Cydsyniad Deddfwriaethol: Y Bil Diogelu Data a Gwybodaeth Ddigidol
Cydsyniad Deddfwriaethol: Y Bil Diogelu Data a Gwybodaeth Ddigidol
Cafodd y Bil
Diogelu Data a Gwybodaeth Ddigidol (y Bil) ei gyflwyno yn Nhŷ’r Cyffredin ar 8 Mawrth 2023.
Mae'r Bil yn
cario drosodd a'i enw blaenorol (Mawrth - Rhagfyr 2023) oedd Bil Diogelu Data a
Gwybodaeth Ddigidol (Rhif 2).
Yn ôl teitl hir y
Bil, ei ddiben yw “gwneud darpariaeth ar gyfer rheoleiddio prosesu gwybodaeth
sy'n ymwneud ag unigolion byw a nodwyd neu adnabyddadwy; gwneud darpariaeth
ynghylch gwasanaethau sy'n cynnwys defnyddio gwybodaeth i ganfod a gwirio
ffeithiau am unigolion; gwneud darpariaeth ynghylch mynediad at ddata
cwsmeriaid a data busnes; gwneud darpariaeth ynghylch preifatrwydd a
chyfathrebiadau electronig; gwneud darpariaeth ynghylch gwasanaethau ar gyfer
darparu llofnodion electronig, seliau electronig a gwasanaethau ymddiriedolaeth
eraill; gwneud darpariaeth ynghylch datgelu gwybodaeth er mwyn gwella’r modd y
darperir gwasanaethau cyhoeddus; gwneud darpariaeth ar gyfer gweithredu
cytundebau ar rannu gwybodaeth at ddibenion gorfodi'r gyfraith; gwneud darpariaeth
ynghylch cadw a chynnal cofrestrau genedigaethau a marwolaethau; gwneud
darpariaeth ynghylch safonau gwybodaeth at ddibenion iechyd a gofal
cymdeithasol; sefydlu'r Comisiwn Gwybodaeth; gwneud darpariaeth ynghylch
goruchwylio data biometrig; ac at ddibenion cysylltiedig.”
Mae’r Bil yn
ddarostyngedig i'r broses cydsyniad deddfwriaethol o dan Reol
Sefydlog 29. Mae hyn yn golygu bod Llywodraeth y DU yn gofyn am gydsyniad
Senedd Cymru i ddeddfu ar fater sydd fel rheol yn dod o fewn cymhwysedd Senedd
Cymru.
Memorandwm
Cydsyniad Deddfwriaethol Atodol – Rhagfyr 2023
Ar 11 Rhagfyr
2023, gosododd Llywodraeth Cymru Memorandwm
Cydsyniad Deddfwriaethol Atodol (PDF 172KB).
Mae'r Pwyllgor Busnes
wedi cyfeirio'r Memorandwm at y Pwyllgor
Diwylliant, Cyfathrebu, y Gymraeg, Chwaraeon, a Chysylltiadau Rhyngwladol
a’r Pwyllgor
Deddfwriaeth, Cyfiawnder a’r Cyfansoddiad a bydd angen cyflwyno adroddiad
arno erbyn 2
Chwefror 2024 (PDF 67KB).
Cyhoeddodd y
Pwyllgor Deddfwriaeth, Cyfiawnder a’r Cyfansoddiad ei adroddiad (PDF
230KB) ar 26 Ionawr 2024. Ymatebodd
(PDF 175KB) Llywodraeth Cymru i’r adroddiad ar 4 Mawrth 2024.
Gosododd Pwyllgor Diwylliant, Cyfathrebu, y
Gymraeg, Chwaraeon, a Chysylltiadau Rhyngwladol ei adroddiad ar Femoranda Cydsyniad
Deddfwriaethol Rhif 3 ar y Bil Diogelu Data a Gwybodaeth Ddigidol (Rhif 2)
(PDF 342KB) ar 19 Chwefror 2024.
Memorandwm
Cydsyniad Deddfwriaethol Atodol – Mai 2023
Gosododd
Llywodraeth Cymru Femorandwm
Cydsyniad Deddfwriaethol Atodol (PDF 182KB) ar y Bil gerbron y Senedd ar 25
Mai 2023.
Cytunodd (PDF
67.4KB) y Pwyllgor Busnes y caiff y Memorandwm Cydsyniad Deddfwriaethol Atodol
ar y Diogelu Data a Gwybodaeth Ddigidol (Rhif 2) ei drafod ac y gwneir
adroddiad arno, i’r Senedd, erbyn 15 Medi 2023.
Gosododd Pwyllgor Diwylliant, Cyfathrebu, y
Gymraeg, Chwaraeon, a Chysylltiadau Rhyngwladol ei adroddiad ar Femoranda Cydsyniad
Deddfwriaethol Rhif 1 a Rhif 2 ar y Bil Diogelu Data a Gwybodaeth Ddigidol
(Rhif 2) (PDF 203KB) ar 21 Gorffennaf 2023.
Cyhoeddodd y
Pwyllgor Deddfwriaeth, Cyfiawnder a’r Cyfansoddiad ei adroddiad
(274KB) ar y Memoranda Cydsyniad Deddfwriaethol ar gyfer y Bil Diogelu Data a
Gwybodaeth Ddigidol (Rhif 2) ar 24 Gorffennaf 2023. Ymatebodd
Llywodraeth Cymru i’r adroddiad ar 5 Medi 2023.
Memorandwm
Cydsyniad Deddfwriaethol – Mawrth 2023
Gosododd Llywodraeth
Cymru Femorandwm
Cydsyniad Deddfwriaethol (PDF 179KB) ar y Bil gerbron y Senedd ar 29 Mawrth
2023.
Mae'r Pwyllgor Busnes wedi cyfeirio'r Memorandwm at Pwyllgor Diwylliant, Cyfathrebu, y Gymraeg,
Chwaraeon, a Chysylltiadau Rhyngwladol a’r Pwyllgor
Deddfwriaeth, Cyfiawnder a’r Cyfansoddiad, a bydd angen cyflwyno
adroddiad arno erbyn 8 Mehefin 2023
(PDF 51.9KB).
Ar 25 Ebrill
2023, cytunodd
(PDF 53.4KB) y Pwyllgor Busnes ar ddyddiad cau newydd i’r sef 6 Gorffennaf
2023.
Math o fusnes: Cydsyniad Deddfwriaethol
Cyhoeddwyd gyntaf: 29/03/2023
Dogfennau