Y system cyfiawnder troseddol yng Nghymru: Sesiwn i graffu ar waith y Gweinidog

Fel rhan o'i gyfres o ymchwiliadau bach i brofiadau gwahanol grwpiau o bobl yn y system cyfiawnder troseddol yng Nghymru, cytunodd y Pwyllgor Cydraddoldeb a Chyfiawnder Cymdeithasol i gynnal sesiynau craffu byr a manwl gyda Llywodraeth Cymru a Llywodraeth y DU. Gwahoddwyd aelodau o Bwyllgor Materion Cymreig Tŷ’r Cyffredin, a Phwyllgor Deddfwriaeth, Cyfiawnder a’r Cyfansoddiad y Senedd a’r Pwyllgor Iechyd a Gofal Cymdeithasol hefyd i gymryd rhan yn y gwaith hwn.

Fel rhan o'r sesiynau roedd y Pwyllgor yn awyddus i edrych yn fanwl ar:

Faterion allweddol a amlygwyd yn yr adroddiad Carchardai a Dedfrydu yng Nghymru 2023; 

Tryloywder ac Adrodd;

Diogelwch a diwygio carchardai;

Gweithio ar y cyd i leihau aildroseddu; a Pharatoadau ar gyfer datganoli cyfiawnder ymhellach.

Bydd y Pwyllgor hefyd yn ystyried dilyn agweddau ar waith blaenorol yn y gyfres hon gan gynnwys:

>>>> 

>>>Pobl ifanc ag anghenion o ran lleferydd, iaith a chyfathrebu;

>>>Profiadau menywod yn y system cyfiawnder troseddol

<<< 

Casglu tystiolaeth

Bydd y Pwyllgor yn cynnal sesiynau craffu gweinidogol a bydd yn clywed gan:

>>>> 

>>>Jane Hutt AS, Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip

>>>Yr Arglwydd Timpson, Gweinidog Gwladol dros Garchardai, Profiannaeth a Lleihau Aildroseddu

<<<