Agenda a Chofnodion

1.1 Croesawodd y Cadeirydd yr Aelodau i gyfarfod y Pwyllgor Safonau Ymddygiad.

1.2 Ni chafwyd datganiadau o fuddiant, na dirprwyon. Esgusododd Peredur Owen Griffiths ei hun ar gyfer yr eitem olaf.

2.1 Cytunodd y Pwyllgor i gynnig i’r Llywydd y dylai gymryd drosodd y cyfrifoldeb am anfon llythyrau atgoffa at y Cadeiryddion ynghylch y rheolau ar gyfer gweithredu Grwpiau Trawsbleidiol.

2.2 Cytunodd y Pwyllgor i ysgrifennu at Gadeiryddion y Grwpiau Trawsbleidiol nad ymddengys eu bod wedi bod yn weithredol o gwbl dros y flwyddyn ddiwethaf i gadarnhau eu sefyllfa a gofyn am waith papur sy’n weddill.

2.3. Cytunodd y Pwyllgor i ysgrifennu at Gadeiryddion grwpiau a oedd wedi’u cofrestru’n hwyr, i’w hatgoffa o’u dyletswyddau fel Cadeiryddion ac i ofyn am waith papur sy’n weddill.

2.4 Cytunodd y Pwyllgor i ysgrifennu at Gadeiryddion grwpiau nad oeddent wedi cydymffurfio ers dwy flynedd i roi gwybod iddynt y gallant gael eu datgofrestru os na fyddant yn cydymffurfio am drydedd flwyddyn.

2.5 Cytunodd y Pwyllgor i ysgrifennu at yr holl Aelodau yn eu hatgoffa o’r rheolau ar weithredu Grwpiau Trawsbleidiol yn ogystal â’u cyfrifoldebau fel Cadeiryddion y Grwpiau.

3.1 Nododd y Pwyllgor y llythyr gan y Llywydd.

3.2 Trafododd y Pwyllgor y rhestr o dystion posibl ar gyfer yr ymchwiliad, a chytunodd arni gyda rhai ychwanegiadau.

4.1 Derbyniodd y Pwyllgor y canllawiau diwygiedig.

5.1 Trafododd y Pwyllgor adroddiad gan y Comisiynydd Safonau yn unol â Rheol Sefydlog 22.2(i).