derbyniwyd y cynnig fel y’i diwygiwyd.

 

Dechreuodd yr eitem am 18.18

NDM8786 Alun Davies (Blaenau Gwent)

Ffordd Blaenau'r Cymoedd - Buddsoddi yn ein heconomi yn y dyfodol.

Dechreuodd yr eitem am 18.21

NDM8786 Alun Davies (Blaenau Gwent)

Ffordd Blaenau'r Cymoedd - Buddsoddi yn ein heconomi yn y dyfodol.