Agenda a Chofnodion

1.1 Ni chafwyd unrhyw ymddiheuriadau na dirprwyon.

HSC(4)-08-11 papur 1

2.1 Cytunodd y Pwyllgor ar welliannau i’r cylch gorchwyl drafft, ac ar y ffaith y bydd yr ymgynghoriad yn cael ei lansio ar 24 Hydref.

HSC(4)-08-11 papur 2

Lesley Griffiths AC, y Gweinidog Iechyd a Gwasanaethau Cymdeithasol

Gwenda Thomas AC, y Dirprwy Weinidog Plant a Gwasanaethau Cymdeithasol

Chris Hurst, Cyfarwyddwr Adnoddau

Steve Milsom, Dirprwy Gyfarwyddwr yr Is-Adran Gwasanaethau Cymdeithasol Oedolion

3.1 Bu’r Gweinidog Iechyd a Gwasanaethau Cymdeithasol yn ateb cwestiynau gan aelodau’r Pwyllgor ynghylch cyllideb ddrafft 2012-13.

3.2 Cytunodd y Gweinidog i roi gwybodaeth ychwanegol i’r Pwyllgor am gyllid sydd wedi’i neilltuo ar gyfer gwasanaethau iechyd meddwl, a manylion ynghylch sut y bydd yr £83 miliwn ychwanegol yn cael ei ddyrannu i fyrddau iechyd.

3.3 Cytunodd y Gweinidog i ddarparu gwybodaeth i’r Pwyllgor am effaith y system presgripsiynau am ddim.

3.4 Bu’r Dirprwy Weinidog Plant a Gwasanaethau Cymdeithasol yn ateb cwestiynau gan aelodau’r Pwyllgor ynghylch cyllideb ddrafft 2012 -13.

3.5 Cytunodd y Dirprwy Weinidog i rannu â’r Pwyllgor adroddiad gan awdurdodau lleol ar ddigonolrwydd lefel y cyllid sydd ar gael ar gyfer y pecyn gwella camau cyntaf, pan fydd yr adroddiad ar gael.

4.1 Cytunodd y Pwyllgor ar y cynnig.

5.1 Bu’r Pwyllgor yn ystyried y dystiolaeth a gafwyd.

Gweld trawsgrifiad o’r cyfarfod.