Agenda a Chofnodion

1.1 Croesawodd y Cadeirydd yr Aelodau i gyfarfod y Pwyllgor Cyllid.

Cofnodion y cyfarfod a gynhaliwyd ar 22 Mehefin 2022

2.1 Cafodd y papurau eu nodi.

Rebecca Evans AS, y Gweinidog Cyllid a Llywodraeth Leol

Emma Watkins, Dirprwy Gyfarwyddwr, Cyllid a Busnes y Llywodraeth

Sharon Bounds, Dirprwy Gyfarwyddwr, Rheolaethau Ariannol

Dogfennau ategol:

Cyllideb Atodol Gyntaf Llywodraeth Cymru 2022-23

Papur Briffio gan Ymchwil y Senedd

3.1 Clywodd y Pwyllgor dystiolaeth gan Rebecca Evans AS, y Gweinidog Cyllid a Llywodraeth Leol; Sharon Bounds, Dirprwy Gyfarwyddwr Rheolaeth Ariannol; ac Emma Watkins, Dirprwy Gyfarwyddwr, Cyllideb a Busnes y Llywodraeth ar Gyllideb Atodol Gyntaf Llywodraeth Cymru ar gyfer 2022-23.

3.2 Cytunodd y Gweinidog Cyllid a Llywodraeth Leol ar y canlynol:

·         Gofyn i'r Gweinidog Addysg roi gwybodaeth i'r Pwyllgor am gost uned wirioneddol darparu prydau ysgol am ddim.

·         Gofyn i’r Gweinidog Iechyd a Gwasanaethau Cymdeithasol roi gwybodaeth i’r Pwyllgor am y cyllid a ddyrannwyd i adferiad y GIG sy’n mynd i’r afael â phwysau ar y gweithlu, ac effaith y cyllid a ddyrannwyd ar leihau amseroedd aros y GIG.

·         Ysgrifennu at y Pwyllgor ar y cysyniad 'dim niwed' mewn perthynas ag adleoli swyddi'r gwasanaeth sifil i Gymru.

·         Gofyn i'r Ysgrifennydd Parhaol roi gwybodaeth i'r Pwyllgor am 'Llywodraeth Cymru 2025', mewn perthynas â swyddi yn y gwasanaeth sifil.

·         Gofyn i'r Cwnsler Cyffredinol roi gwybodaeth i'r Pwyllgor am gapasiti Llywodraeth Cymru yn ei Gwasanaethau Cyfreithiol, mewn perthynas â rheoli'r nifer fawr o Femoranda Cydsyniad Deddfwriaethol a rhaglen Ddeddfwriaethol Llywodraeth Cymru.

4.1 Derbyniwyd y cynnig.

5.1 Trafododd y Pwyllgor y dystiolaeth a ddaeth i law.

Hannah Blythyn AS, y Dirprwy Weinidog Partneriaeth Gymdeithasol

Jo Salway, Director Cyfarwyddwr - Partneriaeth Gymdeithasol a Gwaith Teg

Neil Surman, Dirprwy Gyfarwyddwr - Partneriaeth Gymdeithasol

Sue Hurrell, Pennaeth Caffael Gwaith Teg

Dogfennau ategol:

Y Bil Partneriaeth Gymdeithasol a Chaffael Cyhoeddus (Cymru) (PDF, 333KB)

Memorandwm Esboniadol (PDF, 1.8MB)

Papur Briffio gan Ymchwil y Senedd

6.1 Clywodd y Pwyllgor dystiolaeth gan Hannah Blythyn AS, y Dirprwy Weinidog Partneriaeth Gymdeithasol; Jo Salway, Cyfarwyddwr, Partneriaeth Gymdeithasol a Gwaith Teg; Neil Surman, Dirprwy Gyfarwyddwr, Partneriaeth Gymdeithasol; a Sue Hurrell, Pennaeth Caffael Gwaith Teg ar y Bil Partneriaeth Gymdeithasol a Chaffael Cyhoeddus (Cymru).

6.2 Cytunodd y Dirprwy Weinidog ar y canlynol:

·         Rhoi rhagor o wybodaeth i’r Pwyllgor am yr enghreifftiau y cyfeiriwyd atynt yn ystod y sesiwn, yn ymwneud ag effaith dyletswydd caffael cyhoeddus ar fentrau caffael lleol Llywodraeth Cymru.

·         Rhoi rhagor o wybodaeth i’r Pwyllgor am yr amrywiaeth o ddeunyddiau i gefnogi a helpu awdurdodau contractio, a dadansoddiad o’r hyn y byddai’r canllawiau a’r cymorth yn eu cynnwys.

·         Hysbysu’r Pwyllgor pan fydd y Gweinidog Cyfiawnder Cymdeithasol yn cyhoeddi’r ymgynghoriad ynghylch yr adolygiad o Gomisiynydd Cenedlaethau’r Dyfodol Cymru a chyrff eraill.

7.1 Trafododd y Pwyllgor y dystiolaeth a ddaeth i law.

Y Gwir Anrhydeddus Simon Hart AS, Ysgrifennydd Gwladol Cymru

David Davies AS, Is-ysgrifennydd Gwladol Seneddol Cymru

Dogfennau ategol:

FIN(6)-15-22 P1 - Llythyr oddi wrth Neil O’Brien AS, yr Is-ysgrifennydd Gwladol Seneddol dros Ffyniant Bro, yr Undeb a’r Cyfansoddiad - 6 Mai 2022

Papur briffio gan Ymchwil y Senedd

8.1 Clywodd y Pwyllgor dystiolaeth gan y Gwir Anrhydeddus Simon Hart AS, Ysgrifennydd Gwladol Cymru; a David Davies AS, Is-ysgrifennydd Gwladol Seneddol Cymru ar yr ymchwiliad i drefniadau ariannu ar ôl ymadael â’r UE.

8.2 Cytunodd Ysgrifennydd Gwladol Cymru ac Is-ysgrifennydd Gwladol Seneddol Cymru i ddarparu’r canlynol i’r Pwyllgor:

·         Y ddogfen y cyfeiriwyd ati yn ystod y cyfarfod yn cynnwys gwybodaeth am lefel y cyllid a ddyrannwyd gan Lywodraeth y DU.

·         Ffigurau’n ymwneud â chyllid amaethyddol.

·         Y graff dosbarthiad fesul awdurdod lleol.

·         Gwybodaeth mewn perthynas â chyllid ar ôl y rhaglen Horizon yng Nghymru.

·         Eglurhad mewn perthynas â thanwariant y Gronfa Ffyniant Gyffredin.

9.1 Trafododd y Pwyllgor y dystiolaeth a ddaeth i law.