Agenda a Chofnodion

Gweld trawsgrifiad o’r cyfarfod.

1.1 Croesawodd y Cadeirydd yr Aelodau a'r cyhoedd i'r cyfarfod.

PAC(4)-29-13 papur 1

Helen Birtwhistle – Cyfarwyddwr, Conffederasiwn GIG Cymru

Allison Williams, Prif Weithredwr, Bwrdd Iechyd Lleol Cwm Taf

2.1 Holodd y Pwyllgor Helen Birtwhistle, Cyfarwyddwr Conffederasiwn GIG Cymru, ac Allison Williams, Prif Weithredwr Bwrdd Iechyd Cwm Taf, ynghylch y Cyllid Iechyd ar gyfer 2012-13 a thu hwnt.

Camau gweithredu:

Cytunodd Allison Williams i anfon nodyn ar sefyllfa ariannol Bwrdd Iechyd Cwm Taf yn seithfed mis y flwyddyn ariannol hon.

Cytunodd Allison Williams i anfon nodyn ar gyfanswm y cyffuriau a gafodd eu gwastraffu gan Fwrdd Iechyd Cwm Taf ym mlwyddyn ariannol 2012-13.

PAC(4)-29-13 papur 2

David Sissling - Cyfarwyddwr Cyffredinol, Iechyd a Gwasanaethau Cymdeithasol/Prif Weithredwr, GIG Cymru

Kevin Flynn - Cyfarwyddwr Cyflenwi a Brif Weithredwr GIG Cymru

Dr Grant Robinson - Arweinydd Clinigol ar gyfer Gofal heb ei Drefnu

3.1 Holodd y Pwyllgor David Sissling, y Cyfarwyddwr Cyffredinol ar gyfer Iechyd a Gwasanaethau Cymdeithasol/Prif Weithredwr GIG Cymru, Kevin Flynn, Dirprwy Brif Weithredwr GIG Cymru, a Dr Grant Robinson, yr Arweinydd Clinigol ar gyfer Gofal heb ei drefnu, Llywodraeth Cymru, ynghylch Gofal heb ei drefnu.

Camau gweithredu:

Cytunodd Mr Sissling i anfon nodyn yn cwmpasu'r pum maes blaenoriaeth y mae Llywodraeth Cymru yn canolbwyntio arnynt wrth ddatblygu'r rhaglen genedlaethol ar gyfer gofal heb ei drefnu, enghreifftiau o fentrau i helpu cleifion bregus ac oedrannus a sut y caiff y rhain eu hyrwyddo'n lleol ac yn genedlaethol.

Cytunodd Mr Sissling i anfon nodyn ar gost Dewis Doeth a gwerthusiad o'r cynllun ar gyfer y dyfodol, a'r nifer gwirioneddol o bobl sy'n defnyddio Galw Iechyd Cymru.

4.1 Nodwyd y papurau.

Eitemau 6, 7 ac 8

Gan fod y sesiynau blaenorol wedi gor-redeg, cafodd gweddill y busnes ei ohirio ar gyfer cyfarfod yn y dyfodol.

PAC(4)-29-13 papur 3