Agenda a Chofnodion

Ni chafwyd ymddiheuriadau.

Cytunodd y Pwyllgor i aros am ymateb y Gweinidog.

Cytunodd y Pwyllgor i:

Anfon yr ohebiaeth gan BT at y deisebwyr;

Aros am ymateb y Gweinidog.

Cytunodd y Pwyllgor i:

Gomisiynu gwaith ymchwil ar gostau darparu teithio am ddim ar fysiau i fyfyrwyr o dan 25 oed sydd mewn addysg llawn amser, gan ystyried yr astudiaeth beilot a gynhaliwyd ym Mhen-y-bont ar Ogwr;

Clywed tystiolaeth lafar gan y deisebwyr, efallai mewn cynhadledd fideo;

Ceisio barn Undeb Cenedlaethol y Myfyrwyr ar bwnc y ddeiseb.

Cytunodd y Pwyllgor i anfon llythyr y Gweinidog at y deisebwyr er mwyn cael eu sylwadau, gyda golwg ar gau’r ddeiseb os ydynt yn fodlon.

Cytunodd y Pwyllgor i anfon llythyr a chyhoeddiad y Gweinidog at y deisebwyr ac i geisio’u barn ynghylch sut y mae ei ddatganiad ysgrifenedig yn berthnasol i’w pryderon.

Cytunodd y Pwyllgor i:

Anfon y ddeiseb a’r wybodaeth a gasglwyd hyd yma at y grŵp trawsbleidiol ar hawliau dynol, a gofyn am i’r broses o lunio cysyniad ar gyfer sefydlu corff o’r fath gael ei rhoi ar agendâu’r grŵp yn y dyfodol;

Anfon yr ymatebion i’r ymgynghoriad at y deisebwyr fel y gallant lunio cysyniad ar yr un pryd, ac awgrymu eu bod yn lobïo Aelodau unigol i gynnal dadl sy’n cael ei harwain gan Aelod ar y pwnc hwn yn y Cynulliad.

Cytunodd y Pwyllgor i:

Wahodd tystion, gan gynnwys y Gweinidog, i roi tystiolaeth lafar ar ynni o wastraff;

Hysbysu’r deisebwyr bod y Pwyllgor Amgylchedd a Chynaliadwyedd yn cynnal ymchwiliad i bolisi ynni, a gofyn a hoffent awgrymu meysydd y gellid holi amdanynt yn yr ymchwiliad.

Cytunodd y Pwyllgor i ysgrifennu at y deisebwyr gan dynnu eu sylw at benderfyniad cyngor cymuned Llandyfái a gofyn am eu hymateb iddo, gyda golwg ar gau’r ddeiseb os ydynt yn fodlon.

O ystyried ymateb y Gweinidog a chynnwys yr ymatebion i’r ymgynghoriad, cytunodd y Pwyllgor i:

Ysgrifennu at y deisebwyr i ofyn am fanylion am unrhyw broblemau a geir gyda’r cysylltiadau ffordd presennol;

Cynghori’r deisebwyr ynglŷn â’r Cynllun Trafnidiaeth Cenedlaethol.

Eitem 3.8

P-04-328 Asiantaeth y Môr a Gwylwyr y Glannau: Cynigion i foderneiddio gwasanaethau gwylwyr y glannau

Cytunodd y Pwyllgor y byddai’r cyfarfod yn parhau’n gyhoeddus.

Cytunodd y Pwyllgor wedyn i:

Anfon y dystiolaeth a gasglwyd a manylion am bryderon at yr Is-ysgrifennydd Gwladol dros Drafnidiaeth;

Ychwanegu ail argymhelliad at yr adroddiad, sef bod y Gweinidog Llywodraeth Leol a Chymunedau yn ailddechrau trafodaethau â Llywodraeth y DU ar fater cau gorsafoedd gwylwyr y glannau, yn enwedig yng ngoleuni’r digwyddiadau yn yr Eidal.

Anfon adroddiad y Pwyllgor at y Pwyllgor Materion Cymreig.

The Committee then agreed to:

Forward the evidence gathered and detail of concerns to the UK Parliamentary Under-Secretary of State for Transport;

Add a second recommendation to the report that the Minister for Local Government and Communities reopen discussions with the UK Government on the closure issue, especially in light of events in Italy.

Forward the Committee’s report to the Welsh Affairs Committee.

Cytunodd y Pwyllgor i:

Ystyried ymhellach gyda’r Gweinidog y ddeiseb Cŵn Tywys y Deillion – Lle Sy’n Cael Ei Rannu, unwaith y bydd y Gweinidog o’r farn bod gan y Llywodraeth ddigon o dystiolaeth i arddel safbwynt;

Anfon manylion am drothwy nifer y damweiniau ffyrdd a fydd yn golygu bod mesurau diogelwch ar y ffyrdd a/neu fesurau i atal damweiniau ar y ffyrdd yn cael eu rhoi ar waith, ynghyd â datganiad y Gweinidog ar fesurau i atal damweiniau ar y ffyrdd, at ddeisebwyr y ddeiseb Diogelwch ar y Ffyrdd yn Llansbyddyd i gael eu sylwadau arnynt, ar ôl i’r pwyllgor gael y wybodaeth honno gan y Gweinidog;

Anfon trawsgrifiad o’r cyfarfod at y pedwar grŵp o ddeisebwyr a chyngor cymuned Llansbyddyd i gael eu sylwadau arnynt.

Anfon yr astudiaeth o’r sefyllfa cyn ac ar ôl gwneud newidiadau at ddeisebwyr y ddeiseb Atebion Lleol i Dagfeydd Traffig yn y Drenewydd ar ôl i’r pwyllgor ei chael gan y Gweinidog.

Gweld trawsgrifiad o'r cyfarfod.