Agenda a Chofnodion

1.1     Trafododd y Pwyllgor y papur cwmpasu a chytuno arno.

2.1     Croesawodd y Cadeirydd bawb i’r cyfarfod.

2.2     Cafwyd ymddiheuriadau gan Hefin David AS a Buffy Williams AS. Roedd Jack Sargeant AS ac Alun Davies AS yn bresennol fel dirprwyon.

2.3     Ni chafwyd datganiadau o fuddiant.

3.1     Nododd y Pwyllgor y papurau.

Lesley Griffiths AS, y Gweinidog Materion Gwledig a Gogledd Cymru, a’r Trefnydd, Llywodraeth Cymru

Gian Marco Currado, Cyfarwyddwr, Materion Gwledig, Llywodraeth Cymru

Richard Irvine, Prif Swyddog Milfeddygol, Llywodraeth Cymru

Dean Medcraft, Cyfarwyddwr Cyllid a Gweithrediadau, Llywodraeth Cymru

4.1     Clywodd y Pwyllgor dystiolaeth gan y Gweinidog Materion Gwledig a Gogledd Cymru, a’r Trefnydd.

4.2     Byddai’r Gweinidog yn darparu eglurder i’r Pwyllgor ar swm yr arian refeniw a ddarperir i Gyswllt Ffermio ar gyfer 2024-25 a fyddai’n dod o’r llinell wariant Cynlluniau Buddsoddi Gwledig yn y gyllideb.

4.2     Cytunodd y Gweinidog i ysgrifennu at y Pwyllgor gyda rhagor o wybodaeth am asesiadau effaith a wnaed i fesur effaith economaidd ffactorau macro-economaidd ehangach, fel chwyddiant, y rhyfel yn Wcrain, a dewisiadau polisi yn ymwneud â Brexit, ar ffermwyr Cymru.

4.3     Cytunodd y Gweinidog i ysgrifennu at y Pwyllgor i ddarparu eglurder ar ffigurau’r gyllideb o ran toriadau i’r gyllideb ar gyfer pysgodfeydd.

Vaughan Gething AS, Gweinidog yr Economi, Llywodraeth Cymru

Jo Salway, Cyfarwyddwr, Partneriaeth Gymdeithasol, Cyflogadwyedd a Gwaith Teg, Llywodraeth Cymru

Dean Medcraft, Cyfarwyddwr Cyllid a Gweithrediadau, Llywodraeth Cymru

5.1     Clywodd y Pwyllgor dystiolaeth gan Weinidog yr Economi.

5.2     Cytunodd Gweinidog yr Economi i ddarparu nodyn i’r Pwyllgor a anfonwyd gan Weinidog y Gymraeg ac Addysg at y Pwyllgor Plant, Pobl Ifanc ac Addysg i ddangos beth y mae Llywodraeth Cymru yn gobeithio ei wneud o ran gradd-brentisiaethau.

5.3     Cytunodd y Gweinidog i ysgrifennu at y Pwyllgor i amlinellu newidiadau posibl i amcanion a thargedau y gellid eu gosod ar gyfer cymorth busnes o ganlyniad i ostyngiadau o ran gwariant, ac i ddarparu gwybodaeth am ba gymorth y mae Busnes Cymru yn ei ddarparu ochr yn ochr â Banc Datblygu Cymru yn y maes cymorth busnes.

6.1     Derbyniwyd y cynnig i benderfynu gwahardd y cyhoedd o weddill y cyfarfod.

7.1     Trafododd y Pwyllgor y dystiolaeth a gafwyd.