Agenda a Phenderfyniadau

 

Gweld y Cwestiynau

 

Dechreuodd yr eitem am 13.30

 

Gofynnwyd yr 8 cwestiwn cyntaf. Atebwyd cwestiwn 2 gan y Dirprwy Weinidog Gwasanaethau Cymdeithasol.

 

Gweld y Cwestiynau

 

Dechreuodd yr eitem am 14.16

 

Gofynnwyd y 12 cwestiwn cyntaf. Atebwyd cwestiynau 1, 7, 8, 9, 11 a 12 gan y Dirprwy Weinidog Trechu Tlodi.

 

Gweld y Cwestiynau

 

Dechreuodd yr eitem am 15.05

 

Gofynnwyd y 3 chwestiwn.

Dechreuodd yr eitem am 15.14

NDM5468 Paul Davies (Preseli Sir Benfro)

 

Cynnig bod Cynulliad Cenedlaethol Cymru:

 

1. Yn mynegi pryder y dyfarnwyd graddau annisgwyl o isel i rai myfyrwyr a safodd fodiwlau Saesneg TGAU ym mis Ionawr 2014;

 

2. Yn croesawu adolygiad cyflym Llywodraeth Cymru o'r sefyllfa;

 

3. Yn nodi pwysigrwydd ystyried yr holl dystiolaeth sydd ar gael i'r adolygiad; a

 

4. Yn galw ar Lywodraeth Cymru i rannu natur y broses adolygu a'r dystiolaeth a gafwyd fel rhan o'r adolygiad mewn modd agored a didwyll.

 

Cefnogir gan:

 

Simon Thomas (Canolbarth a Gorllewin Cymru)

 

Aled Roberts (Gogledd Cymru)

 

Dechreuodd yr eitem am 16.04

 

NDM5468 Paul Davies (Preseli Sir Benfro)

 

Cynnig bod Cynulliad Cenedlaethol Cymru:

 

1. Yn mynegi pryder y dyfarnwyd graddau annisgwyl o isel i rai myfyrwyr a safodd fodiwlau Saesneg TGAU ym mis Ionawr 2014;

 

2. Yn croesawu adolygiad cyflym Llywodraeth Cymru o'r sefyllfa;

 

3. Yn nodi pwysigrwydd ystyried yr holl dystiolaeth sydd ar gael i'r adolygiad; a

 

4. Yn galw ar Lywodraeth Cymru i rannu natur y broses adolygu a'r dystiolaeth a gafwyd fel rhan o'r adolygiad mewn modd agored a didwyll.

Derbyniwyd y cynnig yn unol â Rheol Sefydlog 12.36.

NDM5469 Paul Davies (Preseli Sir Benfro)

 

Cynnig bod Cynulliad Cenedlaethol Cymru:

 

1. Yn cydnabod y gwelliant diweddar yn economi'r DU yn sgîl camau gweithredu Llywodraeth y DU.

 

2. Yn cydnabod mai 0.7% oedd twf cyffredinol cynnyrch mewnwladol crynswth y DU ym mhedwerydd chwarter 2013.

 

3. Yn galw ar Lywodraeth Cymru i gydweithio â Llywodraeth y DU i sicrhau twf economaidd hirdymor.

 

Cyflwynwyd y gwelliannau a ganlyn:

 

Gwelliant 1 - Lesley Griffiths (Wrecsam)

 

Dileu pwynt 1.

 

[Os derbynnir gwelliant 1, bydd gwelliant 2 yn cael ei ddad-ddethol]

 

Gwelliant 2 - Elin Jones (Ceredigion)

 

Ym mhwynt 1, dileu popeth ar ôl ‘cydnabod’ a rhoi yn ei le ‘yr amodau economaidd sy’n gwella’.

 

Gwelliant 3 - Elin Jones (Ceredigion)

 

Dileu pwynt 2 a rhoi yn ei le:

 

Yn gresynu bod y data CMC diweddaraf yn dangos dirywiad yn CMC Cymru o’i gymharu â’r cyfartaledd yn yr UE.

 

Gwelliant 4 - Elin Jones (Ceredigion)

 

Ychwanegu pwynt newydd ar ddiwedd y cynnig:

 

Yn galw ymhellach ar Lywodraeth Cymru i sicrhau bod dangosyddion economaidd allweddol, fel ystadegau CMC a GYC, yn cael eu cyhoeddi’n rheolaidd er mwyn cyfrannu at bolisïau yn y dyfodol.

 

Gwelliant 5 - Elin Jones (Ceredigion)

 

Ychwanegu pwynt newydd ar ddiwedd y cynnig:

 

Yn penderfynu bod angen cymryd camau ar frys i wella ffyniant economaidd Cymru, yn cynnwys mabwysiadu strategaeth wedi’i seilio ar sgiliau ac sy’n cael ei harwain gan allforio.

