Cydsyniad Deddfwriaethol: Bil Lles Anifeiliaid (Allforion Da Byw)

Cyflwynwyd y Bil Lles Anifeiliaid (Allforion Da Byw) (y Bil) yn Nhŷ'r Cyffredin ar 4 Rhagfyr 2023.

Mae teitl hir y Bil yn nodi ei fod yn Fil i wahardd allforio rhai da byw penodol o Brydain Fawr i’w lladd.

Mae’r Bil yn ddarostyngedig i’r broses cydsyniad deddfwriaethol o dan Reol Sefydlog 29. Dyma pan fo Llywodraeth y DU yn ceisio cydsyniad Senedd Cymru i ddeddfu ar fater sy’n dod o fewn cymhwysedd y Senedd.

Memorandwm Cydsyniad Deddfwriaethol – Rhagfyr 2023

Gosododd Llywodraeth Cymru Femorandwm Cydsyniad Deddfwriaethol (PDF 165KB) ar y Bil gerbron y Senedd ar 19 Rhagfyr 2023.

Mae'r Pwyllgor Busnes wedi cyfeirio'r Memorandwm at y Pwyllgor yr Economi, Masnach a Materion Gwledig a’r Pwyllgor Deddfwriaeth, Cyfiawnder a’r Cyfansoddiad a bydd angen cyflwyno adroddiad arno erbyn 15 Mawrth 2024 (PDF 22KB).

Ar 20 Chwefror 2024, cytunodd y Pwyllgor Busnes ar ddyddiad cau newydd i’r pwyllgorau gyflwyno adroddiad ar y memoranda sy'n ymwneud â'r Bil sef 8 Mawrth 2024 (PDF 31KB).

Cyhoeddodd y Pwyllgor Deddfwriaeth, Cyfiawnder a’r Cyfansoddiad ei adroddiad (PDF 184KB) ar 6 Mawrth 2024.

Cyhoeddodd y Pwyllgor Economi, Masnach a Materion Gwledig ei adroddiad (PDF 260KB) ar 8 Mawrth 2024.