P-06-1523 Gwrthdroi’r Penderfyniad i Gau Cyrsiau Cwnsela a Seicotherapi Ôl-raddedig ym Mhrifysgol De Cymru

Petitions4

Cyflwynwyd y ddeiseb hon gan Kelsey Young, ar ôl casglu 584 lofnodion.

Geiriad y ddeiseb:  

Rydym yn annog Prifysgol De Cymru i wrthdroi ei phenderfyniad i gau cyrsiau cwnsela a seicotherapi allweddol. Mae'r rhaglenni hyn yn darparu hyfforddiant hanfodol ac yn cefnogi gwasanaethau iechyd meddwl lleol. Bydd colli’r cyrsiau’n lleihau mynediad at therapyddion cymwys ac yn gorfodi myfyrwyr i hyfforddi yn Lloegr. Rhaid i Brifysgol De Cymru ymgynghori â myfyrwyr a rhanddeiliaid, gan gynnwys Llywodraeth Cymru, i ddod o hyd i ateb sy'n diogelu’r cyrsiau hanfodol hyn.

Gwybodaeth Ychwanegol:

Mae myfyrwyr ar y cyrsiau hyn yn rhoi cefnogaeth hanfodol i elusennau, ysgolion, a gwasanaethau'r GIG. Bydd eu habsenoldeb yn gwaethygu'r straen ar ddarpariaethau sydd eisoes wedi'u gorymestyn.

Heb unrhyw hyfforddiant seicotherapi ôl-raddedig Cymdeithas Cwnsela a Seicotherapi Prydain arall yng Nghymru, rhaid i fyfyrwyr deithio i Loegr, gan gynyddu heriau ariannol a logistaidd. Mae hyn yn effeithio'n anghymesur ar fyfyrwyr aeddfed a'r rheini o gefndiroedd incwm is, gan leihau amrywiaeth yn y proffesiwn.

Nid yw Prifysgol De Cymru wedi dilyn ei pholisïau ei hun ar ymgynghori, gan fethu ag ymgysylltu â myfyrwyr a rhanddeiliaid cyn gwneud penderfyniadau.

Mae'r cyrsiau hyn yn hanfodol ar gyfer hyfforddi gweithwyr proffesiynol medrus a sicrhau cymorth iechyd meddwl hygyrch. O ystyried y galw cynyddol am wasanaethau, mae'r penderfyniad hwn yn gibddall ac yn niweidiol.

Rydym yn annog Gweinidogion Cymru a Phrifysgol De Cymru i ailystyried ac i archwilio atebion amgen, megis ailstrwythuro rhaglenni neu sicrhau cyllid ychwanegol. Mae diogelu’r cyrsiau hyn yn hanfodol ar gyfer dyfodol cwnsela a seicotherapi yng Nghymru.

Statws

Yn ei gyfarfod ar 16/06/2025 penderfynodd y Pwyllgor Deisebau fod y ddeiseb hon wedi'i chwblhau.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei thrafod gyntaf gan y Pwyllgor Deisebau ar 16/06/2025.

Etholaeth a Rhanbarth y Senedd

• Torfaen
• Dwyrain De Cymru

[PetitionFooter]