Mynediad at fwyd iach, maethlon a fforddiadwy

Dydd Llun 13 Hydref 2025, cytunodd y Pwyllgor Cydraddoldeb a Chyfiawnder Cymdeithasol i gynnal ymchwiliad byr ar fynediad at fwyd. Yn benodol, mae'r Pwyllgor am wybod sut y gellir sicrhau bod bwyd iach, maethlon a fforddiadwy ar gael i bawb.

Yn flaenorol, edrychodd y Pwyllgor ar dlodi bwyd fel rhan o'i ymchwiliad i ddyled a chostau byw cynyddol, a hynny yn 2023. Galwodd y Pwyllgor ar Lywodraeth Cymru i "fabwysiadu dull mwy cynaliadwy ac ataliol o fynd i’r afael â thlodi bwyd drwy gefnogi mentrau cymdeithasol sy’n gweithredu i gyflawni nodau ehangach megis gwella sgiliau coginio mewn cymunedau lleol a darparu prydau iach".

Cylch gorchwyl

Y cylch gorchwyl ar gyfer yr ymchwiliad yw:

>>>> 

>>>I ba raddau y mae dull Llywodraeth Cymru o fynd i’r afael â thlodi bwyd yn cefnogi darpariaeth bwyd iach a maethlon i bawb, a pha gamau y gallai eu cymryd i gyflawni hyn?

>>>Beth yw'r prif rwystrau i fynd i’r afael â thlodi bwyd mewn ffordd gynaliadwy ac ataliol sy'n darparu bwyd iach a maethlon i bawb, a sut y gellir goresgyn y rhwystrau hyn?

>>>Pa enghreifftiau o arferion da sy'n llwyddo i fynd i’r afael â thlodi bwyd drwy gefnogi darpariaeth bwyd iach a maethlon? Sut y dylai Llywodraeth Cymru a’i phartneriaid gefnogi'r arferion da hyn, a helpu i’w lledaenu a’u datblygu?

>>>A yw dull Llywodraeth Cymru o fynd i'r afael â thlodi bwyd yn cydbwyso'n ddigonol yr angen am gefnogaeth frys gyda dull ataliol sy'n darparu atebion cynaliadwy a hirdymor? Os nad yw, sut y dylai wneud hyn?

<<< 

Cytunodd y Pwyllgor i gasglu tystiolaeth drwy gynnal ymgynghoriad targedig, drwy sesiynau tystiolaeth lafar gyda rhanddeiliaid allweddol a thrwy ymgysylltu â sefydliadau ac unigolion sydd â phrofiadau uniongyrchol.