Cynnydd tuag at gyflawni ymrwymiadau newid hinsawdd

Mae’r newid yn yr hinsawdd yn flaenoriaeth strategol drosfwaol i’r Pwyllgor Newid Hinsawdd, yr Amgylchedd a Seilwaith (“y Pwyllgor”). Mae'r gwaith hwn yn cwmpasu:

>>>> 

>>> Lliniaru newid hinsawdd: cynnwys cyllidebau a thargedau carbon, a chynnydd tuag at gyflawni Cymru Sero Net Cyllideb Garbon 2 Llywodraeth Cymru (2021-25), ac

>>> Addasu i’r newid yn yr hinsawdd

<<< 

Mae mwy o wybodaeth ar ystyriaeth y Pwyllgor i liniaru newid yn yr hinsawdd ac addasu i’r newid yn yr hinsawdd ar gael drwy ddilyn y dolenni uchod, a hefyd o dan y tabiau 'Materion Cysylltiedig' neu 'Cyfarfodydd Cysylltiedig'.

Gohebiaeth

Ar 11 Ionawr 2023, cyn y sesiwn graffu gyda’r Gweinidog Newid Hinsawdd a gynlluniwyd ar gyfer tymor y Gwanwyn, ysgrifennodd y Cadeirydd at y Gweinidog Newid Hinsawdd (PDF 160KB) mewn perthynas â’r cynnydd tuag at gyflawni ymrwymiadau newid hinsawdd.

Ar 18 Tachwedd 2022, ysgrifennodd y Cadeirydd at y Gweinidog Newid Hinsawdd (PDF 153KB) mewn perthynas ag addasu i effeithiau newid hinsawdd a chyllidebau carbon, ac ymatebodd y Gweinidog i lythyr y Cadeirydd (PDF 156KB) ar 9 Rhagfyr 2022.

Strategaeth Ddrafft ar gyfer Ymgysylltu â'r Cyhoedd a Gweithredu gan y Cyhoedd ar Newid Hinsawdd (2022-2026): ysgrifennodd y Gweinidog Newid Hinsawdd at y Cadeirydd (PDF 132KB) ar 20 Hydref mewn perthynas â chyhoeddi'r strategaeth ddrafft. Mae mwy o wybodaeth am y strategaeth ddrafft ar gael ar wefan Llywodraeth Cymru.