Cynhaliodd y Pwyllgor ar Ddiwygio Etholiadol y Senedd ymchwiliad i edrych yn fanwl ar argymhelliad y Panel Arbenigol ar Ddiwygio Etholiadol y Cynulliad y dylid cynyddu maint y Senedd i o leiaf 80 Aelod, ac yn ddelfrydol yn agosach at 90 Aelod, drwy:

        Nodi’r goblygiadau o ran unrhyw newidiadau perthnasol i rolau a chyfrifoldebau’r Senedd a’i Aelodau, neu’r cyd-destun cyfansoddiadol ehangach i gapasiti’r Senedd, ers i’r Panel gyflwyno’i adroddiad yn 2017;

        Edrych yn fanwl sut y byddai unrhyw newid i faint y Senedd yn cael ei weithredu, gan gynnwys effaith bosibl cynyddu gallu’r Senedd i graffu. a’r goblygiadau ariannol a goblygiadau eraill;

        Ar y sail y bydd maint y Senedd yn aros yn 60 tan o leiaf 2026, ystyried a oes unrhyw fesurau eraill y gellid eu mabwysiadu yn y tymor byr i sicrhau bod gan y Senedd y capasiti sydd ei angen arno i gyflawni ei swyddogaethau cynrychioliadol, ei swyddogaethau craffu a’i swyddogaethau deddfwriaethol.

Adroddiad y Pwyllgor

Cyhoeddodd y Pwyllgor ei adroddiad, Diwygio'r Senedd: Y camau nesaf (PDF, 5MB) ym mis Medi 2020. Hefyd, cyhoeddodd grynodeb o'i argymhellion (PDF, 113KB).

Gweithgaredd ymgysylltu

Cynhaliodd y Pwyllgor ddigwyddiad rhanddeiliaid ar 6 Ionawr 2020. Cyhoeddwyd cofnod o’r materion a drafodwyd [PDF, 258KB]. Cynhaliodd y Pwyllgor ymgynghoriad ar y cofnod o’r materion a drafodwyd rhwng 14 Chwefror 2020 a 20 Ebrill 2020.

Tystiolaeth lafar