Agenda a Chofnodion

1.1 Gwnaeth y Pwyllgor drafod, diwygio a chytuno ar gynllun gwaith ar gyfer yr ymchwiliad i'r cynnydd sydd wedi'i wneud hyd yma ar weithredu Cynllun Cyflawni ar gyfer Canser Llywodraeth Cymru.

2.1 Bu'r Pwyllgor yn trafod ei flaenraglen waith ar gyfer Ebrill – Gorffennaf 2014.

2.2 Cytunodd y Pwyllgor i wahodd swyddogion y Llywodraeth i ddarparu papurau briffio ffeithiol, ar gyhoedd, ynghylch Papur Gwyn Iechyd y Cyhoedd sydd ar ddod a'r rheoliadau drafft ar feini prawf cymhwysedd sy'n deillio o'r Bil Gwasanaethau Cymdeithasol a Llesiant (Cymru).

2.3 Yn unol â Rheol Sefydlog 17.34(ii), pleidleisiodd y Pwyllgor ar y cynnig a ganlyn, a gynigiwyd gan Elin Jones AC, ac a dderbyniwyd gan y Cadeirydd heb rybudd yn unol â Rheol Sefydlog 17.44:

Bod y Pwyllgor Iechyd a Gofal Cymdeithasol yn neilltuo amser mewn cyfarfod yn y dyfodol i glywed tystiolaeth gan y Gwir Anrhydeddus Ann Clwyd AS, os ydyw ar gael, ynglŷn â'i gwaith mewn perthynas â chwynion ynghylch y GIG yn Lloegr a'r dystiolaeth y mae wedi cyfeirio ati yng nghyswllt cwynion ynghylch y GIG yng Nghymru.

Dyma ganlyniad y bleidlais:

1.1 Ni chafwyd ymddiheuriadau.

1.2 Croesawodd y Cadeirydd y Gweinidog Iechyd a Gwasanaethau Cymdeithasol a'i swyddogion i'r cyfarfod.

Mark Drakeford AC, Gweinidog Iechyd a Gwasanaethau Cymdeithasol

Dr Sarah Watkins, Is-adran Grwpiau Iechyd Meddwl ac Agored i Niwed Llywodraeth Cymru

Chris Tudor-Smith, Pennaeth Is-adran Gwella Iechyd, Llywodraeth Cymru

4.1 Holodd y Pwyllgor y Gweinidog Iechyd a Gwasanaethau Cymdeithasol ynghylch argaeledd gwasanaethau bariatrig.

4.2 Yn ystod y sesiwn, awgrymodd y Gweinidog y byddai'n darparu gwybodaeth am y goblygiadau i'r GIG o ran cost y gwaith o roi llawdriniaethau cywirol i gleifion sydd wedi cael llawdriniaethau bariatrig y tu allan i Gymru.

5.1 Nododd y Pwyllgor y papurau o'i ymchwiliad i argaeledd gwasanaethau bariatrig a llythyrau gan sefydliadau allanol yn cynnig ymchwiliadau i'w cynnal yn y dyfodol.