 

Gwelliant 6 - Aled Roberts (Gogledd Cymru)

 

Ychwanegu pwynt newydd ar ddiwedd y cynnig:

 

Yn nodi’r effaith gadarnhaol y bydd creu mwy na miliwn o brentisiaethau yn Lloegr ers 2010 wedi’i chael ar economi’r DU ac yn gresynu at y ffaith bod nifer y bobl ar brentisiaethau yng Nghymru wedi gostwng dros 26% rhwng 2006 a 2012.

 

Dechreuodd yr eitem am 17.04

 

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

 

Cynhaliwyd pleidlais ar y cynnig heb ei ddiwygio:

 

NDM5469 Paul Davies (Preseli Sir Benfro)

 

Cynnig bod Cynulliad Cenedlaethol Cymru:

 

1. Yn cydnabod y gwelliant diweddar yn economi'r DU yn sgîl camau gweithredu Llywodraeth y DU.

 

2. Yn cydnabod mai 0.7% oedd twf cyffredinol cynnyrch mewnwladol crynswth y DU ym mhedwerydd chwarter 2013.

 

3. Yn galw ar Lywodraeth Cymru i gydweithio â Llywodraeth y DU i sicrhau twf economaidd hirdymor.

O blaid	Ymatal	Yn erbyn	Cyfanswm
12	0	40	52

Gwrthodwyd y cynnig heb ei ddiwygio.

 

Cyflwynwyd y gwelliannau a ganlyn:

 

Gwelliant 1 - Lesley Griffiths (Wrecsam)

 

Dileu pwynt 1.

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
35	0	17	52

Derbyniwyd gwelliant 1.

 

Gan fod gwelliant 1 wedi’i dderbyn, cafodd gwelliant 2 ei ddad-ddethol.

 

Gwelliant 3 - Elin Jones (Ceredigion)

 

Dileu pwynt 2 a rhoi yn ei le:

 

Yn gresynu bod y data CMC diweddaraf yn dangos dirywiad yn CMC Cymru o’i gymharu â’r cyfartaledd yn yr UE.

Cynhaliwyd pleidlais ar welliant 3:

O blaid	Ymatal	Yn erbyn	Cyfanswm
35	0	17	52

Derbyniwyd gwelliant 3.

 

Gwelliant 4 - Elin Jones (Ceredigion)

 

Ychwanegu pwynt newydd ar ddiwedd y cynnig:

 

Yn galw ymhellach ar Lywodraeth Cymru i sicrhau bod dangosyddion economaidd allweddol, fel ystadegau CMC a GYC, yn cael eu cyhoeddi’n rheolaidd er mwyn cyfrannu at bolisïau yn y dyfodol.

Cynhaliwyd pleidlais ar welliant 4:

O blaid	Ymatal	Yn erbyn	Cyfanswm
49	0	3	52

Derbyniwyd gwelliant 4.

 

Gwelliant 5 - Elin Jones (Ceredigion)

 

Ychwanegu pwynt newydd ar ddiwedd y cynnig:

 

Yn penderfynu bod angen cymryd camau ar frys i wella ffyniant economaidd Cymru, yn cynnwys mabwysiadu strategaeth wedi’i seilio ar sgiliau ac sy’n cael ei harwain gan allforio.

Cynhaliwyd pleidlais ar welliant 5:

O blaid	Ymatal	Yn erbyn	Cyfanswm
26	0	27	53

Fel sy’n ofynnol o dan Reol Sefydlog 6.20, defnyddiodd y Dirprwy Lywydd ei bleidlais fwrw drwy bleidleisio yn erbyn y gwelliant. Felly, gwrthodwyd y gwelliant.

 

Gwelliant 6 - Aled Roberts (Gogledd Cymru)

 

Ychwanegu pwynt newydd ar ddiwedd y cynnig:

 

Yn nodi’r effaith gadarnhaol y bydd creu mwy na miliwn o brentisiaethau yn Lloegr ers 2010 wedi’i chael ar economi’r DU ac yn gresynu at y ffaith bod nifer y bobl ar brentisiaethau yng Nghymru wedi gostwng dros 26% rhwng 2006 a 2012.

Cynhaliwyd pleidlais ar welliant 6:

O blaid	Ymatal	Yn erbyn	Cyfanswm
17	0	35	52

Gwrthodwyd gwelliant 6.

