Agenda a Chofnodion

1.1 Croesawodd y Cadeirydd yr Aelodau i’r cyfarfod.

2.1 Cafodd y papurau eu nodi.

2.2 Cytunodd y Pwyllgor i ysgrifennu at Ysgrifennydd Gwladol Cymru a Phrif Ysgrifennydd y Trysorlys ar ôl eu llythyrau'n gwrthod gwahoddiad y Pwyllgor i roi tystiolaeth i'r ymchwiliad i ffynonellau cyllid cyfalaf Llywodraeth Cymru.

Gerald Holtham, Athro Hodge mewn Economi Ranbarthol

Dr Stanimira Milcheva, Athro Cyswllt mewn Cyllid Seilwaith ac Eiddo Tirol, Coleg Prifysgol Llundain

Papur 1 – Tystiolaeth ysgrifenedig: Gerald Holtham

3.1 Cymerodd y Pwyllgor dystiolaeth gan Gerald Holtham, Athro Hodge mewn Economi Ranbarthol a Dr Stanimira Milcheva, Athro Cyswllt mewn Eiddo Tirol a Chyllid Seilwaith, Coleg Prifysgol Llundain ar ffynonellau cyllid cyfalaf Llywodraeth Cymru.

Peter Reekie, Prif Weithredwr, Scottish Futures Trust

Papur 2 - Tystiolaeth ysgrifenedig: Scottish Futures Trust

4.1 Clywodd y Pwyllgor dystiolaeth gan Peter Reekie, Prif Weithredwr, Scottish Futures Trust, ar ffynonellau cyllid cyfalaf Llywodraeth Cymru.

5.1 Derbyniwyd y cynnig.

6.1 Trafododd y Pwyllgor y dystiolaeth a ddaeth i law.

Papur 3 – Dull ar gyfer craffu ar Gyllideb Ddrafft Llywodraeth Cymru ar gyfer 2020-21

7.1 Trafododd y Pwyllgor ei ddull ar gyfer craffu ar gyllideb ddrafft 2020-21 Llywodraeth Cymru, a chytuno i wneud y canlynol:

·         cynnal digwyddiad rhanddeiliaid yn y canolbarth ar 27 Mehefin 2019;

·         ysgrifennu at bwyllgorau polisi eraill, gan nodi nifer o themâu ar gyfer gwaith craffu;

·         cynnal ymgynghoriad cyhoeddus ar ddisgwyliadau rhanddeiliaid o gyllideb ddrafft 2020-21 i lywio gwaith craffu'r Pwyllgor, sydd i'w wneud dros doriad yr haf;

·         rhoi cyngor arbenigol mewn perthynas â'r polisi treth.

Papur 4 - Memorandwm Esboniadol Cyllideb Atodol Gyntaf Ombwdsmon Gwasanaethau Cyhoeddus Cymru ar gyfer 2019-20

8.1 Nododd y Pwyllgor gais yr Ombwdsmon am gyllideb atodol a chytunodd i'w drafod ymhellach pan gyflwynir y cynnig cyllideb atodol.