Agenda a Chofnodion

Gweld trawsgrifiad o'r cyfarfod.

1.1 Croesawodd y Cadeirydd bawb i’r cyfarfod. Cafwyd ymddiheuriadau gan Julie James. Nid oedd unrhyw ddirprwyon yn bresennol.

2.1 Cytunodd y Pwyllgor ar ei ddull o graffu ar y Bil Teithio Llesol (Cymru) a’r fframwaith ar ei gyfer, a chytunodd i lansio ymgynghoriad cyhoeddus ddydd Gwener 22 Chwefror.

Edwina Hart AC, y Gweinidog Busnes, Menter, Technoleg a Gwyddoniaeth

Jeff Collins, Cyfarwyddwr Cyflawni, yr Adran Busnes, Menter, Technoleg a Gwyddoniaeth

Tracey Burke, Cyfarwyddwr, Strategaeth, yr Adran Busnes, Menter, Technoleg a Gwyddoniaeth

3.1. Croesawodd y Cadeirydd y Gweinidog a’i swyddogion i’r cyfarfod. Holodd yr Aelodau y Gweinidog a’i swyddogion.

Camau i’w cymryd

Cytunodd y Gweinidog i roi gwybodaeth ychwanegol i’r Pwyllgor am y materion a ganlyn:

·         Yr amserlen ar gyfer cyfarfodydd panelau’r sectorau sy’n dangos faint o weithiau y maent wedi cwrdd hyd yn hyn a pha mor aml y byddant yn cwrdd yn y dyfodol.

·         Eglurhad o’r newidiadau i gyllideb yr Adran Busnes, Menter, Technoleg a Gwyddoniaeth ar ddiwedd y flwyddyn ariannol hon a’r allbwn a gafwyd o’r gyllideb sectorau a chyflenwi busnes yn 2012/13.

·         Y datganiad a gyhoeddwyd ar Busnes Cymru ac unrhyw wybodaeth ychwanegol arall am y rhaglen.

·         Gwybodaeth am beth yw dangosyddion perfformiad allweddol yr Adran ar gyfer y sectorau ar ôl yr arolwg presennol.

·         Ffigurau cywir ar fewnfuddsoddi yng Nghymru.

·         Rhagor o wybodaeth am y strategaeth brandio ar gyfer y sectorau.

4.1 Nododd y Pwyllgor ohebiaeth gan y Gweinidog Llywodraeth Leol a Chymunedau.

4.2 Nododd y Pwyllgor ohebiaeth gan y Prif Weinidog ar Faes Awyr Caerdydd.