Agenda a Chofnodion

Gweld trawsgrifiad o’r cyfarfod (PDF 274KB) Gweld fel HTML (333KB)

1.1         Estynnodd y Cadeirydd groeso i’r Aelodau i’r cyfarfod.

1.2         Ni chafwyd unrhyw ymddiheuriadau.

1.3         Datganodd Sandy Mewies AC fuddiant fel Aelod o Gomisiwn y Cynulliad.

2.1 Cafodd y papurau eu nodi.

PAC(4)-25-15 Papur 1

Briff Ymchwil

Syr Derek Jones – Ysgrifennydd Parhaol, Llywodraeth Cymru

David Richards - Cyfarwyddwr Llywodraethu, Llywodraeth Cymru

Peter Kennedy - Cyfarwyddwr Adnoddau Dynol, Llywodraeth Cymru

Gawain Evans - Dirprwy Gyfarwyddwr Cyllid, Llywodraeth Cymru

3.1 Bu’r Pwyllgor yn trafod Cyfrifon Cyfunol Blynyddol Llywodraeth Cymru ar gyfer 2014-15, gan holi Syr Derek Jones, Ysgrifennydd Parhaol, David Richards, Cyfarwyddwr Llywodraethu, Peter Kennedy, Cyfarwyddwr Adnoddau Dynol a Gawain Evans, Dirprwy Gyfarwyddwr Cyllid, Llywodraeth Cymru.

3.2 Cytunodd Syr Derek Jones i anfon rhagor o wybodaeth am y materion canlynol:

·       Manylion y traffig i wefan Cyfrifon Cyfunol Llywodraeth Cymru a nifer y bobl a fu’n ymweld â’r wefan, i roi arwydd ynghylch nifer y darllenwyr.

·       Rhesymau pam y mae swm y gwastraff bwyd drwy ystâd Llywodraeth Cymru wedi cynyddu ers 2013-14

·       Rhesymau pam nad yw cronfa risg y GIG wedi cael ei nodi fel eitemau unigol yn y cyfrifon cyfunol ar gyfer 2014-15 fel y bu yn y gorffennol, ac eglurhad ynghylch pam nad yw’r wybodaeth hon wedi cael ei nodi yn y cyfrifon

·       Darparu dadansoddiad llawn o’r eitemau nad ydynt yn arian parod a gwariant a reolir yn flynyddol, a chynnwys y ffigurau ar gyfer 2013-14 er mwyn eu cymharu

·       Sut y mae Llywodraeth Cymru yn mynd i’r afael â rheoli arian parod, ac yn benodol y tanwariant o £86.8m yn ymwneud â byrddau iechyd

·       Manylion ar yr hyn y mae’r £19.6m ar gyfer cyfrifoldebau eraill yn ei gynnwys

·       Pryd yr oedd disgwyl cael y derbynebau gwreiddiol ar gyfer y taliadau arbennig yn ymwneud â Chwmni Peirianneg Tryst a Swyddfa Desk Link

·       Y sefyllfa o ran ailstocio cyffuriau gwrth-firol ar gyfer achosion o ffliw pandemig

·       Achos y colledion o ran Dewis Gyrfa Cyf

3.3 Wrth ystyried y dystiolaeth a gafwyd, gofynnodd yr Aelodau i’r Ysgrifennydd Parhaol anfon manylion ynghylch sut y bydd ei strategaeth i sicrhau cydbwysedd rhwng y rhywiau o 50:50 erbyn 20:20 yn cael ei gyflawni.

PAC(4)-25-15 Papur 2 – Llythyr gan Owen Evans, Dirprwy Ysgrifennydd Parhaol, Y Grwp Addysg a Gwasanaethau Cyhoeddus, Llywodraeth Cymru (14 Medi 2015)

PAC(4)-25-15 Papur 3 - Llythyr gan Archwilydd Cyffredinol Cymru (29 Medi 2015)

4.1 Nododd yr aelodau yr ohebiaeth.

4.2 Awgrymwyd y byddai’n ddefnyddiol pe bai Llywodraeth Cymru yn gofyn i lywodraeth leol ddarparu gwybodaeth fanylach am yr hyn yw bwriad pob cronfa wrth gefn a sut y maent yn disgwyl eu gwario dros gyfnod o amser.

4.3 Dywedodd y Cadeirydd ei bod yn annhebygol y bydd y Pwyllgor yn ailedrych ar y mater hwn cyn diwedd tymor y Cynulliad.

PAC(4)-25-15 Papur 4

5.1 Cytunodd yr Aelodau y dylai’r Cadeirydd ysgrifennu at Lywodraeth Cymru i ofyn am ragor o eglurhad ar yr ymateb i adroddiad y Pwyllgor.

Eitem 7 ac eitemau 1 a 2 o’r cyfarfod ar 12 Hydref 2015

6.1 Derbyniwyd y cynnig.

7.1 Trafododd yr Aelodau y dystiolaeth a ddaeth i law.