Pobl ifanc ag anghenion o ran lleferydd, iaith a chyfathrebu
Pobl ifanc ag anghenion o ran lleferydd, iaith a chyfathrebu
Inquiry5
Mae
gwaith ymchwil blaenorol yn awgrymu bod pobl ifanc sydd wedi troseddu yn fwy
tebygol na’u cyfoedion o fod ag anghenion lleferydd, iaith a chyfathrebu. Mae bod
â’r anghenion hyn yn ei gwneud yn anos i berson ifanc fynegi ei hun a deall
eraill. Mae gwaith ymchwil yn y maes hwn yn anodd ond mae’n allweddol o ran
llywio penderfyniadau ynghylch comisiynu a pholisi.
Fel
rhan o gyfres o ymchwiliadau undydd, byr sy’n edrych ar brofiadau yn y system
cyfiawnder troseddol, mae’r Pwyllgor Cydraddoldeb a
Chyfiawnder Cymdeithasol yn ymchwilio i raddau anghenion lleferydd, iaith a chyfathrebu ymhlith
pobl ifanc sydd wedi troseddu, neu sydd mewn perygl o droseddu yng Nghymru.
Cylch
Gorchwyl
Cylch
gorchwyl yr ymchwiliad yw:
- Ychwanegu at y sylfaen
dystiolaeth ar gyffredinrwydd ac effaith anghenion lleferydd, iaith a
chyfathrebu ymhlith pobl ifanc sy’n ymwneud â’r system cyfiawnder
ieuenctid yng Nghymru.
- Ystyried effeithiolrwydd
polisïau ac ymyriadau presennol i gefnogi pobl ifanc ag anawsterau
cyfathrebu sydd yn y system
cyfiawnder ieuenctid, gan gynnwys sut y caiff pobl ifanc eu dynodi a’u
hasesu ar gyfer anghenion lleferydd, iaith a chyfathrebu.
- Helpu i ddeall ymhellach
pa ymyriadau eraill sydd eu hangen i gefnogi pobl ifanc yn y system
cyfiawnder ieuenctid gyda’u sgiliau cyfathrebu ac iaith.
Cynyddu
ymwybyddiaeth o gyffredinrwydd a natur anghenion cyfathrebu pobl ifanc ymhlith
gweithwyr proffesiynol a llunwyr polisi gan gynnwys Llywodraeth Cymru, Byrddau
Iechyd, ymarferwyr cyfiawnder ieuenctid, swyddogion heddlu, ynadon, ac
athrawon.
Casglu
tystiolaeth
Mae’r
Pwyllgor wedi gorffen cymryd tystiolaeth. Mae rhagor o wybodaeth ar gael o dan
y tab cyfarfodydd ar frig y dudalen.
Adroddiad
Gosododd
y Pwyllgor ei adroddiad “60% - Rhoi llais
iddyn nhw” (PDF, 589KB) ddydd Mercher 19 Ebrill.
Yn
dilyn ei gyhoeddi, dywedodd Jenny Rathbone AS, Cadeirydd y Pwyllgor:
“Mae’r
ormodaeth hon o bobl ifanc sydd â heriau cyfathrebu yn cael eu llusgo i’r
system cyfiawnder troseddol yn peri pryder mawr.
Cymharwch
y 60 y cant hwn â chanran o ddim ond 10 y cant o bobl ifanc ag anghenion o’r
fath yn y boblogaeth gyffredinol ac mae'n amlwg bod gennym fater difrifol i
fynd i'r afael ag ef. Nod yr adroddiad hwn yw rhoi llais i'r bobl ifanc hyn.”
Ymateb
y Llywodraeth
Derbyniodd
y Pwyllgor ymateb
gan Lywodraeth Cymru ar 7 Mehefin 2023.
Cynhaliwyd
dadl yn y
Cyfarfod Llawn ar 28 Mehefin 2028.
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Cyhoeddwyd gyntaf: 05/04/2022