Bil yr Amgylchedd (Egwyddorion, Llywodraethiant a Thargedau Bioamrywiaeth) (Cymru)

Bil Llywodraeth Cymru a gyflwynwyd gan Huw Irranca-Davies AS, Y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig, ym mis Mehefin 2025. Mae’r Pwyllgor Busnes wedi cyfeirio’r Bil i’r Pwyllgor Newid Hinsawdd, yr Amgylchedd, a Seilwaith.

Gwybodaeth am y Bil

Yn ôl Llywodraeth Cymru, nod y darpariaethau egwyddorion amgylcheddol yw sefydlu fframwaith cadarn ar gyfer llywodraethu amgylcheddol yng Nghymru. Mae'r fframwaith hwn yn ceisio mynd i'r afael â thair her graidd, sef: brwydro yn erbyn effaith gyfunol yr argyfwng hinsawdd a’r argyfwng natur, diogelu'r amgylchedd rhag niwed, ac ymateb i newidiadau o ran strwythurau llywodraethu amgylcheddol yn dilyn ymadawiad y DU o'r UE.

Prif amcanion y Bil yw:

>>>>

>>>Mae’r Bil yn sefydlu amcan amgylcheddol ac egwyddorion amgylcheddol penodol. Bydd yn ei gwneud yn ofynnol i Weinidogion Cymru a CNC, wrth lunio polisi, a rhai awdurdodau cyhoeddus eraill, wrth gynnal asesiadau amgylcheddol strategol, igymhwyso’r egwyddorion, ac i integreiddio diogelu’r amgylchedd.

>>>Bydd y Bil yn sefydlu corff llywodraethiant amgylcheddol annibynnol, Swyddfa Llywodraethiant Amgylcheddol Cymru (“OEGW”) i ddarparu trosolwg strategol o ofynion ar awdurdodau cyhoeddus i: gydymffurfio â chyfraith amgylcheddol; llunio cyfraith amgylcheddol effeithiol; gweithredu/cymhwyso cyfraith amgylcheddol yn effeithiol; a dwyn yr awdurdodau cyhoeddus hynny i gyfrif, mewn modd tebyg i Swyddfa Diogelu’r Amgylchedd a sefydlwyd gan Ddeddf yr Amgylchedd 2021.

>>>Mae’r Bil yn diwygio Deddf yr Amgylchedd (Cymru) 2016 i sefydlu fframwaith gosod targedau bioamrywiaeth â’r nod o arafu a gwrthdroi’r dirywiad mewn bioamrywiaeth yng Nghrymu, yn ogystal â gosod dyletswydd ar Weinidogion Cymru i hyrwyddo ymwybyddiaeth yng Nghymru o bwysigrwydd bioamrywiaeth, a’r bygythiadau i fioamrywiaeth.

<<<

Mae rhagor o fanylion am y Bil (PDF 700KB) yn y Memorandwm Esboniadol (PDF 3MB) cysylltiedig.

Cyfnod Presennol

BillStage1

Mae’r Bil yng Nghyfnod 1 ar hyn o bryd. Mae eglurhad o gyfnodau amrywiol Biliau’r Senedd ar gael yn y Canllaw i Cyfnod Filiau a Deddfau Cyhoeddus.

Cofnod o daith y Bil drwy Senedd Cymru

Mae’r tabl a ganlyn yn nodi’r dyddiadau ar gyfer pob cyfnod o daith y Bil drwy Senedd.

¬¬¬Cyfnod 1, Pwyllgor yn trafod yr egwyddorion cyffredinol (Cyfredol)

Bydd y Pwyllgor Newid Hinsawdd, yr Amgylchedd, a Seilwaith yn trafod ei ddull o ran ystyriaethau Cyfnod 1 ar 4 Mehefin 2025.

Dyddiadau’r Pwyllgor

Bydd y Pwyllgor Newid Hinsawdd, yr Amgylchedd, a Seilwaith yn ystyried y Bil ar y dyddiadau canlynol:

Dyddiad Cyfarfod & Agenda	Pwrpas y cyfarfod	Trawsgrifiad	Senedd.TV
4 Mehefin 2025	Trafod y dull craffu ar gyfer Cyfnod 1	Preifat	Preifat
26 Mehefin 2025	Sesiwn dystiolaeth gyda'r y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig	Trawsgrifiad	Gweld y cyfarfod
9 Gorffennaf 2025	Sesiynau tystiolaeth	Trawsgrifiad	Gweld y cyfarfod
17 Gorffennaf 2025	Sesiynau tystiolaeth	Trawsgrifiad	Gweld y cyfarfod
18 Medi 2025	Sesiwn dystiolaeth gyda'r y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig	Trawsgrifiad	Gweld y cyfarfod

Gosododd y Pwyllgor Newid Hinsawdd, yr Amgylchedd, a Seilwaith ei adroddiad ar 24 Hydref 2025 (PDF 2257MB)

Bydd y Pwyllgor Deddfwriaeth, Cyfiawnder a’r Cyfansoddiad yn ystyried y Bil ar y dyddiadau canlynol:

Dyddiad Cyfarfod & Agenda	Pwrpas y cyfarfod	Trawsgrifiad	Senedd.TV
30 Mehefin 2025	Sesiwn dystiolaeth gyda'r y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig	Trawsgrifiad	Gweld y cyfarfod