Agenda a Chofnodion

Gweld trawsgrifiad o'r cyfarfod.

1.1 Ni chafwyd ymddiheuriadau.

Mark Drakeford AC, y Gweinidog Iechyd a Gwasanaethau Cymdeithasol

Grant Duncan, Dirprwy Gyfarwyddwr Yr Is-Adran Polisi Gofal Iechyd

Chris Jones, Dirprwy Prif Swyddog Meddygol

Carys Thomas, Sefydliad Cenedlaethol ar gyfer Ymchwil Gofal Cymdeithasol ac Iechyd

2.1 Bu’r Gweinidog yn ateb cwestiynau gan Aelodau.

2.2 Cytunodd y Gweinidog i ddarparu’r hyn a ganlyn:

·         nodyn ar ddarparu triniaeth a gwasanaethau i gleifion sydd â thiwmorau niwroendocrin ar lefel Cymru-gyfan fel enghraifft o wasanaethau yn cael eu darparu ar gyfer canserau llai cyffredin;

·         cadarnhad bod y dechnoleg yn ei lle i gefnogi’r gwaith o adrodd yn amserol ar yr adolygiadau o’r achosion o ganser yr ysgyfaint a chanser gastroberfeddol yr ymdrinnir â hwy gan bob meddyg teulu yng Nghymru yn 2014 ar lefel meddyg teulu, lefel clwstwr meddygon teulu a’r lefel genedlaethol;

·         nodyn i roi’r wybodaeth ddiweddaraf i’r Pwyllgor ar y trafodaethau tairochrog ar reoliadau drafft yr Undeb Ewropeaidd ar ddiogelu data, a’r effaith bosibl ar ymchwil canser yng Nghymru;

·         y papur a gyflwynwyd gan Iechyd Cyhoeddus Cymru i ymchwiliad Pwyllgor Gwyddoniaeth a Thechnoleg Tŷ’r Cyffredin i Sgrinio Iechyd Cenedlaethol;

·         nodyn i egluro a oes adnoddau a chapasiti ar gael ar gyfer sgrinio coluddion yng Nghymru.

3.1 Nododd yr aelodau y wybodaeth ychwanegol a ddarparwyd gan dystion a oedd yn bresennol yng nghyfarfod y Pwyllgor ar 8 Mai 2014 mewn perthynas â’r ymchwiliad i wasanaethau orthodontig yng Nghymru.

4.1 Derbyniwyd y cynnig.

5.1 Bu’r Pwyllgor yn trafod y dull gweithredu ar gyfer ei ymchwiliad i sylweddau seicoweithredol newydd ("cyffuriau penfeddwol cyfreithlon") a chytunodd ar y dull a drafodwyd.