Y Bil Partneriaeth Gymdeithasol a Chaffael Cyhoeddus (Cymru)

Ymgynghoriad: Y Bil Partneriaeth Gymdeithasol a Chaffael Cyhoeddus (Cymru)

Bil Llywodraeth Cymru, a gyflwynwyd gan Hannah Blythyn AS, y Dirprwy Weinidog Partneriaeth Gymdeithasol. Mae'r Pwyllgor Busnes wedi trosglwyddo'r Bil i'r Pwyllgor Cydraddoldeb a Chyfiawnder Cymdeithasol.

Gwybodaeth am y Bil

Mae’r Bil yn cynnwys darpariaeth ar gyfer:

>>>>

>>>sefydlu Cyngor Partneriaeth Gymdeithasol;

>>>dyletswydd statudol ar gyrff cyhoeddus penodol i geisio consensws neu gyfaddawd gyda'u hundebau llafur cydnabyddedig (neu os nad oes undeb llafur cydnabyddedig) cynrychiolwyr eraill o'u staff, wrth bennu eu hamcanion llesiant a chyflawni'r amcanion hynny o dan adran 3(2) o Ddeddf Llesiant Cenedlaethau’r Dyfodol 2015 (Deddf 2015);

>>>dyletswydd statudol ar Weinidogion Cymru i ymgynghori â phartneriaid cymdeithasol, cyflogwyr a chynrychiolwyr gweithwyr drwy'r Cyngor Partneriaeth Gymdeithasol wrth gyflawni eu hamcanion llesiant o dan adran 3(2)(b) o Ddeddf 2015;

>>>diwygio adran 4 o Ddeddf 2015 drwy roi 'gwaith teg' yn lle 'gwaith addas' yn y nod presennol ynghylch "Cymru lewyrchus";

>>>dyletswydd statudol ar gyrff cyhoeddus penodol i ystyried defnyddio prosesau caffael cyhoeddus cymdeithasol gyfrifol, i bennu amcanion mewn perthynas â nodau llesiant, ac i gyhoeddi strategaeth gaffael;

>>>gofyniad i gyrff cyhoeddus penodol gyflawni dyletswyddau rheoli contractau er mwyn sicrhau y rhoddir sylw i ganlyniadau cymdeithasol gyfrifol drwy gadwyni cyflenwi;

>>>rhoi dyletswyddau ar gyrff cyhoeddus a Gweinidogion Cymru i gyflwyno adroddiadau mewn perthynas â'r Ddyletswydd Partneriaeth Gymdeithasol a’r Ddyletswydd Gaffael.

<<<<

Mae rhagor o fanylion am y Bil yn y Memorandwm Esboniadol sy'n cyd-fynd â’r Bil.

Cyfnod Presennol

BillStage1

Mae'r Bil yng Nghyfnod 1 ar hyn o bryd. Mae eglurhad o gyfnodau amrywiol Biliau’r Senedd ar gael yn y Canllaw i Gyfnodau Biliau a Deddfau Cyhoeddus.

Hynt y Bil drwy Senedd Cymru

Mae’r tabl isod yn nodi’r dyddiadau ar gyfer pob cyfnod yn ystod hynt y Bil drwy Senedd Cymru.

¬¬¬Cyfnod 1 (Cyfredol)

Cytunodd y Pwyllgor Cydraddoldeb a Chyfiawnder Cymdeithasol ar ei ddull o ran ystyriaethau Cyfnod 1 ar 9 Mehefin 2022.

Dyddiadau’r Pwyllgor

Bydd y Pwyllgor Cydraddoldeb a Chyfiawnder Cymdeithasol yn trafod y Bil ar y dyddiadau a ganlyn:

Dyddiad ac Agenda	Diben y cyfarfod	Trawsgrifiad	Senedd.TV
20 Mehefin 2022	Sesiynau tystiolaeth	Trawsgrifiad	Gweld y cyfarfod
27 Mehefin 2022	Sesiynau tystiolaeth		Gweld y cyfarfod
4 Gorffennaf 2022	Sesiynau tystiolaeth
11 Gorffennaf 2022	Sesiynau tystiolaeth