Agenda a Chofnodion

1.1 Croesawodd y Cadeirydd yr Aelodau i gyfarfod y Pwyllgor Plant, Pobl Ifanc ac Addysg.

Jeremy Miles AS, Ysgrifennydd y Cabinet dros Iechyd a Gofal Cymdeithasol

Dawn Bowden AS, Y Gweinidog Plant a Gofal Cymdeithasol

Sarah Murphy AS, Y Gweinidog Iechyd Meddwl a Llesiant

Albert Heaney, Prif Swyddog Gofal Cymdeithasol Cymru, Llywodraeth Cymru

Alex Slade, Cyfarwyddwr Gofal Sylfaenol, Iechyd Meddwl a’r Blynyddoedd Cynnar, Llywodraeth Cymru

Sioned Rees, Cyfarwyddwr Diogelu Iechyd y Cyhoedd, Llywodraeth Cymru

Hywel Jones, Cyfarwyddwr Cyllid y Grŵp Iechyd, Gofal Cymdeithasol a'r Blynyddoedd Cynnar, Llywodraeth Cymru

2.1 Bu’r Pwyllgor yn craffu ar Lywodraeth Cymru.

2.2 Cytunodd Ysgrifennydd y Cabinet dros Iechyd a Gofal Cymdeithasol i ddarparu'r canlynol:

- y dyddiad pan fydd y Datganiad Ansawdd Integredig ar Iechyd Plant ar gael.

- rhestr o ymyriadau polisi sy'n effeithio ar blant a phobl ifanc, gan amlygu y rhai ble y mae angen newid er mwyn gwella’r ddarpariaeth a’r perfformiad mewn ffordd gynaliadwy, a'r meysydd y mae angen buddsoddiad newydd ynddynt.

- ffigurau i ddangos y cynnydd a wnaed gyda'r rhaglen Cynllun Gwên yn y wardiau mwyaf difreintiedig.

- y wybodaeth ddiweddaraf am y Bwrdd Cenedlaethol a sefydlwyd i oruchwylio'r cynllun cyflawni Pwysau Iach: Cymru Iach 2025 i 2027.

2.3 Cytunodd y Pwyllgor i anfon y cwestiynau a oedd heb eu gofyn i gael ymateb ysgrifenedig iddynt.

James Owen, Prif Weithredwr, Medr

Geoff Hicks, Cyfarwyddwr Datblygu, Buddsoddi a Pherfformiad, Medr

Rhian Edwards, Cyfarwyddwr Gweithredol Polisi a Buddsoddi, Medr

3.1 Bu’r Pwyllgor yn craffu ar Medr.

3.2 Cytunodd Medr i roi’r dadansoddiad i'r Pwyllgor o'r gwaith y mae wedi'i wneud ar dueddiadau o ran cofrestru ynghyd â, phan fônt ar gael, canfyddiadau'r ymgynghoriad ar y rhaglen brentisiaeth arfaethedig i bob oedran.

Nodwyd y papurau.

Cytunodd y Pwyllgor i ysgrifennu ateb i’r Gweinidog Iechyd Meddwl a Llesiant ynglŷn â'r llythyr hwn.

5.1 Derbyniwyd y cynnig.

6.1 Trafododd y Pwyllgor y dystiolaeth a glywyd yn ystod y sesiynau blaenorol.