Agenda a Chofnodion

Gweld trawsgrifiad o'r cyfarfod.

1.1        Croesawodd y Cadeirydd yr Aelodau i’r cyfarfod.

1.2     Ni chafwyd ymddiheuriadau.

2.1     Cafodd y papurau eu nodi.

2.2     Cytunodd y Pwyllgor i ysgrifennu at y Gweinidog Addysg a Sgiliau i ofyn am amserlen glir o ran y camau gweithredu yn ôl ei argymhellion ar y Trefniadau Cyflenwi ar gyfer Absenoldeb Athrawon.

Syr Derek Jones – Ysgrifennydd Parhaol, Llywodraeth Cymru

David Richards, Cyfarwyddwr Llywodraethu, Llywodraeth Cymru

Gawain Evans, Dirprwy Gyfarwyddwr Rheolaethau Ariannol, Llywodraeth Cymru

Peter Ryland, Dirprwy Gyfarwyddwr, Perfformiad Rhaglenni a Chyllid, Swyddfa Cyllid Ewropeaidd Cymru

3.1     Bu’r Pwyllgor yn holi Llywodraeth Cymru’n fanwl ar ei Adroddiad Blynyddol ar Reoli Grantiau.

3.2     Cytunodd Llywodraeth Cymru i ddarparu nodyn ar:

·         y colledion posibl sy’n ddyledus o ganlyniad i sefydliadau sydd mewn diddymiad;

·         nifer y cwynion gan y trydydd sector am y ffordd y mae grantiau wedi’u gweinyddu, a’r achlysuron lle nad yw tri mis o rybudd cyn terfynu contract wedi’i roi;

·         nifer yr achosion a oedd wedi’u cynnwys yn yr archwiliad sampl, a lefelau’r diffyg cydymffurfio o fewn y sampl hwnnw;

·         y 35 o grantiau a ddaeth i ben yn 2013/14;

·         a yw pob un o’r Awdurdodau Lleol yn mynychu ac yn cyfrannu at Hyfforddiant Awdurdod Lleol a ddarperir gan CIPFA (drwy CLlLC) a Llywodraeth Cymru / Swyddfa Archwilio Cymru; a

·         y cyllid grant gwerth £22 miliwn sydd wedi’i neilltuo i’r GIG.

Eitemau 5 a 6 o'r cyfarfod heddiw ac Eitemau 1 a 2 ar gyfer y cyfarfod ddydd Mawrth 17 Mawrth.

4.1     Derbyniwyd y cynnig.

5.1 Ystyriodd y Pwyllgor yr adroddiad drafft ar Ofal Iechyd Parhaus y GIG, a chytunodd ar nifer fach o newidiadau.

6.1     Ystyriodd y Pwyllgor ymateb Llywodraeth Cymru i adroddiad Archwilydd Cyffredinol Cymru ar Amseroedd Aros y GIG, a chytunodd i wahodd Cadeirydd Cyngor Iechyd Cymuned a Bwrdd Iechyd i ddarparu tystiolaeth lafar mewn cyfarfod yn y dyfodol.

6.2     Cytunodd y Cadeirydd i ysgrifennu at Dr Andrew Goodall i holi am yr amserlen ar gyfer gweithredu’r argymhellion y cytunwyd arnynt, fel y nodir yn ei lythyr.