Cynhaliodd y Pwyllgor ar Ddiwygio Etholiadol y Senedd ymchwiliad i edrych yn fanwl ar argymhellion y Panel Arbenigol ar Ddiwygio Etholiadol y Cynulliad sy’n ymwneud â mesurau gwirfoddol a deddfwriaethol i annog ethol Senedd fwy amrywiol, drwy:

        Edrych yn fanwl a ddylai fod yn ofynnol i bleidiau gwleidyddol gyhoeddi gwybodaeth ddienw am amrywiaeth eu hymgeiswyr yn etholiadau y Senedd, a’r goblygiadau ymarferol y byddai hyn yn arwain atynt;

        Ystyried egwyddorion a goblygiadau ymarferol argymhelliad y Panel y dylid integreiddio cwotâu rhywedd ymgeiswyr yn ddeddfwriaethol yn system etholiadol y Senedd, ac unrhyw gamau gwirfoddol y gallai pleidiau eu cymryd i gynyddu amrywiaeth eu hymgeiswyr etholiadol ar draws yr ystod lawn o nodweddion gwarchodedig o dan Ddeddf Cydraddoldeb 2010;

        Edrych yn fanwl ar faterion yn ymwneud ag argymhelliad y Panel y dylid caniatáu i bobl sefyll mewn etholiad ar sail rhannu swyddi, gan gynnwys y goblygiadau o ran atebolrwydd democrataidd ac unrhyw ystyriaethau ymarferol y byddai angen mynd i’r afael â hwy.

Adroddiad y Pwyllgor

Cyhoeddodd y Pwyllgor ei adroddiad, Diwygio'r Senedd: Y camau nesaf (PDF, 5MB) ym mis Medi 2020. Hefyd, cyhoeddodd grynodeb o'i argymhellion (PDF, 113KB).

Tystiolaeth gan y cyhoedd

Cynhaliodd y Pwyllgor ymgynghoriad fel rhan o’i ymchwiliad rhwng 11 Mawrth 2020 a 21 Mai 2020.

Gweithgaredd ymgysylltu

Cynhaliodd y Pwyllgor ddigwyddiad i randdeiliaid ar 10 Chwefror 2020. Cyhoeddwyd cofnod o’r materion a drafodwyd (PDF, 131KB).

Tystiolaeth lafar