Agenda a Chofnodion

1.1 Cafwyd ymddiheuriadau gan Keith Davies.  Nid oedd dirprwyon.

E&S(4)-19-12 papur 1

10.00 – 10.45: Craffu ariannol

10.45 – 11.30: Sesiwn graffu gyffredinol

John Griffiths AC, Gweinidog yr Amgylchedd a Datblygu Cynaliadwy

Matthew Quinn, Cyfarwyddwr, yr Amgylchedd a Datblygu Cynaliadwy

Dr Christianne Glossop, y Prif Swyddog Milfeddygol

2.1 Ymatebodd Gweinidog yr Amgylchedd a Datblygu Cynaliadwy i gwestiynau gan aelodau’r Pwyllgor.

2.2 Cytunodd y Gweinidog i ddarparu’r wybodaeth ychwanegol ganlynol ar gais aelodau’r Pwyllgor:

• Gwybodaeth ar gadw llygad ar ganlyniadau gwariant yn erbyn y Rhaglen Lywodraethu;
• Gwybodaeth am y prosiectau a gafodd nawdd o ganlyniad i drosglwyddo’r £1 miliwn o danwariant o ran dileu TB i’r Gyfarwyddeb Adar Gwyllt;
• Gwybodaeth am yr £1 miliwn a drosglwyddwyd ar gyfer ‘noddi a rheoli cyrff gweithredu’ yn y gyllideb atodol – Mehefin 2012;
• Gwybodaeth am gost datganoli rheoliadau adeiladu i Lywodraeth Cymru.

3.1 Ystyriodd y Pwyllgor y wybodaeth ychwanegol a ddarparodd Gweinidog yr Amgylchedd a Datblygu Cynaliadwy yn ei lythyr ar 26 Mehefin. Cytunodd na ddylai’r Gorchymyn drafft fod yn destun i’r broses 60 diwrnod.

3.2 Cytunodd y Pwyllgor i ymateb i’r Gweinidog gan nodi ei amheuon ynghylch sut mae’r Gorchymyn yn cael ei drin a’i fwriad i graffu ymhellach ar yr ail Orchymyn.

4.1 Cafodd William Powell ei ethol yn Gadeirydd dros dro ar gyfer cyfarfodydd y Pwyllgor a gynhelir ar 5 a 19 Gorffennaf.

Trawsgrifiad o’r cyfarfod.