 

Cynhaliwyd pleidlais ar y cynnig wedi’i ddiwygio:

 

NDM5469 Paul Davies (Preseli Sir Benfro)

 

Cynnig bod Cynulliad Cenedlaethol Cymru:

 

1. Yn gresynu bod y data CMC diweddaraf yn dangos dirywiad yn CMC Cymru o’i gymharu â’r cyfartaledd yn yr UE.

 

2. Yn galw ar Lywodraeth Cymru i gydweithio â Llywodraeth y DU i sicrhau twf economaidd hirdymor.

3. Yn galw ymhellach ar Lywodraeth Cymru i sicrhau bod dangosyddion economaidd allweddol, fel ystadegau CMC a GYC, yn cael eu cyhoeddi’n rheolaidd er mwyn cyfrannu at bolisïau yn y dyfodol.

O blaid	Ymatal	Yn erbyn	Cyfanswm
52	0	0	52

Derbyniwyd y cynnig wedi’i ddiwygio.

NDM5467 Elin Jones (Ceredigion)

 

Cynnig bod Cynulliad Cenedlaethol Cymru:

 

Yn galw ar Lywodraeth Cymru i fynd i’r afael â rhwystrau i gyflogaeth a dilyniant gyrfa drwy:

 

a) Ymestyn gofal plant fforddiadwy ledled Cymru;

 

b) Sicrhau bod cyrff y sector cyhoeddus yn cymryd camau gweithredu cadarnhaol i gynyddu amrywiaeth;

 

c) Gweithio gyda chyflogwyr mawr i gynyddu cyfleoedd i bobl anabl;

 

d) Cefnogi'r cyflog byw a dileu arferion cyflogaeth gwael fel contractau dim oriau.

 

Cyflwynwyd y gwelliannau a ganlyn:

 

Gwelliant 1 - Aled Roberts (Gogledd Cymru)

 

Cynnwys is-bwynt b) newydd ac ailrifo yn unol â hynny:

 

Adolygu beth sy’n achosi’r cynnydd mewn llwythi gwaith ac absenoldeb salwch oherwydd straen ymysg gweithwyr yn y sector cyhoeddus, yn benodol nyrsys ac athrawon.

 

Gwelliant 2 - Aled Roberts (Gogledd Cymru)

 

Dileu is-bwynt d) a rhoi yn ei le:

 

Croesawu’r cynnydd yn y lwfans personol i £10,000 yn ogystal ag ymgynghoriad Adran Busnes, Arloesedd a Sgiliau y DU ar gontractau dim oriau.

 

Mae ymgynghoriad Adran Busnes, Arloesedd a Sgiliau y DU i’w weld yn:

 

https://www.gov.uk/government/consultations/zero-hours-employment-contracts [Saesneg yn unig]

 

[Os derbynnir gwelliant 2, bydd gwelliant 3 yn cael ei ddad-ddethol]

 

Gwelliant 3 - Paul Davies (Preseli Sir Benfro)

 

Dileu popeth yn is-bwynt d) a rhoi yn ei le:

 

Cefnogi arferion rheoli da sy’n sicrhau cysylltiadau da yn y gweithle a chyflogaeth gynaliadwy.

 

Gwelliant 4 - Paul Davies (Preseli Sir Benfro)

 

Ychwanegu pwynt newydd ar ddiwedd y cynnig:

 

Yn galw ar Lywodraeth Cymru i sicrhau bod sgiliau gweithio wrth galon ei Hadolygiad Cwricwlwm ac Asesu newydd er mwyn lleihau’r rhwystrau y mae pobl ifanc yn eu hwynebu o ran cyflogaeth.

Dechreuodd yr eitem am 18.08

 

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

 

Cynhaliwyd pleidlais ar y cynnig heb ei ddiwygio:

 

NDM5467 Elin Jones (Ceredigion)

 

Cynnig bod Cynulliad Cenedlaethol Cymru:

 

Yn galw ar Lywodraeth Cymru i fynd i’r afael â rhwystrau i gyflogaeth a dilyniant gyrfa drwy:

 

a) Ymestyn gofal plant fforddiadwy ledled Cymru;

 

b) Sicrhau bod cyrff y sector cyhoeddus yn cymryd camau gweithredu cadarnhaol i gynyddu amrywiaeth;

 

c) Gweithio gyda chyflogwyr mawr i gynyddu cyfleoedd i bobl anabl;

 

d) Cefnogi'r cyflog byw a dileu arferion cyflogaeth gwael fel contractau dim oriau.

O blaid	Ymatal	Yn erbyn	Cyfanswm
35	0	17	52

Derbyniwyd y cynnig heb ei ddiwygio.

 

Dechreuodd yr eitem am 18.50

 

NDM5466 Paul Davies (Preseli Sir Benfro)

 

Achub ein Gwasanaethau – Ymgyrch pobl Sir Benfro i gadw gwasanaethau yn ysbyty Llwynhelyg.

Dechreuodd yr eitem am 18.53

 

NDM5466 Paul Davies (Preseli Sir Benfro)

 

Achub ein Gwasanaethau – Ymgyrch pobl Sir Benfro i gadw gwasanaethau yn ysbyty Llwynhelyg.