Agenda a Chofnodion

Gweld trawsgrifiad o’r cyfarfod.

1.1 Cafwyd ymddiheuriadau gan Kirsty Williams ar gyfer rhan gyntaf sesiwn y bore. Cafwyd ymddiheuriadau gan Darren Millar ar gyfer sesiwn y prynhawn.

Rhaglen De Cymru

·         Paul Hollard, Cyfarwyddwr y Rhaglen

·         Andrew Goodall, Prif Weithredwr Arweiniol

·         Hamish Laing, Cyfarwyddwr Strategaeth Glinigol Bwrdd Iechyd Lleol Prifysgol Abertawe Bro Morgannwg / Aelod o Dîm Rhaglen De Cymru

2.1 Ymatebodd y cynrychiolwyr o Raglen De Cymru i gwestiynau gan aelodau’r Pwyllgor.

2.2 Gofynnodd y Pwyllgor i Raglen De Cymru gyflwyno gwybodaeth i’r Pwyllgor am y ffordd y mae pob bwrdd iechyd lleol unigol wedi asesu ac ystyried effaith ariannol cynlluniau ad-drefnu de Cymru.

Deoniaeth Cymru

·         Yr Athro Peter Donnelly, Dirprwy Ddeon

·         Dr Helen Fardy, Arweinydd Clinigol Ad-drefnu Gwasanaethau Pediatrig

·         Dr Jeremy Gasson, Arweinydd Clinigol Ad-drefnu Gwasanaethau Obstetreg a Gynaecoleg

·         Dr Michael Obiako, Arweinydd Clinigol Ad-drefnu Gwasanaethau Meddygaeth Frys

Y Fforwm Clinigol Cenedlaethol

·         Yr Athro Mike Harmer, Cadeirydd

3.1 Ymatebodd y cynrychiolwyr o Ddeoniaeth Cymru a’r Athro Harmer o’r Fforwm Clinigol Cenedlaethol i gwestiynau gan aelodau’r Pwyllgor.

3.2 Cytunodd y Pwyllgor y byddai’r Cadeirydd yn ysgrifennu i Raglen De Cymru i ofyn a fyddai’r dystiolaeth ysgrifenedig a gyflwynwyd gan y Fforwm Clinigol Cenedlaethol ar gyfer ymgynghoriad y Rhaglen yn cael ei rhyddhau’n gyhoeddus ar ôl i Fwrdd y Rhaglen gyfarfod ar 22 Hydref.

3.3 Cytunodd y Pwyllgor y byddai’r Cadeirydd yn ysgrifennu at y Gweinidog Iechyd a Gwasanaethau Cymdeithasol i ofyn am syniad o amserlen Llywodraeth Cymru ar gyfer ymateb yn ffurfiol i ganlyniad Adolygiad Greenaway, sy’n ystyried strwythur addysg a hyfforddiant meddygol ôl-radd, sy’n mynd rhagddo ar hyn o bryd (The Shape of Training Review).

4.1 Nododd y Pwyllgor gofnodion y cyfarfod blaenorol.

4a.1 Nododd y Pwyllgor y llythyr gan y Dirprwy Weinidog Gwasanaethau Cymdeithasol.

5.1 Derbyniwyd y cynnig.

Sylwer: Bydd trafodion Cyfnod 2 o'r Bil hwn ond yn mynd yn eu blaen os y cytunir ar yr Egwyddorion Cyffredinol ar 8 Hydref 2013.  

6.1 Trafododd y Pwyllgor y drefn o ystyried trafodion ar gyfer Cyfnod 2, a chytuno arni mewn egwyddor.

7.1 Trafododd y Pwyllgor ei ymchwiliad i fynediad at dechnolegau meddygol yng Nghymru.

8.1 Er mwyn paratoi ar gyfer y broses o graffu ar Gyllideb Ddrafft 2014-15, cynhaliodd y Pwyllgor grŵp trafod gyda chynrychiolwyr o grwpiau rhanddeiliaid perthnasol.