Agenda a Chofnodion

1.1        Croesawodd y Cadeirydd yr Aelodau i'r cyfarfod.

1.2        Ni chafwyd ymddiheuriadau na datganiadau o fuddiant.

Y Fonesig Elan Closs Stephens CBE – Comisiynydd Etholiadol Cymru

Shaun McNally CBE – Prif Weithredwr y Comisiwn Etholiadol

David Moran – Cyfarwyddwr, Cyllid a Gwasanaethau Corfforaethol, y Comisiwn Etholiadol

Rhydian Thomas – Pennaeth y Comisiwn Etholiadol yng Nghymru, y Comisiwn Etholiadol

2.1 Croesawodd y Cadeirydd gynrychiolwyr o’r Comisiwn Etholiadol i'r cyfarfod a diolchodd iddynt am gyflwyno eu hamcangyfrif ariannol ar gyfer blwyddyn ariannol 2024-25 ac amcangyfrif atodol 2023-24.

2.2 Holodd y Pwyllgor gynrychiolwyr y Comisiwn Etholiadol ar eu hamcangyfrif ariannol ar gyfer 2024-25.

2.3 Nododd y Pwyllgor y llythyr gan y Cwnsler Cyffredinol a Gweinidog y Cyfansoddiad ar yr amcangyfrif fel rhan o'r ymgynghoriad sy’n ofynnol o dan baragraff 16A(8)(b) o Atodlen 1 i Ddeddf Pleidiau Gwleidyddol, Etholiadau a Refferenda 2000.

2.4 Nododd y Pwyllgor adroddiad y Comisiwn Etholiadol ar yr etholiadau lleol a gynhaliwyd ym mis Mai 2023 a’i adroddiad ar gywirdeb a chyflawnrwydd cofrestrau etholwyr.

2.5 Nododd y Pwyllgor y ddau lythyr a gafwyd gan y Comisiwn Etholiadol ynghylch yr ymosodiad seiber a'r Prif Weithredwr.

3.1 Derbyniwyd y cynnig o dan Reol Sefydlog 17.42(vi) i benderfynu gwahardd y cyhoedd o weddill y cyfarfod.

4.1 Trafododd y Pwyllgor y dystiolaeth a gafwyd.