Agenda a Chofnodion

2.1 Cafodd Grŵp Gorchwyl a Gorffen ei sefydlu gan y Pwyllgor o dan Reol Sefydlog 17.17 i ystyried materion llywodraethiant ac atebolrwydd mewn perthynas ag Archwilydd Cyffredinol Cymru.

2.2 Cytunodd y Pwyllgor mai cylch gorchwyl y Grŵp Gorchwyl a Gorffen fydd cynghori’r Cynulliad ynghylch penodi archwilwyr i edrych ar gyfrifon Archwilydd Cyffredinol Cymru; ystyried amcangyfrif a chyfrifon blynyddol Archwilydd Cyffredinol Cymru; ystyried materion ynghylch llywodraethiant ac atebolrwydd Archwilydd Cyffredinol Cymru; ystyried materion ynghylch enwebu Archwilydd Cyffredinol Cymru; ac ystyried materion eraill a drosglwyddir i’r grŵp gan y Pwyllgor Cyfrifon Cyhoeddus.

2.3 Cytunodd y Pwyllgor mai cyfnod y Grŵp Gorchwyl a Gorffen fydd y flwyddyn Cynulliad o 2011 i 2012, a daw i ben ar 20 Gorffennaf 2012.

2.4 Cytunodd y Pwyllgor y byddai’r Grŵp Gorchwyl a Gorffen yn cynnwys yr Aelodau a ganlyn: Darren Millar AC, Mike Hedges AC, Aled Roberts AC a Leanne Wood AC. Cafodd Darren Millar ei ethol yn Gadeirydd gan y Pwyllgor, ond bydd y rôl hon yn cael ei rhannu gan yr Aelodau.

Sesiwn dystiolaeth gyda Chomisiynydd Pobl Hŷn Cymru

PAC(4) 04-11 (papur 2)

Ruth Marks, Comisiynydd Pobl Hŷn Cymru

Sarah Stone, Dirprwy Gomisiynydd Pobl Hŷn Cymru

Rebecca Stafford, Swyddog Polisi

3.1 Croesawyd Ruth Marks, Comisiynydd Pobl Hŷn Cymru; Sarah Stone, Dirprwy Gomisiynydd Pobl Hŷn Cymru; a Rebecca Stafford, Swyddog Polisi, i gyfarfod y Pwyllgor.

3.2 Hefyd, croesawyd Huw Vaughan Thomas, Archwilydd Cyffredinol Cymru, a Dave Thomas o Swyddfa Archwilio Cymru, i’r cyfarfod.

3.3 Bu’r Pwyllgor yn holi’r tystion.

Camau i’w cymryd:

Cytunodd Comisiynydd Pobl Hŷn Cymru i ddarparu:

·         gwybodaeth ychwanegol am ganfyddiadau’r adroddiad ar urddas mewn gofal;

·         canlyniadau’r gwerthusiad o gynllun Robin yn y Gogledd; a

·         gwybodaeth ychwanegol am arferion da sy’n cael eu rhoi ar waith gan ysbytai, yn enwedig y model cadw tŷ.

Cytunodd Archwilydd Cyffredinol Cymru i ddarparu:

·         crynodeb o arferion da.

Cytunodd y Pwyllgor i wahardd y cyhoedd o’r cyfarfod ar gyfer eitemau 4 a 5 yn unol â Rheol Sefydlog 17.42(vi).

Gweld trawsgrifiad o'r cyfarfod.