Craffu ar Cronfa Fuddsoddi Gwyddorau Bywyd Llywodraeth Cymru

Roedd Cronfa Fuddsoddi Gwyddorau Bywyd Cymru yn gronfa ecwiti bwrpasol a gynhaliwyd rhwng 2012 a 2023 gyda gwerth buddsoddiad targed cychwynnol hyd at £100 miliwn. Cyhoeddwyd bod y Gronfa’n cau mewn datganiad ysgrifenedig ar 12 Gorffennaf 2023 gan Weinidog yr Economi, gyda £21.1 miliwn yn cael ei ddileu gan Fanc Datblygu Cymru. Cytunodd y Pwyllgor Cyfrifon Cyhoeddus a Gweinyddiaeth Gyhoeddus i archwilio cau’r gronfa gyda Llywodraeth Cymru a Banc Datblygu Cymru.

Cynhaliodd y Pwyllgor sesiwn dystiolaeth gyda swyddogion Llywodraeth Cymru a Banc Datblygu Cymru ar 27 Medi 2023, ac wedi hynny ysgrifennodd at swyddogion i ofyn am rhagor o wybodaeth yn dilyn y sesiwn. Cafodd y Pwyllgor ymateb ar 15 Ionawr 2024.

Ysgrifennodd y Pwyllgor at Lywodraeth Cymru ar 3 Rhagfyr 2024 yn gofyn am y wybodaeth ddiweddaraf am ddatblygiadau yng Nghronfa Fuddsoddi Gwyddorau Bywyd Cymru. Ymatebodd Llywodraeth Cymru i lythyr y Pwyllgor ar 31 Mawrth 2025; trafododd y Pwyllgor y llythyr yn ei gyfarfod ar 1 Mai 2025.