Gofal plant - ymchwiliad dilynol
Gofal plant - ymchwiliad dilynol
Inquiry2
Cefndir
Mae’r Pwyllgor
Cydraddoldeb a Chyfiawnder Cymdeithasol yn gwneud gwaith dilynol ar ei ymchwiliad
i ofal plant a chyflogaeth rhieni, a gwblhawyd ym mis Ionawr 2022.
Mae’r Pwyllgor yn
ailedrych ar y mater hwn i weld pa gynnydd sydd wedi bod, a pha waith sydd i’w
wneud o hyd, i wella darpariaeth gofal plant yng Nghymru.
Cylch gorchwyl
Cylch gorchwyl yr
ymchwiliad yw archwilio:
>>>>
>>>Pa
gynnydd sydd wedi bod o ran gweithredu’r argymhellion yn adroddiad y Pwyllgor o
ddechrau – Gwarchod
y dyfodol – y rhwystrau gofal plant sy’n wynebu rhieni sy’n gweithio.
>>>I ba
raddau y mae darpariaeth gofal plant yng Nghymru yn cynnig darpariaet o ansawdd
uchel sy’n cefnogi datblygiad plant, yn mynd i’r afael â thlodi plant ac yn
cefnogi cyflogaeth rhieni. Pa newidiadau y gallai fod eu hangen i gyflawni’r
canlyniadau hyn.
>>>Pa
gynnydd sy’n cael ei wneud tuag at cyflawni ymrwymiad y Cytundeb Cydweithio i
ehangu 12.5 awr o ofal plant am ddim yr wythnos i bob plentyn dwy oed, gyda
phwyslais ar gryfhau darpariaeth cyfrwng Cymraeg.
>>>I ba
raddau y mae gofal plant digonol ar gael i ddiwallu’r anghenion amrywiol sydd
gan deuluoedd ledled Cymru, a pha gamau y mae modd eu cymryd i fynd i’r afael
ag anghydraddoldebau y mae grwpiau demograffig penodol a gwahanol rannau o
Gymru yn eu hwynebu o ran mynediad at ofal plant.
>>>Pa
ddulliau gweithredu sy’n bodoli i integreiddio’r gwaith o ddarparu gofal plant
yng Nghymru, a sut mae modd gwasgaru arfer gorau’n eang.
>>>Sut
mae pwysau costau byw wedi effeithio ar ddarparwyr gofal plant a’r gweithlu, a
pha effeithiau y mae hyn wedi’u cael ar y sector.
>>>Pa
wersi y gellir eu dysgu o rannau eraill o’r DU ac arfer gorau rhyngwladol i
wella polisi gofal plant yng Nghymru.
>>>Sut
mae angen ystyried rhwystrau ariannol ac ymarferol o ran datblygu polisi gofal
plant yn y dyfodol.
<<<
Casglu
tystiolaeth
Bydd y Pwyllgor
yn gwahodd tystiolaeth ysgrifenedig gan grŵp o randdeiliaid wedi’i dargedu. Bydd hefyd yn casglu
tystiolaeth drwy sesiynau tystiolaeth llafar ffurfiol – i gasglu tystiolaeth ‘ar y cofnod’ – a thystiolaeth anffurfiol, fel sesiynau i randdeiliaid yn y Senedd a
grwpiau ffocws.
Mae sesiynau
tystiolaeth llafar i’w cynnal ar y dyddiadau a ganlyn:
>>>>
>>>26
Chwefror 2024
>>>29
Ebrill 2024
<<<
Bydd y rhanddeiliaid
y bydd y Pwyllgor yn eu gwahodd i roi tystiolaeth yn dod o’r meysydd a ganlyn:
>>>>
>>>Sefydliadau
annibynnol sy’n gweithio ar ofal plant
>>>Darparwyr
gofal plant
>>>Arbenigwyr
o du allan i Gymru
>>>Llywodraeth
Cymru
<<<
Gwaith arall
Ymchwiliad
dilynol i’r ymchwiliad
i ofal plant a chyflogaeth rhieni yw hwn. Codwyd y mater o ofal plant hefyd
yn ystod gwaith y Pwyllgor ar Strategaeth Tlodi Plant ddrafft Llywodraeth
Cymru. I ddarllen yr adroddiad, ewch
i dudalen
yr ymchwiliad.
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Cyhoeddwyd gyntaf: 02/01/2024
Papurau cefndir
- CFU 1 - Yr Athro David Dallimore (Saesneg yn unig) PDF 196 KB
- CFU 2 - Cymdeithas Genedlaethol Meithrinfeydd Dydd (NDNA) yr Alban (Saesneg yn unig) PDF 401 KB
- CFU 3 - Oxfam Cymru (Saesneg yn unig) PDF 385 KB
- CFU 4 - Rhwydwaith Cydraddoldeb Menywod (Saesneg yn unig) PDF 287 KB
- CFU 5 - Comisiynydd Plant Cymru PDF 676 KB
- CFU 6 - Comisiwn Cydraddoldeb a Hawliau Dynol (Saesneg yn unig) PDF 385 KB
- CFU 7 - CWLWM PDF 339 KB
- CFU 8 - Sefydliad Bevan (Saesneg yn unig) PDF 257 KB
- CFU 9 - TUC Cymru (Saesneg yn unig) PDF 115 KB